К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Кіреберісті тақтамен қалай қаптауға болады

Артқа.
(583 көрілім)

Кіреберісті тақтамен қаптау процесі – шеберден мұқияттылық пен төзімділікті қажет ететін, кезең-кезеңмен жасалатын жұмыс. 

1

Құрал-саймандар

2

Материалдар

3

Жұмыс процесі

Тақта санын есептеу 

  • Өлшеуіштің көмегімен өлшеп алыңыз. Кіреберістің тақтамен қаптайтын беткі қабатының жалпы ауданын есептеңіз.
  • Кіреберісті қаптауға арналған тақта санын есептеңіз.

 

Негізін дайындау

  • Беткі қабатын тегістеңіз. Кір, шаң-тозаң және көше қоқысынан тазартыңыз.

Назар аударыңыз!
Маякты орнату арқылы су ағатын еңіс жасау керек. Маяктар СТ 29 қоспасынан немесе тақтаға арналған желім мен еленген құмнан тұрады.

  • Сым торын (сымның диаметрі - шамамен 4 мм) қаңылтыр кляммерлер арқылы бетон негізге (бұрама шегені бұрауыштың және өздігінен кескіштердің көмегімен) бекітіңіз.
  • Дайын болған беткі қабатқа желімнің (немесе цемент-құм ерітіндісінің) көмегімен тұтастырғыш құйыңыз.
  • 24 сағат өткеннен кейін бетонды шегемен тырнап көру арқылы жабынның мықтылығын тексеріңіз. Салыстыру үшін зауыт жағдайында жасалған бірнеше бетон қабаттарын алдын ала тырнап көру керек.

Назар аударыңыз!
Егер маяктар тұтастырғыштан жоғары болып кетсе, олардың биіктігін төмендету керек (үккішпен немесе егеуқұм қағазы бар қайрақпен). 

  • Маяктарды үккішпен немесе егеуқұм қағазы бар қайрақпен өңдеңіз. 
  • Тұтастырғышты сынамен ажарлаңыз. 
  • Беткі қабатты кірден тазартыңыз.
  • Дайын негізді тегістеңіз.
4

Белгілеу жұмыстары

  • Кіреберіс алаңның құрғақ беткі қабатына тақтаны салыңыз, біріншісін баспалдақтың шеті қапталатын тақтаның астындағы ойылған жерге (шет жақтың салбырап тұрған жерінің қалыңдығы) итеріңіз, ойық жер кемінде 10 мм болуы тиіс (дұрысы – 12 мм).

Назар аударыңыз!
Шет жақ бөлігін әрлеу үшін мозаиканы пайдаланатын болсаңыз, шет жағы 5 мм (мозаиканың қалыңдығына байланысты) дейін түсіп тұрса да болады.

  • Суретті жіктің шегін ескере отырып түзету керек.
  • Қарындашпен белгі жасап, әр тақтаны сызып шығыңыз және әр тақтаға нөмір қойып шығыңыз. Бірінші тақта сыртқы бұрыштан есік жаққа қарай, баспалдақтың шет жағынан және кіреберістің шетінен бастап қаланады.

Назар аударыңыз!
Тақтаны монтаждау кіреберістің шет жағындағы және жоғарғы баспалдақ қырының ішкі бұрышынан бастап есікке қарай бағытталады.

  • Негіздің бетіндегі тақтаны алып тастау керек.
5

Кіреберістің беткі қабатын қаптау

  • Кіреберістің аздаған аймағына алғашқы екі тақтаны төсеуге есептелген желім қоспасын жағыңыз.
  • Желімді беткі қабатқа қалақтың тісті жағымен жағып шығыңыз.
  • Кіреберістің жоғарғы алаңының шеткі жағынан бастап белгі бойынша бірінші тақтаны қалаңыз.
  • Жіктің жалпақтығын (тақтаның көлеміне қарай 3-5 мм аралығы) ескере отырып, бүкіл ауданды қаптап болғанша монтаждауды жалғастырыңыз, деңгейдің көмегімен тақта төселген беткі қабаттың жатықтығын бақылап отырыңыз.

Назар аударыңыз!
Тақтаны төсеу барысында қалақтың тегіс жағымен ара-тұра желімнің артығын алып тастап отыру керек.

  • Кіреберіс баспалдағының шет жағына желім жағыңыз.
  • Қаптау үшін мықты әрі тегіс негіз жасау керек. Ол үшін «трафаретті» қолдану керек. Трафарет – бұл шет жағындағы беткі қабатты тегістеуге арналған құрал-сайман.

Назар аударыңыз!
Желім баспалдақтың астындағы тақта немесе мозаика төсеуге арналған 10 мм басқа шет жақ түсіп тұратын ойықтың бәріне жағылуы керек.

  • Кіреберістің негізін дайындаған кезде тақтаның көлемі белгілі болса және оның көлемі мен геометриясы дайын болса, шет жағына 5 мм қалыңдықпен желім жағу керек. Мұндай жағдайда тақтаны желімге желімдеген жеткілікті. Егер салбырап тұрған жердің көлемі шет жақтағы тақтаның енінен асып кетсе, ол жерді екі кезеңмен толтыру керек. Бірінші кезеңде желім қабаты жағылады (тісті қалақпен), екінші кезеңде – арнайы цемент-құм ерітіндісі жағылады. Ол үш құрауыштан дайындалады: цемент - 1 бөлік, топырақсыз құм – шамамен 1/3 бөлік, желім - 1 бөлік.
  • Ертесі күні түзілген қабаттарды трафаретпен тегістеу керек.
  • Дайын болған шет жаққа тақта төсеуді бастау керек (жұмыс істеу қағидаты кіреберістің көлденең бөлігін монтаждау жұмысына ұқсас), төселген жерді сынамен параллель тексеріп отыру керек.

Назар аударыңыз!
Қаптаудың кезегін сақтаңыз

  • Қалақтың және қаптамадағы нұсқаулыққа сәйкес алдын ала дайындалған арнайы қоспаның көмегімен жіктерді бітеп шығыңыз.

Назар аударыңыз!
Бітеуді жоғарғы көлденең беткі қабаттан бастап біртіндеп төмен қарай түсіңіз.

  • Бітелген жер құрғағаннан кейін жіктің бәрін өңдеу қажет.