Тастан жасалған үстелдің үстіңгі тақтайына күтім жасау

Оны үшкір немесе металл заттармен кесуге, ұрғылауға, тарсылдатуға болмайды. Үстелдің үстіңгі тақтайына сызат түсіретін заттардың астына жұмсақ төсенішті пайдалану керек.

Ыстық заттардың астына қойғыш керек, өйткені беткі қабатпен жанасқан кезде тастың түсі үстелдің үстіңгі тақтайының қалыңдығы бойынша өзгеріп кетуі мүмкін.

Тазалаған кезде абразив материалдарды, ұнтақтар мен жуғыш құралдарды қолдануға болмайды. Бұл әсіресе, мәрмәр, әктас, травертиннен жасалған үстелдің үстіңгі тақтайына қатысты, өйткені мұндай материалдардың беткі қабаты күңгірттенеді. Ал жуатын құралдарды шамадан тыс қолдану салдарынан жолақ қалуы мүмкін. Сонымен қатар мұндай үстелдің үстіңгі тақтайлары қышқылдарға тым сезімтал. Төгілген шырын, қызыл шарап беткі қабатқа тиген жағдайда сіңіп қалады содан кейін үстелдің үстіңгі тақтайында тоттану ізі қалады, ол көзге оттай басылады.
Оны тек қайта жылтырату арқылы ғана кетіре аласыз. Бұл материалдар төгілген сұйықты сіңіріп алады, бұл да дақтың түзілуіне әкеп соғуы мүмкін, сондықтан да беткі қабатқа әртүрлі сұйықтық төгілген кезде оны бірден сүртіп алу керек. Күннің тікелей түскен сәулесі үстелдің үстіңгі тақтайына жағымсыз әсер етеді: ультракүлгін материалды күйдіріп, түсін кетіреді.
Гранит және жасанды тастан жасалған үстелдің үстіңгі тақтайы жоғарыда айтылған факторларға барынша төзімді және оларға онша сезімтал емес.

Дақты кетіру үшін бұйымның осы түріне күтім жасау үшін ұсынылған және жұмсақ сүрткішке жағылатын, құрамында абразив заттары жоқ жұмсақ немесе бейтарап құралдарды қолдану керек. Беткі қабатты арнайы қорғаныс құрамдарымен өңдеу де артық болмайды. Мұндай заттар: тазартқыш-жылтыратқыш, дақтан қорғайтын құралдар, су негізді жылдам құрғайтын балауыз, т.б. Өндірушінің нұсқаулығын сақтау керек және өндіруші ұсынған және белгілі бір материалға қолдануға жарамды құрамдарды ғана қолданыңыз.
Бірақ барлық дақ «жеңіл» тазартқышпен кетпейді. Сіңіп қалған май және кір дақтары үшін аммиак негізді құрамдарды қолдануға болады. Жасанды тас оған сезімтал емес. Сонымен қатар абразив емес хлорлы тазалау пасталарын да қолдануға болады.
Маңызды! Тастан дайындалған үстелдің үстіңгі тақтайын тазалау үшін ешқашан кір жуғыш ұнтақты, әртүрлі еріткіштерді, металды тазалауға арналған сұйықтықтарды, құрамында ацетон, қышқылдар мен абразивтер бар құралдарды қолданбаңыз.

Пайда болған ұсақ сызаттарды немесе кетуі қиын дақтарды балауыз қосылған жылтыр тегістеуішті қолдана отырып, кетіруге болады. Бүлінген жері бар фрагментті жүн матамен шамамен 15 минуттай жылтырату керек. Сонымен қатар ұсақ бүлінген жерлерге қажетті реңкті балауыз пасталарын қолданыңыз. Қайта қалпына келтіру үшін арнайы ажарлаушы тас та қолданылады.
Зақымданған жер айтарлықтай болса, кәсіпқой мамандарға жүгіну керек.