Асүйді қалай орнату керек

Желілік асүй

Асүй толық бір қабырғаны алып тұрады.
Бұлайша орналастыру тар асүйге жарамды.
Сақтауға арналған кеңістік қалдыру үшін биіктігі 92 см аспалы
шкафтарды пайдаланған жөн.

Параллель асүй

Жұмыс істеуге және сақтауға арналған беткі қабаттар көп болады.
Асүйдің бір жағы тоңазытқышқа, азық-түлік пен ыдыс-аяқ жууға арналсын, ал қарама-қарсы жағы керісінше, жұмыс істейтін, тамақ пісіретін беткі қабат болсын.
Асүйіңіз анағұрлым функционалды болады.

Бұрышқа орнатылған асүй

Ең көп таралған асүй түрі, оны орналастыру оңай.
Тамақ ішуге қосымша орын арнауға мүмкіндік береді.
Сақтауды жетілдіру үшін бұрышқа орнатылатын асүйдің кеңістігін қалай пайдаланған дұрыс, осы жағын ойластырыңыз.
Кеңес алу үшін сатушы-кеңес берушіге жүгініңіз.

П-тәрізді асүй

Өте ыңғайлы, үлкен бөлмедегі кеңістікті үйлестіруге мүмкіндік береді.
Техниканың және электр құралдарының қасына кеңістік жасап қойыңыз.

Арал түріндегі асүй

Сақтауға арналған кеңістікті бұрынғыдан да үлкейтіңіз.
Плитасы немесе раковинасы бар арал электр мен суды арнайы қосуды қажет етеді.
Асүй мен қонақбөлмені біріктіріп жіберіңіз.
Бұл жақындарыңызбен көбірек сөйлесуге мүмкіндік береді.

1

Асүй бұрышта орналасатын жағдайда төменгі бұрышты орнатудан бастаңыз.

2

Асүйді бұрышқа орналастырған жағдайда жәшіктерді ешқашан бұрышқа орнатпаңыз, өйткені олар ашылмай қалуы мүмкін. Ыдыс жуу машинасы мен духовка шкафын орнатқан кезде де осы кеңесті негізге алыңыз.

3

Қабырға мен соңғы жәшіктің (аспалы немесе еденге қойылатын) арасына кеңістік қалдырыңыз, сонда есік оңай ашылады. Бұл кеңістікке сымдар немесе құбырлар орнатылады.

4

Раковинаны суағардың қасына, электрден алысырақ орнатыңыз. Леруа Мерленде бұрып құюға болатын араластырғыш тәрізді терезенің қасында орналасқан, раковинаға арналған бірегей шешім бар.

5

Оңай қозғалу үшін асүй мен тамақтанатын дастарқанның арасындағы кеңістік кемінде 90 см болуы керек.

6

Асүй параллель орнатылған жағдайда ең аз кеңістік 1 м 20 см болуы керек, сонда әртүрлі заттарға және жиһазға қол жеткізе аласыз, сондай-ақ емін-еркін қозғала аласыз.

7

Аспалы шкафтарды жұмыс істейтін беткі қабаттан кемінде 50-70 см биіктікке орнатыңыз. Ауа циркуляциясы жақсы болу үшін және бу жылдам кету үшін ауа сорғышты 65 см (электрплиталар үшін), 75 см (газ плиталары үшін) арақашықтыққа орналастырған жөн.

8

Плита мен жуғыштың арасына бос кеңістік қалдыруды жоспарлаңыз (мин 50 см)..

9

Жәшіктері бар төмендегі шкафтарды плитаға жақын жерге орнатпаңыз, кішкентай балалар оған шығып, плитаға жетіп, күйіп қалуы мүмкін.

10

Розеткаларды жуғыштың қасына орнатпаңыз.

11

Кәстрөлдер мен табалардың тұтқаларын әрдайым қабырғаға қарай бағыттаңыз немесе балалар ыстық заттарды ұстап алмас үшін арнайы қорғаныс торын орнатыңыз.

12

Духовка шкафын жоғары жаққа орнатқан жөн, бұл балалардың қауіпсіздігі үшін жақсы.