К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Қасбетті бояу және төсеме бояу жағу

Артқа.
(426 көрілім)
Скачать pdf файлы
Скачать pdf файлы

1Бояу түрлері

Қасбетке арналған дайын бояулардың пигмент сапасы, байланыстыратын заттың (шайыр) және еріткіштің түрі, сондай-ақ осы компоненттердің өзара пропорциялары жағынан бір-бірінен өзгешеленеді. Кейбір бояулардың құрамында грибокқа қарсы және грибок пен көгеруден қорғайтын қоспалар немесе ультракүлгіннің әсеріне деген төзімділікті арттыратын қоспалар болады.

Акрилді, түрлендірілген винилді қасбет бояуы – сумен сұйылтылады

ҚОЛДАНЫЛУЫ

- Жай-күйі жақсы жаңа немесе ескі қасбеттерді бояуға арналған

АРТЫҚШЫЛЫҚТАРЫ

- Түстері ультракүлгін сәулелерінің әсеріне тұрақты  

- Атмосфералық өзгерістерге төзімділігі

- Шағын сызаттарды жасырады

-Буды өткізгіштігі

Шайыр негізді PLIOLITE қасбет бояуы – еріткішпен сұйылтылады

ҚОЛДАНЫЛУЫ

- Жай-күйі нашар жаңа немесе ескі қасбеттерді бояуға арналған

- Шаң-тозаң деңгейі жоғары (қаладағы, өнеркәсіптік аудандардағы) аудандардағы қасбеттерді бояуға арналған

АРТЫҚШЫЛЫҚТАРЫ

- Өздігінен жуылады

- Атмосфералық өзгерістер мен теңіз климатының әсеріне төзімді

- Ластануға төзімді

- Тұрақсыз ауа райы кезінде де жағуға болады

- Буды өткізгіштігі

Силиконды бояу – арнайы дүкендерден сатып алынады

ҚОЛДАНЫЛУЫ

- Жай-күйі жақсы жаңа немесе ескі қасбеттерді бояуға арналған

-Жаңа қасбеттерді бояуға арналған

АРТЫҚШЫЛЫҚТАРЫ

- Беткі қабатпен ғана тұтасады

- Атмосфералық өзгерістерге төзімді

- Ластануға төзімді

- Түстері ультракүлгін сәулелерінің әсеріне тұрақты

Сызаттарды жауып тұратын қасбет бояуы – арнайы дүкендерден сатып алынады

ҚОЛДАНЫЛУЫ

- Боялған және сыланған қасбеттерді қалпына келтіруге арналған

АРТЫҚШЫЛЫҚТАРЫ

- Сызаттар мен кішкентай сызаттарды бітеп, жауып тұрады

- Иілгіш

- Ластануға төзімді

Минералды бояулар (әк, цемент негізді), оның ішінде силикатты

Өте жоғары сапалы өнімдер тобын құрайды, анағұрлым ұзақ мерзімге жарамды жабынды қалыптастыруға мүмкіндік береді. Бұл бояуды жағу үшін негізінен маманның немесе фирманың қызметтерін пайдалану керек, өйткені оларды пайдалану біліктілікті және арнайы жабдықты қажет етеді.

2Төсеме бояу және бітеуіш түрлері

НЕГІЗДІ ДАЙЫНДАУ

Қасбеттердің ұзақ уақытқа жарамды болуы және әдемі болуы бояуға және оны дұрыс жағуға ғана емес, сондай-ақ негізді дұрыс дайындауға да байланысты. Негізді тегістеп, бітеумен қатар бітеуіш препараттар бояуға арналған беткі қабатты тұрақтандырып, қатайтады.

Қасбеттерге арналған акрилді бояу қабаты

ҚОЛДАНЫЛУЫ

- Жай-күйі жақсы жаңа немесе ескі қасбеттерді бояуға арналған

АРТЫҚШЫЛЫҚТАРЫ

- Негіздің сызаттары мен кедір-бұдырлы жерлерін бітейді

- Атмосфералық өзгерістерге төзімді

- Жылдам құрғайды

- Бу өткізгіштігі

Қасбеттерге арналған, шайыр негізді PLIOLITE бояу қабаты

ҚОЛДАНЫЛУЫ

- Ескі, зақымданған немесе жаңа қасбеттер,

- Шайыр негізді Pliolite бояуларының астына жағуға болады

АРТЫҚШЫЛЫҚТАРЫ

- Атмосфералық өзгерістерге төзімді

- Кез келген негізбен жақсы тұтасады

- Негіздің сызаттары мен кедір-бұдырлы жерлерін бітеп тұрады

- Акрилді бояу қабатымен салыстырғанда, негіздің ішіне тереңірек енетін болғандықтан, «дем алатын» сылақты байланыстырады

- Буды өткізгіштігі

Сызаттарды бітеп тұратын, қасбетке арналған бояу қабаты

ҚОЛДАНЫЛУЫ

- Зақымданған және сылауға қиын қасбеттер

АРТЫҚШЫЛЫҚТАРЫ

- Сызаттар мен кішкентай сызаттарды бітеп, жауып тұрады

- Иілгіш

- Атмосфералық өзгерістерге және жаңбырдан кейін ағып кетулерге төзімді

Қасбеттерге арналған мөлдір бітеуіш – сумен немесе еріткішпен сұйылтылады

ҚОЛДАНЫЛУЫ

- Кірпіш, тас немесе бетон қасбеттер

АРТЫҚШЫЛЫҚТАРЫ

- Атмосфералық өзгерістерге төзімді

- Суға төзімді

- Ластануға төзімді

3Дайындау

Инструменты для окраски фасадов

Защита растений при окраске зданий

Подготовка лесов для окраски фасадов зданий

Подготовка фасадов для окраски

Қабырғаға жақын өсіп тұрған бұталарды түбінен кесіңіз.

Гүл бағына брезент жайып, брезенттің жан-жағын таспен бастырыңыз. Өсімдіктерге ауа кіріп тұру үшін брезентті бірнеше жерінен тесіңіз. 

Терезе жақтауларын, терезе алды тақтайын, терезе ілмектері мен басқа да металл жабындарды жабыңыз. Есіктер мен терезелердің қорабын қорғаныс таспасымен желімдеңіз.

Қабырғаға баспалдақты немесе сатыны қойыңыз. Негізінің мықты әрі тегіс екеніне көз жеткізіңіз. Сатының орнатылу сапасын және оның мықтылығын мұқият тексерген жөн: қажет болған жағдайда аяқтарының астына қалың тақтай салып, сатыны қабырғаға жіппен байлаңыз. Қауіпсіздікті арттыру мақсатында тұтқаны (қорғаныс қанатын) орнатыңыз. Ауыр заттардың бәрін сатының шетінен көтеріп, мықты арқанға байлап бекітіңіз.

Беткі қабат мінсіз болу үшін қысыммен жуу құрылғысын пайдаланған жөн. Бұл ретте негізді зақымдап алмас үшін қысымның шегін 60 баррдан көтермеу керек. 

Қасбетке мүктің, өсімдіктер мен балдырдың өсуіне жол бермейтін сіңіргіш препарат бүркіңіз.

ҚАСБЕТКЕ ҚАТЫСТЫ ҚИЫНДЫҚТАР. ҚОСЫМША ДАЙЫНДЫҚ ШАРАЛАРЫ

Әлсіз, кеуекті, үгілгіш негіз

Ескі бояу қабатына мықтылық беріп, жаңасының жарамдылық мерзімін ұзарту үшін қабырғаны тегістеп сылау немесе сіңіргішпен өңдеу керек.

Бояу негізден алынып кетеді, қопсиды және көпіршіктенеді

Бояудың алынып кеткен жерлерін щеткамен алып тастаңыз. Қажет болған жағдайда тегістеп сылаңыз.

Зақымданған және жарылған сылақ

Негізден алынып кететін ескі сылақтың бір қабатын алып тастаңыз. Зақымданған жерлерін тасшегемен батыл түрде ұлғайта берсеңіз болады. Содан кейін сылақтың қалдығын щеткамен тазалаңыз.

Подготовка фасадов зданий для окраски

Жарықтарды жөндеу 

Қабырғадағы жарықты қырғыштың көмегімен бүкіл ұзындығы бойымен тазартып, шаңын кетіріңіз. Пайда болған тесікті тығыздауышпен толтырыңыз. Бітеңіз. 

Бояу немесе бояу қабатын өңделген жерлерге жағар алдында шыныталшығы бар қорғаныс таспасын желімдеңіз.

ҚҰРҒАУ УАҚЫТЫ

Іс-әрекеттердің кезегі арасында өндірушінің құрғау уақытына қатысты ұсыныстарын (қаптамада көрсетілген) сақтаған маңызды. Үзілістер жұмыс түрлеріне байланысты болады, мысалы:

- қысыммен жуатын құрылғыны қолданғаннан кейін: ауа райы қолайлы және негіздің күйі жақсы болған жағдайда бір аптаға дейін, климаттық жағдай қолайсыз және негіз кеуекті болған жағдайда 3 аптаға дейін,

- мүк, өсімдік және балдырдың өсуіне жол бермейтін препаратты қолданғаннан кейін: жұмысты 48 сағат өткен соң бастауға болады,

- бояу қабатын немесе сіңдірмені қолданғаннан кейін: құрғау уақыты 24-48 сағат аралығы.

Мұндай құрғаудың болжамды мерзімі келтірілген. Өндірушілер әр препараттың немесе бояудың нақты құрғау уақытын көрсетеді.

4Тегістеп сылау және бояу

ҚҰРАЛ-САЙМАНДАР

Инструменты для грунтовки и окраски фасадов

1. Негіздің таза әрі құрғақ екенін, грибок, балдыр және зеңнің алынып тасталғанын тексеріп алыңыз.

Назар аударыңыз! Мүк, өсімдік және балдырдың өсуіне жол бермейтін сіңдірмені алдын ала жақпасаңыз, жұмысты бастамаңыз. 

2. Сіңіргіш боялмаған негізді, сондай-ақ ескі бояуы алынған негізді тегістеңіз.

3. Білікшенің көмегімен тегістеуге болады, бірақ жалпақ қылқаламды қолданған анағұрлым тиімді. 

4. Сумен сұйылтылатын бояудың (мысалы, акрил, винил) астына еріткішпен сұйылтылатын бояу қабатын (мысалы, Pliolite шайыры негізді) пайдалануға болады. Сумен сұйылтылатын (акрил) төсеме бояуды еріткішпен сұйылтылатын бояудың астына жақпаңыз.

5. Қасбетті қолайлы ауа райы жағдайында ғана бояңыз. Ауа райы ылғалды, суық және желді болған кезде боямаңыз (қасбет жауын жауғанша құрғап үлгеруі керек). Ауа ылғалдылығының барынша рұқсат етілген деңгейі 75%-ды құрайды (ылғалдылық деңгейі гигрометрдің көмегімен бақыланады, сондай-ақ жақын жердегі метеорологиялық станциядан да ақпарат алуға болады).

Назар аударыңыз! Күн сәулесі тікелей түсіп тұрғанда, температура 5°C-тан төмен, 35°C-тан жоғары болмаған кезде бояу керек.

6. Қасбет ескі болса, негіздің күйін бағалау керек. Жарылған және қабыршықтанған қабаттарды жөндеу керек, яғни зақымданған қабыршықтарды алып, бітеп, тегістеп, сылау керек. 

7. Қолданар алдында жағылатын өнімді (бояуды, сондай-ақ тегістеуші эмульсияны) мұқият араластыру керек.

8. Бояуды қабырғаның жоғарғы жағынан бастап, біртіндеп төмен қарау түсу керек. 

9. Бояу басталған жерлерде оларды біріктірген жерлер мен іздер көрініп тұрмас үшін қабырға толық боялып біткенше жұмысты үзбеу керек. 

10. Терезе жақтауларын, есік және терезе қораптарын қасбетті бояу аяқталған соң бояу керек. 

Окраска фасадов фото

Қасбеттің түпнұсқа сыртқы түрін (мысалы, табиғи тас, кірпіш) қалдырып, оны боямай-ақ, жарамдылық мерзімін ұзартқыңыз келсе, тиісті сылақтан кейін қабырғаға қасбетке арналған түссіз сіңдірмені жағуға болады. Сондай-ақ ылғалдылық ықтимал жоғары (ағып кеткен) болған жағдайда бұл сіңдірмені бояу жағылған қабырғаға да қолдануға болады.

Бояуды білікшемен жағу

  1. Қабырғаның жоғарғы жағынан немесе үйдің жоғарғы бөлігінен бастап жағу керек.
  2. Бояуды ұзындығы шамамен 60 см, ені 100 см болатын жолақпен жағу керек. Әрбір жағар алдында білікшені бояуға батырып алу керек.
  3. Бояуды жақсылап жағу үшін жолақтарды айқыш түрінде жағуды ұсынамыз. 
  4. Соңынан беткі қабатты жоғарыдан төмен қарай бояусыз білікшемен жүргізіп шығу керек.

Технология окраски фасадов зданий

5Қосымша кеңестер

Білікшені міндетті түрде жумай-ақ, бірнеше рет қолдану үшін қолданып болған соң пластик қалташаға салып қойған жөн. 

Егер баспалдақ немесе саты тым қысқа болса, білікшеге арналған телескопиялық сапты қолдануға болады. 

Егер қасбеттің ауданы бір рет бояп бітіретіннен көп болса, жұмысты табиғи үзіліс жасалатын жерде (қабырғаның бұрышы немесе су ағатын науа) тоқтату керек. Соның арқасында қосылған жер онша байқалмайды. 

Қасбетке түрлі түсті табиғи немесе жасанды түрде боялған қиыршық тас сияқты қоспалар қосылған еріткіш жағылатын болса, оны негіз сыртқа «шығып тұрмайтындай», сылақ түсімен түстес етіп бояу керек. 

Егер ғимарат өнеркәсіптік аудандарға және жанданған жолдарға жақын жерде орналасса, қолданылатын қасбеттік бояулар химиялық заттардың әсеріне төзімді болуы тиіс. 

Қасбеттің оңтүстік және оңтүстік-шығыс жағын ультракүлгінге (күн сәулесінің әсері қатты болатындықтан) төзімді бояумен бояу керек.

Окраска фасадов зданий валиком


Скачать pdf файлы