Совет

1

Жалпы мәліметтер

Ваннаға арналған қалқа – денеге жабысып, жыртылып, ластанатын перденің заманауи баламасы. Қалқалар пластиктен немесе қыздырылған қауіпсіз шыныдан жасалады.
Пластик айтарлықтай оңай өңделеді, мықты әрі жеп-жеңіл. Сондықтан да пластик қалқалардың құрылымы қарапайым, есіктері оңай ашылады.

Сипаттамалары

Арнайы материалдарды қолдану мұндай қалқаларды суға және ыстыққа төзімді етеді.
Құрама құрылымдағы істен шыққан панельді ауыстыру оңай.
Пластиктен жасалған панельдерді өңдеген және бояған оңай, бұл тұтынушылар үшін мол таңдау береді.
Алайда мұндай қалқаларға үнемі күтім жасап тұру керек, өйткені тез ластанады, ал жуған кезде абразив және құрамында хлоры бар құралдарды қолдануға болмайды.
Шыны перделер айтарлықтай қымбат әрі ауыр, фактурасы мен түсі өте аз және жөндеуге жарай бермейді. Есесіне силиконды резеңкеден жасалған, қосылыстар мен жапсарларды тығыздауыштармен және жылтыратылған тоттанбайтын болаттан жасалған құрылымдық элементтермен жабдықталған. Мұндай қалқалардың панельдері қалыңдығы 4 - 5 мм шыныдан жасалады, бұл құрылымды монтаждаған кезде оны абайлап пайдалануды талап етеді.

Қалқаның құрылымы
Құрылымы жағынан қалқалар саны мен есік түрі бойынша өзгешеленеді.

Жарма саны 1 (айқарма, купе есік) және 5 (гармошка есік) аралығында болуы мүмкін.
Қалқа көбіне душ басына жақынырақ қабырғаға бекітіледі. Мұндай бекіту кезінде гармошка қалқа ыңғайлы, бұл душ кабинасын жасауға мүмкіндік береді.
Екі қабырғаға бекітілетін, айқарма есігі немесе купе есігі бар 150 немесе 170 см тең стандартты ені бар аралық тәрізді модельдер, сондай-ақ қозғалмайтын панельдер әлдеқайда танымал.

2

Қалқаны орнату

Назар аударыңыз!
Қалқаны орнатқан кезде өндірушінің нұсқаулығын ұстану керек. Кафельмен қапталған қабырғаға саңылау бұрғылау өте қиын болуы мүмкін. Мұнда перфораторды немесе дрельдің екпінді режимін қолдануға болмайды.

Қозғалмайтын панельдер көлденең бөлшектерге бекітіледі.

Есік жақтау профилінің жоғарғы бағыттаушысына салынып, төменгі бағыттаушы профильмен біріктіріледі; мойынтірек сырт етіп жабылады.

Орнатылатын профильдің көмегімен қабырғаға саңылау белгіленіп, бұрғыланады:

- Саңылаудың қалпы белгіленеді.

- Белгіленген жерге скотч желімделеді, оның белгісі көрініп тұру керек.

- Дрельге бәрбі (победит, алмаз, арнайы) салынады, оның диаметрі дюбельдің диаметрінен үлкендеу болады.

- Бұрғылау екпін өшірілген кезде өте аз айналыммен және бәрбіні ара-тұра салқындату үшін әлсіз баса отырып іске асырылады.

- Тақтаны тесіп өткеннен кейін қабырғаның материалына жарайтын бәрбі салынады да, дюбельге арналған саңылау тесіледі.

Орнатылатын профиль перденің жақтауына бекітіледі.

Перденің қабырғаға жанасып тұрған жері герметикпен өңделеді.

Перде орнатылып, бекітіледі.
Кафель мен профильдің арасындағы түйіскен жерлер судың ағып кетуіне жол бермес үшін герметикпен бітеледі.

Тұтқалары орнатылады.

Қорғаныс үлдірін периметрі бойымен кесіп, алып тастау керек.

Ваннаға арналған қалқаны қалай орнату керек