Аяқкиім салғышты қалай таңдау керек

Аяқкиім сақтауға арналған шкаф-пеналда жылжымалы жәшіктер немесе себеттер болады. Олардың дәстүрлі, сондай-ақ тор негізге орнатылатын өзек құрылымды ерекше пішіні болуы мүмкін. Тазартылған аяқкиім қалыпқа кигізіледі де, тік қалпында сақталады. Мұндай сақтайтын жердің маңызды талабы: оған салынған аяқкиім таза болуы керек. Сонымен қатар оған етік салу қиын.

Шкаф-слимнің шкаф қабырғасына перпендикуляр оське 90° бұрышқа бұрылатын бірнеше сақтайтын бөлігі бар. Мұндай құрылым жиһаздың тереңдігін кішірейтеді, бұл оны тар жерге орналастыруға мүмкіндік береді. Алайда бейстандартты аяқкиім оған сыймайды.

Жылжытылатын немесе кіріктіріліп орнатылатын аяқкиім салғыштың сөрелері өзек немесе торлы құрылым түрінде жасалады, бұл оның салмағын азайтып, аяқкиімді кептіруді жеңілдетеді. Аяқкиім салғышты қол жететін жерге орналастырады (мысалы, отырғыштың астына немесе айнаның астындағы үстелге), бұл оның жинақылығын қамтамасыз етіп, кеңістікті үнемдеуге мүмкіндік береді.
Аяқкиім салғыш көбіне ағаштан, негізінен МДФ және АЖТ жасалады. Егер есік пен корпусына ағашты қолдану сәнділігі жағынан дұрыс шешім болса, ағаш сөрелер ылғалдың әсерінен және аяқкиімнің табанындағы абразив бөлшек салдарынан тез жарамсыз болып қалады.
Пластик аяқкиім салғыш кіріктіріліп орнатылуы мүмкін, ал оның жарамдылық мерзімі материалының сапасына байланысты.

Құрылымы әдемі металл аяқкиім салғыш интерьердің жеке элементі ретінде қарастырылады, бірақ олар көбіне торлы немесе басқаша сөрелері бар утилитарлық модель түрінде болып келеді.

Әйнек аяқкиім салғыштар немесе әйнктен жасалған сөрелер мөлдірлік сезім береді, бірақ ерекше күтімді қажет етеді.
Аяқкиім салғыштың көлемін таңдау пайдаланылатын аяқкиімнің саны мен түріне байланысты және кіреберістің кеңістігімен шектеледі. Негізінен орынның тапшылығы аяқкиім салғыштың биіктігіне байланысты білінбей қалады.
Дизайн кіреберістің интерьеріне сәйкес келуі тиіс. Бұл әсіресе, ағаш бұйымдар үшін маңызды. Қосымша бөлшектері (қасбеттер, тұтқалар, ендірмелер, енсіз жұқа тақтайшалар мен молдингтер) дайын бұйымдардың сәнділігін арттырады.