Пластик терезелерді таңдау бойынша кеңестер

Сипаттамасы

Терезенің жылуды және дыбысты оқшаулайтын сипаттамалары жақтау бөлігінің құрылымы мен толтырмасына байланысты.

Профильді жүйе

Терезе қораптары мен жармалары ПВХ-профильдерден кесілетін, дәнекерленетін және арнайы станоктарда технологиялық өңдеудің басқа да кезеңдерінен өтетін бөлшектерден құрастырылады. Терезе профильдерінің ғимараттағы жылуды ұстап тұру және шудан оқшаулау қабілеті ең алдымен, оның ені бойында орналасқан бос камералардың санымен анықталады. Сондай-ақ тығыздауыштың пішіні, материалы мен контур саны да маңызды рөл атқарады. ПВХ-профиль камералары неғұрлым көп болса, профильдің, демек, жалпы терезенің оқшаулау сипаттамалары соғұрлым жақсы болады. Қазіргі таңда үш және бес камералы профильдер кеңінен таралған..

Көп жағдайда тығыздауыш контурларының саны – 2, ең жетілген профильдерде – 3. Тығыздауыш материалдар – синтетикалық каучук (EPDM), силиконды каучук, негізінен жұмсақ пластик болып табылатын тығыздауыштардың дәнекерленетін түрлері. Тығыздауыш материалдары түрлерінің әрқайсысын өндіру, пайдалану кезінде және бағасы жағынан өзіндік артықшылықтары мен кемшіліктері бар. Негізінен, камера саны көп болған сайын профильдің де құны жоғары. Сондай-ақ біртипті профильдің құны құрылымы мен қолданылатын материалдарға байланысты өзгеше болуы мүмкін. Эконом санатты профильдерде жеңілдетілген құрылым, ал кейбір өндірушілер ПВХ рецептурасын пайдаланады.

Бағасы орташа профильдер стандартты рецептура бойынша дайындалады. Олардың ерекшелігі – механикалық және эстетикалық сапалары (ақтығы, жылтырау деңгейі) жоғары, пластиктің климаттық әсерлерге (күн сәулесі, суық, жауын-шашын, көліктің әсері) төзімділігі. Бұл сегменттің танымалдылығы оны өндірушілердің жақсы беделіне негізделген.

Соңғы премиум санатты профиль сыртқы түрінің мұқият, эстетикалық өңделуімен және сапаны жоғары бақылауымен ерекшеленеді.

Өндірушілер ені 60, 70 және 86 мм профильдерді ұсынады. Профильдің ені неғұрлым көп болса, монтаждау жігі соғұрлым кең болады және жылу оқшаулау қабілеті де жақсы болады. Анағұрлым кең, демек, айтарлықтай жетілдірілген толтырмаларды тар профильді жүйелерде пайдалану мүмкіндігі едәуір төмен, осыған байланысты кең профильдер жайлылықтың анағұрлым жоғары деңгейін қамтамасыз етеді.

Шыныпакеттер

Шыныпакет дегеніміз – арнайы герметиктер арқылы екі (бір камералы) немесе үш (екі камералы) параллель орналасқан шынылардың герметикалық қосылуы, бұл ретте шыныпакет контуры бойынша шынылардың арасындағы арақатынас алюминий қорытпаларынан, тот баспайтын болаттан немесе композитті материалдардан жасалған арақашықтық жақтаулары арқылы бекітіледі.

Шыныаралық кеңістікке (камера) конвективті жылу шығынын төмендетуге әсер ететін атмосфералық қысым немесе инертті газ кезінде ауа толтырылуы мүмкін. Екінші жағдай орын алғанда шыныпакеттің оқшаулағыш қасиеттері қосымша артады. Шынылар арасындағы ауа арақашықтық рамаларының қуысына алдын ала себілген силикагельмен үнемі құрғатылып тұрады, сондықтан да шынылар арасында конденсат түзілмейді.

Шыныпакеттерде әртүрлі шынылар пайдаланылады:

• қалыңдығы бірдей және әртүрлі;
• соққыға төзімді, арнайы үлдірмен жылтыратылып қапталған;
• жылу шығынын төмендететін немесе жазда ғимараттың қатты қызып кетуіне жол бермейтін, ішкі жағынан әртүрлі шаңдатылған;
• «ақылды үй» немесе «ақылды интерьер» сияқты жүйемен бақыланатын, басқарылатын ашықтылық..

Фурнитура

Фурнитура ашу-жабуды және терезе жақтауының қалпын қамтамасыз етеді. Жақтаулар мықтап тұтаспаған жағдайда қалған құрылымдардың ешқандай сапалысы жылуды және шуды тиісті оқшаулауды қамтамасыз етпейді. Орташа баға сегментіндегі мықты фурнитура берік металдан жасалған және ұзақ уақытқа жарамды. Қосымша қызметтер қажет болған жағдайда (салбырап тұрғанды бекіту, көп сатылы желдету) тиісті фурнитураны таңдау керек..

Үш камералы, 60 милиметрлік профилі және бір камералы шыныпакеті бар терезе блогы шыныланған лоджияға, кеңсе ғимараттарына арналған терезелерге жарамды.
Әлдеқайда әмбебап түрі – бес камералы, 70 миллиметрлік профилі бар, аралас жабындылармен жабдықталған (жылу үнемдейтін және күннен қорғайтын), екі камералы шынысы бар шыныпакет.

Маңызды! Терезе блогын сатып алған кезде өндірушінің сетификаттарымен танысыңыз.