Қар тазалағышты қалай таңдау керек

Қар тазалағыш – іске қосылатын бұрандасы (иірмегі) бар, айналған кезде қарды машинаның ішіне итеріп, содан кейін ауа ағыны қуатының әсерімен белгілі бір бағытқа лақтырылатын дөңгелек немесе шынжыр табанды машина. 

Қар тазалайтын машинаны сатып алған кезде дұрыс таңдау жасау үшін мұндай құрылғылардың негізгі техникалық сипаттамаларын қарастыру керек. 

Қар тазалайтын машинаның екі түрі болады: 

• Өздігінен жүрмейтін.
• Өздігінен жүретін.

Артықшылықтары:

• тазартылатын зат беттерін зақымдауға жол бермейтін резеңкеленген иірмегі бар;
• шағын, жылдам және модельдердің салмағы ауыр емес;
• қол жетпейтін жерлердегі қарды тазалауға мүмкіндік береді;
• бағасы қымбат емес;

Кемшіліктері:

• әсіресе, кедір-бұдыр және еңіс жерлерде операторға дене жүктемесі түседі;
• жатып қалған немесе қатып қалған қарды тазалау мүмкін емес;
• қарды қашық жерге лақтырмайды;

Артықшылықтары:

• дене күшін жұмсау қажет емес;
• кез келген тығыздықтағы қарды тазалау қабілеті;
• қарды алысқа лақтырады;
• аппарат жұмысының (беру немесе джойстик) қарқынын таңдау мүмкіндігі;
• үлкен аймақты тазарту мүмкіндігі;

Кемшіліктер:

• тазалаған кезде көлемі әртүрлі тістер сәнді жабынның беткі қабаттары мен тас төселген жолдарды зақымдауы мүмкін;
• отынды көп шығындайды (өздігінен жүрмейтін қар тазалағыштармен салыстырғанда);

Кез келген қар тазалайтын машинаны таңдаған кезде мыналарға назар аударған жөн:

• қозғалтқышының түрі (бензин немесе электр);
• құрылғының қуаты;
• модель жасалған материал;
• жүріс бөлігінің түрі (дөңгелекті немесе шынжыр табанды);
• құрылғының қосымша қызметтері;

Қар тазалайтын машинаның қозғалтқыш түрін нақты пайдалану жағдайы мен міндетке байланысты таңдау керек. Бензин негізді қозғалтқыштың қуаты күшті, бірақ электрлі түрімен салыстырғанда оның құны, бензин құюы және оған техникалық қызмет көрсетуі қымбат болады. Электржетекті модельдер онша қуатты емес болып саналады, оларға қызмет көрсеткен оңай және бағасы арзан, алайда электр қар тазалағышы қуат алу көзінен қашықта жұмыс істей алмайды.

Құрылғының қуаты қар тазалайтын техниканың маңызды сипаттамаларының бірі болып табылады. Қуаттың тиімді деңгейін таңдау үшін төмендегі кестені пайдаланыңыз, онда тазалайтын жердің жоспарланатын ауданы мен қарды тазалайтын техникаға қажет тиісті көрсеткіштер белгіленген.

Ауданы	500-600 шаршы метр	600-1500 шаршы метр	1500-3500 шаршы метр	3500-5000 шаршы метр
Ұсынылатын қуаты (а.к.)	5 - 6,5	8	10 – 10,5	13
Ұсынылатын лақтыру қашықтығы (м)	5 - 6	7 - 9	10 - 12	10 - 12

Қар тазалайтын машинаны сатып ала отырып, бақыраш, жиектеме және науасы жасалған материалға назар аударған жөн. Қар тазалайтын техника ұзақ уақытқа жарамды болу үшін материалы өте мықты және төзімді болуы тиіс. 

Қар тазалайтын машинаның сапасы мен өнімділігіне әсер ететін негізгі техникалық параметрлер мен сипаттамалардан басқа, оператордың жұмысына жайлылық беретін кейбір қосымша құрылғыларды да қарастыру керек. Қар тазалайтын техника модельдерінің стандартты жабдықталымы машинаның тұтқасын жылыту жүйесі, электр стартер, тәуліктің қараңғы кезінде пайдалануға арналған фара және т.б. бірқатар қосымша қызметтермен толықтырылуы мүмкін.

Қорыта келгенде айтарымыз, бұл техниканы қолданған кезде қауіпсіздік техникасының ережесін сақтаған жөн.