Темірді соғу: Жобасын қалай жасау керек

Үйді сәндеу шешімдерінің бірі – интерьерге темірден соғылған элементтер қосу болып табылады. Баспалдаққа арналған темірден соғылған таяныш, терезеге арналған темірден соғылған жақтаулар мен торлар үйдің, пәтер мен коттедждердің интерьеріне дербестік, ерекшелік береді. Декордың темірден соғылған элементтерінің бір ерекшелігі бар – оны дәлме-дәл қайталау мүмкін емес. Әрбір, тіпті, ең қарапайым бөлшектің өзі басқаларынан аздап болса да өзгешеленеді. Қорытынды – темірді көркемдеп соғу – үйіңізге әсемдік қана емес, сондай-ақ ерекшелік беретін тәсіл.
Темірден соғылған баспалдақтар ерекше танымал, өйткені әрі көрнектілік, әрі ерекшелік береді. Темірден соғылған элементтер интерьердегі маңызды бөлшек бола тұрып, көздің жауын алады. Темірден соғылған бұйымдар өте мықты әрі ұзақ уақытқа жарамды. Мұндай бұйымдарға өзіңіз ғана емес, ұрпақтарыңыз да өмір бойы риза болып өтеді.
Декоративті сапасымен қатар темірден соғылған бұйымдар функционалды жүктемеге де ие. Баспалдаққа арналған жиі, мықты әрі сенімді тіреуіш – ең бастысы, үйіңізге қауіпсіздік береді. Ағаш таянышты өте сирек жасайды, өйткені оның араларында саңылау қалады, одан балалар әрі-бері өтуі мүмкін. Темірден соғылған тіреуіштердің мұндай кемшілігі жоқ. Баспалдақ және балкон қоршауларына арналған қатаң ереже бар. ҚНмЕ бойынша тұрғын үйлердегі баспалдақтардың биіктігі кемінде 90 см (стандартты және барынша жайлы биіктігі 1 метр) болуы тиіс. Әдетте, бұл арақашықтық жоғарғы баспалдақтың жұмыс қырынан бастап өлшенеді (шетінен бастап баспалдақтың 1/3 бөлігі). Балкон мен балюстрадаларды 110 см кем болмайтын (стандартті биіктігі 120-125 см) биіктікте жасауға рұқсат етіледі
Кішкентай балалары бар үйлердегі ҚНмЕ бұдан да қатал. Қоршаудың биіктігі 120 см кем, балясина арасындағы қадам 10 см артық болмауы тиіс. Көлденең элементтерге жол берілмейді, өйткені бала баспалдақтың, балконның және т.б. тіреуішінен ары қарай өтіп кетуі мүмкін. Егер үйде бала болмаса және бала болады деп күтілмесе, соңғы екі ережені сақтамай-ақ қоюға болады. Егер темірден соғылған элементті өз қолыңызбен жасап көремін десеңіз, жобадан бастау керек. Мысал ретінде біз баспалдаққа арналған темірден соғылған тіреуіштің жобасын алайық.
Жобаны жасау үшін не істеу керек:

• Баспалдақты суретке түсіріңіз.
• Фотосуретті қағаз бетіне басып шығарып алыңыз.
• Фотосуретке өзіңіздің қиялыңыздағы болашақ баспалдақтың суретін қолмен салыңыз.
• Қажетті есеп жүргізіңіз.

Берілгені: Жалпы ұзындығы 3 бойлық метріне тең баспалдақ, оның қанатының негізінің ұзындығы 180 см.
Біз мынаны білуіміз керек:

• Тіреуіштің биіктігі (шетінен бастап баспалдақтың 1/3 бөлігі биіктік болып саналады)

• Балясиналар арасындағы арақашықтық (балясинаның қажетті саны осыған байланысты)

Назар аударыңыз! ҚНмЕ бойынша тіреуіштің биіктігі 90 см кем болмауы тиіс!
Тіреуіштің биіктігі былай есептелінеді:

• Төменгі бөренеден бастап жоғарғы бөренеге дейінгі арақашықтық
• Қанаттың негізінен төменгі бөренеге дейінгі арақашықтықты қосу

Балалары жоқ үйдегі балясиналар (темір шыбықтар) арасындағы арақашықтық қаттылық ережесі бойынша анықталады: жіңішке бағананың бір қадамы 10-15 см, жалпақ әрі пішінділердікі 25-35 см тең болады.

Қанат пен баспалдақ балясинасының қажетті санын қалай есептеуге болады?

• 3 бойлық метр баспалдағы бар қанаттың жалпы ұзындығын балясиналардың арасындағы болжамды арақашықтыққа (мысалы, 15 см) бөліңіз
• Балясинаның қажетті санына тең сан шығады

Қанат негізінің ұзындығы 150 см.
150 см / 15 см= 10 (балясина арасындағы аралықтар = 9 балясина)
Баспалдақтың ұзындығы 150 см (300 см жалпы ұзындық -150 см қанаттың ұзындығы)
150 см/ 15 см=10 (балясина арасындағы аралықтар = 9 балясина)

• Заманауи компьютерлік бағдарламалардың (мысалы, Photoshop немесе 3D max (анағұрлым жарамдысы CorelDraw және AutoCAD) көмегімен жобаны электронды түрде визуалдауға болады.

Компьютермен визуализация жасай алмасаңыз, кез келген дизайнерлік бюроға жүгінсеңіз болады, болашақтағы тіреуіші бар баспалдағыңыздың суретін 3D түрінде салып, белгіленген пропорциялардың бәрін сақтайды.
3D моделі бастапқыда дайын жобаны көру үшін, оның ықтимал кемшіліктерін алдын ала есептеу үшін, кемшіліктерді жобалау кезінде-ақ шеттету үшін қажет.

• Түзетулер жасалып, есептелгеннен кейін қажетті элементтердің тізімі мен олардың санын есептеңіз.

Сонымен, темірден соғылған тіреуіш жасау үшін мыналар керек:

• Тіреуіштің жоғарғы бөлігіне:

1. Профильді құбыр, 40х20х3000 мм, 1 дана
2. Темірден соғылған жолақ, 4х40х3000 мм, 1 дана
3. Тіреуіштің аяқталатын жері, 1 дана

• Құрылымның төменгі негізіне:

1. Профильді құбыр, 20х20х3000 мм, 1 дана

• Тіреуішті толтыру үшін (екі түрлі балясина)

1. 1 рет бұралған балясина, 900 мм, 9 дана
2. 2 рет бұралған балясина, 900 мм, 9 дана

• Тірек бағаналар үшін:

1. Профильді құбыр, 40х40х3000 мм, 1 дана

• Декор үшін:

1. Құбырға арналған төменгі қақпақ, 40х40 мм, 3 дана
2. Қалыптама негіздеме, 100х100 мм, 3 дана

Құрал-саймандар
Қажет нәрсенің бәрін сатып алғаннан кейін баспалдақ тіреуішін монтаждау процесіне қажет болатын құрал-саймандарды анықтап алыңыз.


Кесуге арналған шарқайрақ

Металды кесуге арналған дискісі бар шарқайрақ сатып алынған құбырларды кесіп, тірек бағаналарын, құрылымның жоғарғы және төменгі негіздерін дайындау үшін қажет. Шарқайрақпен жұмыс істеу үшін белгілі бір дағды ғана емес, сондай-ақ кейбір қорғаныс құралдары қажет.

Шарқайрақпен жұмыс істеген кезде міндетті түрде қорғаныс қабаты мен көзілдірікті пайдалану керек. Ұшқындар күрделі, күтпеген траекториямен ұшады! Қорғаныс қабатын пайдаланған міндетті, өйткені ол сіз бен өте жоғары жылдамдақпен айналатын дисктің арасына кедергі болады. Қорғаныс қабаты ұшқан ұшқындар мен материалдың сынықтары операторға тиіп кетпеу үшін орнатылады. Қорғаныс қабаты мықтап бекітілуі тиіс және өздігінен айналмауы керек

Шарқайрақпен жұмыс істеуге арналған көзілдірік немесе маска жабық типтес болуы керек. Масканың сақтандырғыш торы болса тіпті жақсы.

Шарқайрақпен жұмыс істеген кезде қорғаныс қабат пен маскадан бөлек қолғап болу керек. Ол тығыз былғарыдан жасалуы тиіс.

Егер шаң-тозаңды сорып алатын тас материалдар өңделсе, шаң-тозаңға қарсы респиратор қажет. Оператордың жұмысшы костюмі кең болмауы тиіс, оның салбырап тұрған бөлшектері болмауы керек.

Темірден соғылған баспалдақтың элементтерін өзара және негізге бекіту үшін инверторлы пісіру (электр инверторлы пісіру аппараты) керек.
Бұл тәрізді аппараттар тұрақты ток кезінде қолмен пісіру үшін әзірленген. Олар:

Пісіруді арнайы білімі жоқ адамдар өз қолымен жүзеге асыруы тиіс Құрастырған оңай Пісіру жігі тегіс әрі біркелкі болады 220В желіден жұмыс істейді Салмағы аздау (10 кг дейін)) Қол жетпейтін жерлерде жұмыс істеген кезде пайдаланылады Пісіру кезіндегі ақаулықтарға жол бермейтін көптеген қосымша опциялары бар Электр желісінде ауытқушылық болса да, пісірудің сапасы тұрақты болады.

Инверторлы пісіру аппаратынан басқа пісіру электродтары да қажет. Пісіру электродтары біріктіргіш элемент болып табылады, ол электродқа электр тогын өткізу арқылы металл зат беттерін біріктіреді. Электродтардың беткі қабатының құрамында әртүрлі ұнтақ тәрізді металдар мен минералдар бар. Пісіру барысында бұл металдар балқиды, ал минералдар пісірілген жерді қосылысты әлсіздендіретін оттегіден қорғайды.

Сондай-ақ сізге электродқа арналған «қысқыш» форматындағы ұстағыш та қажет. Бұл ұстағыштың ең танымал түрі болып табылады. Пайдаланған ыңғайлы әрі қымбат емес.

Пісірушіні қорғау үшін арнайы қорғаныстың қосымша элементтері пайдаланылады. Пісірушінің маскасы жұмысшының бетін қыздырылған металдың ықтимал шашырауынан сенімді қорғауға арналған.

Пісірушінің білезігі бар қолғабы қолды қыздырылған металға тиіп кетуден қорғау үшін қажет.