К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Мозаиканы қалай қалау керек

Артқа.
(626 көрілім)

Мозаика – көтергіш негіздегі, форматы кішкентай элементтері бар қаптау тақтасының түрі. Қыш, әйнек және табиғи тастан жасалған мозаика сияқты түрлері бар.

1

Құрал-саймандар

2

Материалдар

3

Жұмыс процесі

Беткі қабатты дайындау

 

 

Назар аударыңыз!
Қабырғаның беткі қабаты мүлдем тегіс болмаса, оны ажарлау керек, ол үшін тасқа немесе қышқа арналған дискісі бар шарқайрақты пайдалану керек.

  • Егер беткі қабатты тегістеу үшін 2 мм асатын қабат алынса, тегістеуіш материалдарды пайдалану керек. Қалауға арналған беткі қабат құрғақ, таза және тегіс болуы керек; сонымен қатар сапалы нәтижеге қол жеткізу үшін 5-30 гр.С шегіндегі температуралық режимді қамтамасыз ету керек.

Белгі

  • Қабырғаның тазартылған беткі қабатына сызық сызу керек, бұл әрі қарай мозаика табақтарын дұрыс желімдеуге көмектеседі. Алдымен  мозаика табақтарын еденге дұрыстап қою керек, мозаика бөліктерінің арасындағы арақашықтық табақтардың арасындағы арақашықтыққа сәйкес келуі керек. 
  • Көршілес үш табақтың арасындағы арақашықтықты өлшеп, тігінен және көлденеңінен осы арақашықтықты ескере отырып, сызбаның бәрін қабырғаға көшіру керек. Сызық бағыттарының дұрыстығы деңгейдің көмегімен тексеріледі. Нәтижесінде қабырға бірнеше шаршыға бөлінуі тиіс, олардың әрқайсысының көлемі 9 табағына сәйкес келуі керек.
 

Назар аударыңыз!
Белгі мозаиканы қалаған кезде материалдың кесілген кенептері еден мен қабырғаның арасындағы бұрышта болатындай жасалуы керек. Бұл кесілген аудандарды жасыруға мүмкіндік береді.

Желімді таңдау
Құрғағаннан кейін мозаика жағымсыз реңкке боялмас үшін тек қана ақ түсті желім таңдау керек. Желімді таңдаған кезде ол жағылатын негіздің құрамын ескеру қажет және мозаика табақтарының жылжып кетуіне жол бермес үшін консистенциясын тексеру керек.

 

Назар аударыңыз!
Дайын желім қоспасы тым қою болмауы керек. Оның қалыңдығын тексеру үшін қылқаламды желімге салып, ыдыстан биігірек көтеру керек. Тым қою желім баяу, түйіршіктеніп құйылады, тым сұйық желім жылдам ағып кетеді. Дұрыс қоспа қылқаламнан біркелкі және орташа жылдамдықпен ағуы керек.

4

Желімді дайындау

Маңызды! Қалау тәсілдері мозаиканың мынадай түрлеріне байланысты болады:

 - монтаждан кейін алынып тасталатын қағаз негізді,
 - тор негізді.

Бірақ желімді қабырғаға жағу қағидаты екі тәсілде де бірдей болып қалады.

  • Таза құрғақ ыдысқа мозаиканы қалауға арналған құрылыс қоспасын төгу керек, 6, 8 л суға желімнің 25 кг керек (желімнің қаптамасындағы нұсқаулықта өзгеше көрсетілмеген жағдайда). 
  • Араластырғыш қызметі бар электр дрельдің көмегімен біртекті қаймақ тәрізді масса пайда болғанша сумен араластырылады.
  • Дайын қоспаны 5 мин қалдыру керек, содан кейін массаны құрылыс араластырғышының көмегімен қайта араластыру керек.
 

Назар аударыңыз!
Құрғап қалуына жол бермес үшін желімді аздаған үлеспен араластыру керек. Ескірген желімнің қою қалдығын пайдаланбаған жөн немесе қатып қалған желімге жаңа компоненттер немесе су қосып, оны сұйылтуға тырыспаңыз.

5

Желімді жағу

  • Желімді қабырғаға қалақтың тегіс жағымен біркелкі етіп жағыңыз, қамтылған беткі қабаттың ауданы  мозаиканың 9 табағынан аспауы тиіс: әйтпеген жағдайда желім құрғап қалады да, мозаика панельдерін желімдемейді. Желімді қабырғаға жаққаннан кейін, қалақтың тісті жағымен (3,5 мм тістері бар) жырашық жасау керек.
  • Қалақтың тегіс жағымен желімді мозаика табағының негізіне жағыңыз да, құрал-сайманның тісті жағымен массаны беткі қабатқа біркелкі етіп жаймалап шығыңыз. 
6

Мозаиканы қалау

  • Мозаиканың дайын табақтарын белгіленген аймаққа салыңыз, бұл ретте мозаиканың беткі жағы шеберге қарап тұруы тиіс.
  • Мозаика табағын түпкілікті тегістегеннен кейін кенепті резеңке қалақпен аздап соғып, бекіту керек.
  • Мозаиканың беткі қабатына күш түсірмей, абайлап, дайын кенептерді қалау керек. 
  • Кесуге арналған суретті жасаған кезде қайрауды қажет етпейтін арнайы тістеуіктерді пайдалану керек. Олармен де материалды жаруға болады.
 

Назар аударыңыз!
Мозаика кенебінің белгі шекарасымен сәйкес келуін тексеру керек. Бірінші кезеңде кенепті қабырғаның беткі қабатына тым қатты басудың қажеті жоқ. Қалау кезінде желім ерітіндісінің жік шеттерінен шығып кетуіне жол бермеңіз.

  • Мозаиканы қалағаннан кейін 4 - 6 сағат өткен соң қағаз негізді қорғаныс қабаттан желімнің қалдығын губкамен алып тастаңыз. 
7

Қорғаныс қабатын кетіру

  • Мозаиканы қалағаннан кейін 24 сағат өткен соң материалдың беткі қабатынан қорғаныс қабатты кетіру керек:
     
    - қағаз қабат мозаиканың беткі қабатынан ажырай бастағанша  сулы губканың немесе бүріккіштің көмегімен оны сулау керек;

 

 - мозаиканың қаланған табағына қатысты диагональ бойынша бірқалыпты қозғалыспен қорғаныс қабатын кетіріңіз; 

 - суланған губкамен мозаиканың беткі қабатындағы желімді алып тастап, қайтадан өңдеңіз.

 

8

Тегістеуіш жағу

  • Резеңке үккішпен тегістеуішті мозаиканың беткі қабатына жағып, оны бүкіл аймаққа біркелкі етіп жаймалаңыз. 
  • Жік кеңістігі толғанша тегістеуішті бірқалыпты қозғалыспен жағу керек. 

 

 

Назар аударыңыз!
Жікті тегістеумен қатар мозаиканың беткі қабатынан материлдың (тегістеуіштің) қалдығын мұқият алып тастау керек. Құрал-сайман ретінде сулы губканы пайдалануға болады.

  • Мозаиканың беткі қабаты құрғау үшін 15–20 мин қалдырыңыз.
  • Құрғақ шүберекпен (бәйкемен немесе киізбен) тегістеуіштің қалдығын алып тастаңыз.
 

Назар аударыңыз!
Егер мозаика су тікелей тиіп тұратын жерлерге қаланса (бассейн ыдысына, душ табандығына) толық құрғау үшін оны 10 тәулікке қалдыру керек. Қыста ашық бассейндерге мозаиканы қалауға болмайды.