Термостаты бар жүйені қалай орнату керек

(8920 көрілім)

Қалай істеу керек

Термостаттық араластырғыш (толық атауы – термостатикалық араластырғыш, әрі қарай – термостат) белгіленген режимде және судың тұрақты арыны кезінде судың температурасын автоматты түрде сақтауға арналған.

Монтаждау ерекшелігі

Бұл араластырғыштың ең басты ерекшелігі – судың температурасын реттеуішті солға немесе оңға орнату мүмкіндігі болып табылады. Сатып алған кезде осыған назар аудару керек: сол және оң жаққа орнатылатын араластырғыштар бар. Монтаждау шарты бойынша температураны реттегіш жағынан ыстық суы бар құбыр жүргізілуі тиіс. Бұл мәселені монтаж жасаған кезде ескеру керек.

Оң немесе сол жағында су температурасын реттегіші бар термостаттық араластырғышты монтаждау стандартты қабырғалық араластырғышты монтаждаудан өзгешеленбейді.

Термостат құрылғысы

Термостат араластырғыштың екі реттегіші болады. Әдеттегі араластырғыш – «шыршаның» бір жағында ыстық су реттегіші, ал екінші жағында суық су реттегіші бар. Ал термостаттық араластырғышта бір реттеуіш судың температурасына (онда жұмыс тетігі орналасқан, температураны реттейтін және қысымды бірқалыптандыратын картридж), екіншісі оның душ шлангісі мен крандағы судың арынына жауап береді.

Монтаждау тәсілі бойынша мынадай түрлері бар:

қабырғалық (ваннаға арналған, душқа арналған),
үстел үсті (раковиналар, биде) термостаттары.

Қабырғалық термостаттар.
Душ пен ваннаға арналған екі реттеуіш бар. Термостаттың бір жағында температура шкаласы орналасқан, оның көмегімен қажетті температураны белгілеуге, кез келген уақытта оны өзгертуге және жаңасын белгілеуге болады. Температураны реттегіш шектеуші-сақтандырушымен жабдықталған, ол түймешені баспасаңыз, температураның мәнін 380С-тан жоғары етіп қою мүмкін емес. Ыстық душты жақсы көретіндер үшін реттеуішті сақтандырғыштан өшіру керек.

Үстел үсті термостаттары.
Раковина мен бидеге арналған заманауи термостаттардың бір иінтірегі болады. Термостатқа мыналар қамтылған: иінтірек, каскадты аэратор, қыш картридж, 38 гр.С тең ыстық суды бұғаттаушы.
Термостаттық араластырғышты орнату онша қиын емес екендігіне қарамастан, судың ағуына және бөлшектерін зақымдауға жол бермес үшін оны білікті сантехникке тапсыру керек.

Назар аударыңыз!
Араластырғышты орнатар алдында тазалау деңгейі 100 мк басталатын суды механикалық қоспалардан тазартатын сүзгілерді орнатуды, ал сүзгі мен термостаттық араластырғыштың арасына тоттанбайтын материалдан (мысалы, мыс немесе пластик) жасалған құбырларды пайдалануды ұсынамыз.
МАҢЫЗДЫ! Термостаттық араластырғыштарды орнатқан кезде олардың бәрі декоративті жабынмен өндірілетінін ескерген жөн, монтаждаған кезде сол жабынды зақымдап алмас үшін тісі жоқ құрал-сайманды пайдаланған дұрыс. Ал егер құрал-сайманыңыздың тісі болса, оның еріндеріне жиынтық құрамына енетін арнайы резеңке қондырмаларды кигізіп қою керек; резеңке (былғары) жолақтарды өз қолыңызбен жасауға да болады.

Құрал-саймандар

Материалдар

Жұмыс процесі

Ескі араластырғышты демонтаждау

Жаңа термостаттық араластырғышты монтаждау алдында кіріс тікқұбырдағы суды жауып қою керек.
Жазылма кілттің көмегімен араластырғышты суық және ыстық сумен жабдықтау жүйесінен ажыратыңыз.
Араластырғышты ғана емес, сондай-ақ шлангіні айырбастау қажет болған кезде алдымен шлангіні құбырдан бұрап алып тастаңыз.
Шлангідегі қалған суды жинау үшін кішкентай шелекті немесе шылапшынды пайдаланыңыз.

Сантехникалық бұрандалы қосылыстарды бітеу үшін бұрандалы тығыздаушы жіпті (талшық, ФУМ таспасы) пайдалануды ұсынамыз. Егер араластырғышты Еуропа өндірушілері өндірсе, олардың бұрандалысы өте тығыз жасалған, мұндай жағдайда жиынтық құрамына енетін төсемені ғана пайдалану керек.

Үстел үсті араластырғышын монтаждау (раковина, биде)

Суды өшіріңіз.
Құбырды суық және ыстық сумен кезектесіп жуыңыз.

Термостат араластырғышпен бір жиынтықта жүретін араластырғыштың икемді (немесе қатты) шлангісін раковинаның орнатылатын беткі қабатындағы саңылаудан (биде, жуғыштар, қол жуғыштар) өткізіңіз.
Араластырғышты бекітетін муфтаның көмегімен бекітіңіз.

Шлангілерді ыстық және суық су құбырларына жалғаңыз, қосу ретін сақтаңыз (термостат араластырғыштың ерекшеліктері мен суық және ыстық суға қосылу шлангілерінің сәйкес орналаспау мүмкіндігін ескеріңіз).
Судың берілуін ашып, герметикалығын тексеріңіз.
Араластырғыштың жұмысын тексеріңіз.

Қабырға араластырғышын монтаждау (ванна, душ)

Суды өшіріңіз .
Құбырды ыстық және суық сумен кезектесіп жуыңыз.

Жиынтыққа тіркелген сызба бойынша термостат араластырғышты қабырғаға орнатпай тұрып, құрастырып алыңыз.
Бұрандалыға зығыр талшығын немесе ФУМ таспасын орап, термостат араластырғыштың келте құбырларын қабырғадан шығып тұрған құбырдың ұштарына жалғаңыз.
Оралған жердің тығыздығын тексеріңіз. Зығыр немесе ФУМ таспасы мықтап оралуы тиіс.

Эксцентриктерді ыстық және суық су құбырларына қолмен орнатыңыз. Эксцентриктер бұрандалысы жағынан жарамды екенін білгеннен кейін оны сомын кілтпен немесе жазылма кілтпен бұрауға болады. Негізінен, төрт-бес айналым қажет болады.
Оралған зығырдың эксцентрикке тығыз жанасып тұрғанын және онымен бірге айналмай тұрғанын тексеру қажет.

Деңгей арқылы эксцентриктердің көлденең жазықтықтағы қалпын тексеру керек.

Термостат араластырғыштың декоративті қондырмаларын кигізіңіз.

• Термореттегіште белгіленген кірістерге (қызыл белгі – ыстық суы бар құбырға қосу, көгілдір белгі – суық суы бар құбырға қосу) ыстық және суық суы бар құбырларды жалғау керек.

Термостатқа тиісті температураны белгілеңіз. Егер тұтқасы дәл ортасында болса, термостат 39 гр.С температураға теңшелген дегенді білдіреді.

Термостат араластырғыштарды кілтке күш түсірмей қолмен бұраңыз, алдымен аздап сол жағын тартыңыз, содан кейін құрал-сайманмен тартқанқа дейін оң жағын тартыңыз.
Қосылысты сомын немесе жазылма кілтпен тартыңыз.

Суды ашып, қосылыстың герметикалығын тексеріңіз.
Термостат араластырғыштың жұмысын тексеріңіз.

Назар аударыңыз!
Термостат араластырғыштың жабдықталымына паронит төсемелері енетін болса, оны бес минуттай суық суға алдын ала жібіту керек. Егер төсемелер силикон немесе резеңке болса, оларды қосымша герметикаламай-ақ орнатуға болады. Зығыр мен ФУМ таспасы қажет емес.
Егер төсеме аймағынан су ақса, сомынды кілтпен тарту керек немесе төсемесін айырбастау керек.

Қызмет көрсету және күтім жасау

Кей уақыттарда термостат араластырғыштың аэраторын тазалап тұру қажет.

Жиынтықтағы аэраторды кілтпен кері бұрау керек (оң бұрандалы).
Аэратордың корпусынан резеңке төсемені және сүзгілер жиынтығын алып тастау керек.
Сүзгілер (торлар) жиынтығын қатты ағып жатқан суға жуу керек.
Сүзгілер жиынтығы мен резеңке төсемені корпусқа салып, аэраторды жинаңыз.
Аэраторды термостат араластырғышқа қайтадан мықтап бұрау керек.

Назар аударыңыз!
Абразив және құрамында қышқылы бар жуу құралдарын пайдалануға болмайды.
Қажет болған жағдайда термостатты түзету, яғни теңшеу керек. Оны суық және ыстық су беретін қолданыстағы қысым көрсеткіштері мен термостаттың зауыттық теңшеуінде айырмашылық болса ғана, іске асыру керек. Мысалы, зауыттың теңшеулері 55 гр.С ыстық суға, ал суды нақты беру 50 гр.С немесе 60 гр.С есептелген.

Клиентті қолдау