Асүйдегі жарықты реттеу

Есіңізде болсын, төмен қарай бағытталған жарықшамның плафондары люстраның астындағы нақты белгіленген кеңістікке ғана жарық беріп тұрады. Жоғары қарап тұрған плафондарды қолдансаңыз, жарық төбеден сәулеленіп, жеңіл шашырайды, сөйтіп бөлмеге жылулық пен жайлылық сыйлайды. Асүйге жарық берудің тағы бір түрі – жарық бағыты реттелетін бұрылмалы жарықшамдарды (споттарды) пайдалану болып табылады.

Аспалы шкафтар немесе полкалар болған жағдайда жұмыс аймағына жарық беру үшін олардың астына нүктелі, орнатылатын немесе қондырмалы жарықшамдарды, сызықтық жарықшамдарды немесе жарықдиодты таспаны қолданады.
Нүктелі, орнатылатын жарықшамдар шкафтың каркасында ойылатын, таңдалған жарықшамның диаметріне тең саңылауға орнатылады, бір тізбекке қосылып, электр желісіне қосылады. Жарықдиодты таспаны арнайы қорапқа (профильге) салады, бұл кезде таспаның қажетті ұзындығы мен оған арналған трансформатордың қуаты ескеріледі, шешімді таңдаған жағдайда сатушыға кеңес алу үшін жүгінуге болады. Қалған жарықшамдарды қосу арнайы білімді қажет етпейді.

Асүй гарнитурына сыртынан жарық беру де көп қолданылады. Оны еденге қойылған шкафтардың іргесі бойымен жүргізілген жарықдиодты таспаның көмегімен іске асыруға болады. Мұндай әдіс «ауада қалқып тұрған» асүй сағымын көз алдыңызға елестетеді. Гарнитур менсоламен (аспалы шкафтардың қалқаны болса) жабдықталса, ойып орнатылатын немесе қондырмалы нүктелі жарықшамдармен безендіруге болады. Сондай-ақ асүй қасбеттеріне сыртқы жарық беру үшін картиналарға және айналарға арналған жарықшамдарды қолдануға болады.

Егер дастарқан асүйдің ортасында орналасса, биіктігі реттелетін дәстүрлі, бір ғана аспалы жарықшамды қолдануға болады. Көлемі стандартты болып табылатын тамақ ішетін үстел болса, жарық көзі үстел үсті тақтайынан 50-60 см қашықтықта орналасуы тиіс. Егер шам үлкен немесе үстел үсті тақтайы жалпақ болса, арақашықтықты 75-90 см ұзарту қажет. Абажур диаметріне қарай жарықтандыру диапазоны үстелді ғана емес, сондай-ақ оның айналасындағы кеңістікті де қамти алады.

Тамақ ішетін аймаққа баса назар аудару үшін бірнеше шағын аспаларды симметриялы түрде немесе ерікті тәртіппен орналастырып, пайдалануға болады. Ретро баусымы бар Эдисон шамдарын қолдану қызықты шешім болмақ. Олардың винтажды стилі бөлмеге жайлылық пен ерекшелік береді.
Мұндай жарықшамдар үшін үстелдің беткі қабатына дейінгі арақашықтық кемінде 50 см, ал шамдардың арасындағы арақашықтық 10 см кем болмауы тиіс. Жарықшамдар қатарлас сымдарға тиіп кетпеуі керек, қыздыру шамдарының қызуы айтарлықтай болуы мүмкін.

Егер дастарқан қабырғаға жанасып тұрса, қабырғаға ілінетін жарықшам мен браны пайдалануға болады, оларды үстелдің беткі қабатынан 40-60 см қашықтыққа бекітуге болады.

Романтикалық көңіл-күйі қалыптастыру үшін орын болса, тығыз абажуры бар үстел үсті шамын орнатыңыз.

Асүй-қонақбөлмені де жарықшамдардың көмегімен визуалды түрде бөліп қоюға болады. Мысалы, дастарқанның үстіне плафондары төмен қарап тұрған бір немесе бірнеше жарықшам іліп қоюға болады, сонда тамақ ішетін аймақ белгіленіп тұрады. Ал демалу аймағына бірнеше қабырғаға ілінетін жарықшамдарды орналастыруға немесе торшер қоюға болады.