Отпен ойнау: жарықтың көмегімен қалай назар аудартуға болады

Сиқырға және жаппай қайта жобалауға жүгінбей, қабырғаны қалай кеңейтуге болады және төбенің биіктігін қалай биіктетуге болады? Бұл жағынан сізге жарық көмектеседі: шамдар, аспалы шамдар мен торшерлер қажетті жерге назар аудартады, кемшіліктерді жасырып, пәтердің ерекшеліктерін көрсетеді.

Есіңізде болсын: жарықты қалыптастыру сымдар жүйесіне араласуды қажет етеді, сондықтан да жарықдиодты жарыққа арналған сымның бір-екеуі үшін жаңадан жасалған жөндеу жұмыстарын бұзғыңыз келмейтін шығар. Сондықтан да алдымен бәрін бүге-шігесіне дейін жоспарлап, содан кейін ғана іске кірісіңіз.

Жарықтың қандай түрлері болады, қарастырып көрелік:

Жалпы жарық. Мысал: бөлменің ортасындағы төбеге ілінетін аспалы шам. Оның міндеті – бөлмеге тұтас жарық түсіріп тұру.

Жергілікті жарық. Мысал: бра, торшерлер. Мұндай жарық көздері кеңістікті аймақтарға бөліп, бөлменің жеке аймақтарын немесе жұмыс істейтін беткі қабаттарды ерекшелеп тұрады.

Арнайы жарық. Мысал: қабырға және төбе жарықшамдары, жарықдиодтар. Картинаға, гүлге, бұрыштағы декорацияға жарық беру керек, интерьер дизайнерлері арнайы жарықты қатты ұнатады. Егер дұрыс жобаласаңыз, сізге де ұнайды :)

Аралас жарық. Мысал: жоғарыда айтылғанның бәрі бір бөлмеде. Бұл нұсқа жиі кездеседі және осы нұсқамен ғана шынайы функционалды жарыққа қол жеткізуге болады. 

Сондай-ақ жарық түріне қарай бағытталған және шашыраңқы болып бөлінеді: мұнда бәрі жарық беретін құрылғыға байланысты. Егер плафон жабық болса және жарық жан-жаққа біркелкі шашыраса, бұл шашыраңқы жарық болады. Ал егер ашық болып, жарықшамның конусы кесілген қышқұмыраны еске түсірсе, бұл бағытталған жарық болып табылады.

Жеке бөлмелерге қандай жарық түрі жарайды деген мәселені ойластырып жатқанда, кеңейту, кішірейту және басқа да кеңістік мәселелерін шешуге тырысып көрейік.

Кеңістікті жарық арқылы қалай өзгертуге болады?

Мәселе: төмен немесе тым биік төбе

Шешімі: жоғары қарай бағытталған қабырға жарықшамдарын орнатыңыз. Олар төбенің биіктігін «көтереді». Ал егер төбе тым биік болып көрінсе, кері тәсілді пайдаланыңыз: төбе көлеңкелі болу үшін жарықшамды қабырғаға қарай бағыттаңыз.

Мәселе: тар немесе өте кең бөлме

Шешімі: кеңістікті визуалды түрде кеңейту үшін жарықшамды бір қабырғаның бойына ғана орнатыңыз. Ол бөлменің тар екенін жасырып тұрады. Егер бөлме тым жалпақ болса, төбеге бірнеше жарық беретін құрылғыны орнатыңыз, олар төбені екіге бөлед.

Мәселе: бөлменің ауданы кішкентай

Шешімі: ол үшін көптеген құрал түрлері бар. Біріншіден, бұрыштарға жарық түсіріңіз: ол бөлмені аздап созады. Екіншіден, қабырғадан немесе төбеден шашырайтын немесе шағылысатын жарықты пайдаланыңыз. Алайда жарық беру құралдарының күрделі жүйесіне уақытыңыз, ниетіңіз және ақшаңыз болмаса, тексерілген құрал, яғни барынша жарықты пайдаланыңыз. Жарық неғұрлым көп әрі жарық болса, бөлме соғұрлым көлемді болып қабылданады.

Мәселе: жарықтың қарқындылығын үнемі ауыстырып тұру керек 

Шешімі: диммер — жарықтың жарығын реттеуге арналған құрылғы. Негізінен, оны ажыратып-қосқышпен біріктіруге болады.

Үйде қандай мәселеге тап болсаңыз да, оны жарықсыз шешу әлдеқайда қиын. Сондықтан да пәтерді артығымен жарықтандырыңыз, артық сымдарды әрдайым жасырып қоюға болады.