Купе есігін қалай таңдау керек

Түрлері

Корпустық шкаф купе - бұл кез келген жерге орналастыруға болатын, қабырғаның орналасуы мен сапасына тәуелді емес жеке жиһаз. Мұндай шкафтардың бүйір қабырғалары, артқы қабырғасы, едені мен төбесі болады, олар ламинадталған АЖТ дайындалады. Бұл шкафтардың атауы роликті жүйенің арқасында бағыттауыштардың бойымен жылжитын жылжымалы есік жүйесінің болуына байланысты.

Құрылымы

Кез келген шкаф-купенің ең маңызды элементі жылжымалы есіктер жүйесі болып табылады. Осындай есік бұйымның бағасы мен санатын анықтайды. Жылжымалы есіктер жүйесіне ролигі, бағыттауыштары (тректері) мен ішкі толтырғыштары бар есіктер енеді.

Купе есіктері жабдықталымының негізгі элементі профиль болып табылады, әсіресе, оның дайындалған материалы маңызды. Металдың сапасы мен құрылымдық ерекшеліктері шкаф-купелердің пайдалану сипаттамасына ғана емес, сондай-ақ ықтимал дизайнерлік шешімдеріне де әсер етеді. Жылжымалы есіктердің металл профильдерінің негізгі міндеті – есік жармасына қажетті қаттылық беру.

Профильдердің материалы

Профильдерді дайындауға арналған материалдың екі түрі болады:

• Болаттан жасалған
• Алюминийден жасалған

Қасбеттер

Купе есіктерінің қасбеттеріне арналған шешім сіздің қиялыңыз бен қаржы мүмкіндігіңізге байланысты.          

Купе есіктерінің қасбеттері табиғи шпонмен, ағаштың қымбат түрлерімен, сипаттамасы және бағасы әртүрлі әйнекпен, айнамен, былғарымен, ротангпен және көптеген басқа да материалдармен әрленуі мүмкін. 

Шкаф купелерді безендірген кезде қолданылатын айна мен әйнек кәдімгі немесе күңгірттенген, жылтыр емес, құм ағысты, шаң-тозаңды суретпен безендірілуі мүмкін. Пайдалану қауіпсіз болу үшін айнаның артқы жағына қорғаныс үлдірі желімделеді, ол қосымша беріктік беріп тұрады. Әйнекке қатты соққы тиген жағдайда үлдір айна сынықтарының үгітіліп кетуіне жол бермей, ұстап қалады.