К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Как выбрать керамическую плитку

Артқа.
(1144 көрілім)
Скачать pdf файлы
Скачать pdf файлы

1Қыш тақтаның түрлері

Еден мен қабырғаға арналған әрлеу материалдарының ішінде қыш тақта ұзақ уақытқа жарамдылығы және тиімділігі, оңай күтім жасалуы тұрғысынан бірінші орынға ие. Оның құны/артықшылығы деген қатынасы өте тиімді, мұндағы құнына бөлшек сауда бағасы, қалау құны және ағымдағы қызмет көрсету шығындары қамтылған ал артықшылығы – оның ұзақ уақытқа жарамдылығы.

Қыш тақта – өте қауіпсіз және экологиялық таза материалдардың бірі..

Әртүрлі мақсаттарға және әртүрлі бөлмелерге арналған қыш тақталар болады. Тақталарды таңдаған кезде оны пайдалануға сәйкес келетін эстетикалық және техникалық сипаттамаларды ескеру керек. Өндіретін әдісіне, сыртқы беткі қабатына, қыш тақтаның негіз түрлеріне қарай оның мынадай негізгі түрлері бар:

ӨНДІРІС ТҮРІ БОЙЫНША

  • Тығыздалған / Тығыздау әдісі

    Тығыздалған тақта ұнтақталған шикізаттан алынады да, жоғары қысыммен жасалып, нығыздалады.

    Нығыздаған кезде құрамында 4-7% ылғал бар ұнтақ тәрізді масса әдетте, 200-400 кг/см2 қысыммен екі бағытта қозғалады. Түйіршіктер қысыммен қозғалып, аздап деформацияланады, соның арқасынды күйдірілмеген тақта айтарлықтай тығыз әрі берік болып шығады.

  • Экструдерлеу / Экструдерлеу әдісі

    Экструдерленген тақта паста тәрізді массадан алынады, оны экструдер арқылы өткізеді, нәтижесінде бұйым қажетті пішінге келтіріледі.

    Бұл ретте бастапқы массада бұйымның түріне қарай 15-20% аралығында ылғал болады. Экструдерден шығатын жолақ тиісті өлшемдерге кесіледі.

БЕТКІ ҚАБАТЫНЫҢ ТҮРІ БОЙЫНША

  • Жылтыратылған

    Жылтыратылған тақтаның беткі қабаты түрлі түсті әйнекпен қапталған, соның нәтижесінде ол анағұрлым әсерлі, ерекше эстетикалық және техникалық қасиеттерге ие болады. Жылтыр – әртүрлі минералды қосылыстардың қоспасы болып табылады, ол бұйымның бетіне жағылып, балқытылады. Кейін оны салқындатқан кезде балқытылған масса қатады да, әйнек сияқты болады. Жылтыр түрлі түсті немесе ақ, мөлдір немесе күңгірт болады. Жылтыр дайындау үшін әртүрлі материалды дозалайды және оларды суда уатады. Осылайша құрамында 40-50% су бар, пайдалануға дайын жүзгін пайда болады. Жылтырды күйдірілген беткі қабатқа да (екі рет күйдірілген), құрғатылған беткі қабатқа (бір рет күйдірілген) да жағуға болады.

  • Жылтыратылмаған

    Жылтыратылмаған тақта құрамының қалыңдығы біртекті және бір түсті бояумен боялған. Олардың беткі қабаты мен негізінің арасында ешқандай айырмашылық жоқ. Әдетте, оның ешқандай суреті немесе декоративті жабыны болмайды.

    Бір рет күйдірілген тақта. Күйдіру арқылы тақта оны пайдалануға жарамды ететін механикалық сипаттамаларға, сондай-ақ химиялық инерттілік қасиетке ие болады. Мұндай сипаттамалар күйдіру кезінде тақтада орын алатын химиялық реакциялар мен физикалық өзгерістердің нәтижесінде пайда болады.

  • Жылтыратылған

    Тақтаның өңделген беткі қабаты өндіріс кезінде қарапайым нығыздау және күйдірумен қатар, қосымша технологиялық операциялардың қолданылғанын білдіреді. Беткі қабатты абразив дискілермен ажарлау нәтижесінде ол айнадай жылтырайды. Ажарлаудың алдында күйдірілгеннен кейін түзілген кедір-бұдырлы қабат кесіледі.

  • Өңделмеген

    Өңделмеген тақта тиісінше, өңдеу кезеңінен өткізілмейді.

МАТЕРИАЛ ТҮРІ БОЙЫНША

  • Қыш тақта

    Қыш тақта – табиғи материал (топырақ, құм және т.б.) негізінде алынатын бұйым, оған шикі күйінде қажетті пішін беріледі. Содан кейін бұйымның құрамына және түріне қарай тақта кептіріліп, жоғары температурада (900-1250°С) күйдіріледі. Қазіргі таңда қыш тақта ең танымал, ыңғайлы әрі тиімді әрлеу материалдарының бірі болып табылады. Көлемі, пішіні, түсі және декоративті элементтерінің әртүрлілігіне қарай, оны тұрғын бөлме интерьерінен және сырты қапталған ғимараттың қабырғаларынан жиі кездестіреміз.

  • Қыш гранит

    Қыш гранит – бұл сазды 400—500 кг/ см2 қысыммен нығыздау арқылы өндірілетін, кейін 1200—1300 °C темпераураға дейін күйдірілген қыш тақта түрі. Өндіріс технологиясының артықшылығына байланысты қыш граниттің беткі қабаты қатты және тозуға төзімді, суды сіңірмейді, соның нәтижесінде аязға төзімді, күн сәулесін және басқа да жағымсыз атмосфералық факторларды өткізбейді деген сияқты техникалық сипаттарға ие. Декоративті қасиеттердің ауқымды диапазонының арқасында бұл материал бөлменің ішін де, сыртын да әрлеу үшін қолданылады.

  • Әйнек тақта - мозаика

    Әйнек мозаиканың бастапқы материалы кварцті құм болып табылады, ол жоғары температураның нәтижесінде сұйық массаға айналады. Болашақ тақтаның бұл қалпына кез келген түс пен пішін, фактура мен қасиет беру оңай. Дайын массаны дайын бұйымның пішіні мен көлемін анықтайтын арнайы қалыптарға құяды. Бұл тақта полимерлі тор және тіпті, қарапайым қағаз негізінде өндірілуі мүмкін. Әйнек мозаиканың бірқатар ерекше артықшылықтары бар: беріктік, тозуға төзімділік, жуатын химиялық құралдардың әсеріне деген төзімділік, тақтаның беткі қабаты мүлдем сырғанақ емес, сондықтан да тайғанап кетіп, құлап қалмайсыз. Сонымен қатар сан алуан түс пен әртүрлі суреттер, әйнектің эстетикалық қасиеті өте әдемі, бірегей және сәнді интерьер жасауға мүмкіндік береді.

2Қыш тақтаның техникалық сипаттамалары

САПА КЛАССИФИКАЦИЯСЫ  

  • Өнімнің сұрыбы: 

    Өнімнің 1-ші сұрыбы техникалық шарттармен анықталады. Атап айтар болсақ, материалдың беткі қабатының ақаулығына келер болсақ, рұқсат етілетін ақау саны – жүз тақтаның ішінен 5 тақта ғана болуы мүмкін. 2 және 3 сұрыптардың сапасы төмендеу, олардың арасында ақау саны көп болуы мүмкін. Осыған қарамастан, әрбір өндірушінің өнім сұрыбының жеке сәйкестігі болатынын ескерген жөн. 

  • Реңкі: 

    Лекке жататын түс реңкі. Дайындау технологиясына байланысты себептермен фабрикада өндірген кезде барлық тақтаның түс реңкінің бірдей болуы мүмкін емес. Осыған байланысты өндіріс процесі аяқталғаннан кейін және тауарды қаптау алдында сұрыпталым жүргізіледі, сұрыпталым барысында ақауы бар тақталар алынып тасталады да, түс реңкі бойынша біртекті категорияларға бөлінеді. Көбіне реңк қаптамаға мөртабан басылған әріптік белгінің көмегімен көрсетіледі. 

  • Форматы / калибрі: 

    Зауыттың өлшемдері. Жоғарыда келтірілген себептермен, пештен шыққан кезде тақтаның өлшемдері әртүрлі болуы мүмкін. Мұндай жағдайда сұрыпталым кезеңінде тақта бірдей өлшем лектері бойынша топтастырылады, ал рұқсат белгіленген техникалық шарттарға сәйкес келетін болса, бұл іске асырылмайды. Қаптамада номинал көлемінің белгісінің қасында оның зауыттық өлшемдері де көрсетіледі. (белгісі мынадай түрде беріледі: 20x20 см (W 198x198 мм), мұндағы 198 – зауыттың өлшемі) 

Сатып алған кезде тапсырыстың біртектілігін реңкі мен калибрі бойынша тексеріп алу керек. 

ТОЗУҒА ТӨЗІМДІЛІК 

Еден тақтасының беткі қабатындағы ең маңызды сипаттама – оның тозуға төзімділігі болып табылады, бұл тақтаның тозу деңгейі туралы түсінік береді. 

Өлшеу әдістемесі жылтыратылмаған тақтаға арналған EN ISO 10545.6 және жылтыратылған тақтаға арналған EN ISO 10545.7 (PEI әдістемесі) стандарттарымен анықталады. Тозуға төзімділік көрсеткіші бойынша тақта бес топқа бөлінеді: 

  • PEI I тобы – адам аз келетін және тозуға әкеп соғатын кір жоқ бөлмелерде қолдануға арналған, мысалы, ванна бөлмесі, жатын бөлме. 
  • PEI II тобы – қарқындылығы орташа қозғалыс орын алатын, орташа тозуға ұшырайтын бөлмелерде қолдануға арналған, мысалы, жұмыс бөлмесі, қонақ бөлме. 
  • PEI III тобы – орташа және жоғары қарқынды қозғалыс байқалатын және орташа ластанатын бөлмелердің көбіне арналған, мысалы, орташа кеңселер, холлдар, асүйлер, жеке үйлердегі баспалдақтар мен балкондар. 
  • PEI IV тобы – қозғалыс қарқындылығы жоғары бөлмелерге қолдану ұсынылады, мысалы, мейрамханалар, кеңселер, дүкендер, қоғамдық орындар (касса, клиенттерге қызмет көрсетуге арналған жерлер мен тар дәліздерді қоспағанда). 
  • PEI V тобы – тозуға ең төзімді түрі. Бұл санаттағы тақтаны кез келген жерде, қозғалыс қарындылығы кез келген, оның ішінде жоғары жерлерде пайдалануға болады. 

КЕУЕКТІЛІК / ЫЛҒАЛ СІҢІРГІШТІК (AA%)

Тақтаның төмен температура әсеріне төзімділігін анықтайтын маңызды элемент. Су сіңіретін көрсеткіші төмен тақта аязға төзімділік және суды сіңіру тұрғысынан алғанда, анағұрлым сенімді әрі қауіпсіз болып табылады. 

  • ылғал сіңіргіштігі төмен (AA ≤ 3 % – I)
  • ылғал сіңіргіштігі орташа (3 < AA ≤ 10 % – II)
  • ылғал сіңіргіштігі жоғары (AA > 10 % – III)

Тақтаны көшеге немесе жылыту жүйесі жоқ, ылғалдылығы жоғары бөлмелерге қалаған кезде, сондай-ақ бассейндерді әрлеген кезде су сіңіргіш көрсеткішке баса назар аудару керек. 

ҮЙКЕЛІС КОЭФФИЦИЕНТІ 

Бұл параметр қыш тақтаның беткі қабатының сырғанау деңгейін анықтайды. Қауіпсіздіктің ең негізгі сипаттамасы – сырғанау қаупінің алдын алатын тақтаның беткі қабатының жоғары үйкеліс  коэффициенті (R) болып табылады. Сырғанауға қарсы сипаттамасына байланысты әртүрлі тақта арналымы бойынша әртүрлі аймақтарға қолданылады. 

  • R 9 – жұмыс бөлмелері, кіретін және шығатын жерлер, баспалдақтар, холлдар, сауда залдары
  • R 10 – қоғамдық және санитарлық бөлмелер, асүйлер, шеберханалар, гараждар, қойма бөлмелері
  • R 11 – автомобиль шеберханалары, сусын құятын жерлер, азық-түлік өндіру кезінде ылғал тиетін аймақтар, кір жуатын орындар және т.б. 
  • R 12 – тоңазытқыш камералары
  • R 13 – балық, көкөніс және т.б. өндіретін жерлер.

3Сатып алған кезде тақтаның санын қалай анықтау керек

Қанша тақта сатып алу керектігін анықтау үшін: 

  • Қаптау ауданын анықтаңыз; 
  • Қалау техникасы және суреті бойынша жоба дайындаңыз (тақталардың шеттері бір-бірімен тығыз сәйкес келіп тұратындай жапсарлап қалау; немесе тақталардың арасына бірнеше миллиметр жік қалдырып қалау; немесе түзу не зигзаг тәрізді жіктерімен қалау; параллель немесе диагональ жіктерімен қалау)
  • Кез келген өндірушінің тақталары арасынан ақаулық пайызын ескере отырып, қорды қарастырыңыз (жеткізудің техникалық шарттары бойынша, жоғары сапалы тауар легінде 5 % ақаулы материалдың болуы рұқсат етіледі)
  • Тақтаның кесілуі мүмкін екендігін немесе оны қалау және аралау кезінде зақымдануы мүмкін екенін ескеру керек. Мұндай қалдықтардың нақты мөлшері жұмыс ортасының сипаттамасына, беткі қабаттың кедір-бұдырлығына, таңдалған қалау техникасына байланысты (мысалы, диагоналі бойынша қалау  параллель қалаумен салыстырғанда, қалдық мөлшерін арттырады)
  • қаптау жұмыстары аяқталғанша бірнеше тақтаны қорда ұстаған жөн (ықтимал жөндеу жұмыстарын жүргізу үшін); 
  • Тақтаны бірден түгел сатып алу керек, өйткені кейін дәл сондай тақта табылмауы мүмкін. Сонымен қатар, әр лектегі бірдей тақтаның түсі аздап өзгеше болуы мүмкін. 
Олай болса, материал мөлшерін бүкіл ауданға тақтаны қалауға қажет көлемнің орташа алғанда, 10%-ға артық тапсырыс берген дұрыс.


Скачать pdf файлы