Пәтерді мінсіз таза қалпында қалай сақтауға болады

Кеңістікті бейберекетсіздік алып жатса, тіпті, сәнді декордың өзі әдемілігінен айырылады. Өкінішке орай, күнделікті өмір күйбең тіршілікке толы, үйді тазалауға уақыт жете бермейді. Алайда пәтерді қашанда таза қалпында ұстауға көмектесетін айлалы іс-әрекеттер бар.

Мүмкіндік болса, жабдықтарды бірден мұқият жинауды қажет ететін барлық жерге оп-оңай қол жеткізуге болатындай етіп жоспарлаңыз. Бұл асүй үшін өте маңызды, шкафтар мен үстелдің үстіңгі тақтайын ойдағыдай орналастырсаңыз, өзіңізге қырағылығыңыз үшін мың рет рақмет айтасыз.

Дұрыс ұйымдастырылған сақтау жүйесі – тазалықтың ең негізгі кепілі. Жеке заттар – кез келген интерьердің ажырамас бөлігі екені сөзсіз, пәтер әрдайым каталогтағы сурет сияқты болып тұра бермейді, бірақ әр нәрсенің шегі бар. Сондықтан да бәрін арнайы жәшіктерде, сәнді қораптарда, себеттер мен контейнерлерде сақтаған жөн, сонда керек нәрсені оңай әрі жылдам таба аласыз, ал дизайныңызды үйіліп тұрған киім-кешек, жиналған кітаптар мен бір бөлмеден екінші бөлмеге көшіп жүретін тұрмыстық заттар құртып тұрмайды. Асүйге де бакалея мен дәмдеуіштерді сақтауға болатын бірдей ыдыстарды таңдаған жөн. Соның арқасында сөрелеріңіз өте сәнді болып тұрады!

Бейберекетсіздіктің орын алуына жол бермеңіз, әйтпесе, одан арылу үшін бір емес, екі демалыс күніңіз бір-ақ кетеді. Мұнда сізге тазалау жоспары көмектеседі, нақты бір іске бір күніңізді арнаңыз. Өйткені, тіпті, күніңіз тығыз болған күннің өзінде бір аймақты жинауға 10-15 минут табылатын шығар! Мысалы, ұйықтар алдында төсек маңындағы тумбаларды сұрыптап, жарықшам екеуінің шаңын сүртіп қойыңыз, кеңсе заттарын жинастырыңыз немесе раковина мен ваннаны жуып қойыңыз, сонда тазалық сезіліп тұрады, ал қатты шашылған кезде толық тазалау жұмысын жасаңыз!

Гардероб пен кітап шкафтарын тұрақты түрде тексеріп тұрыңыз. Кимейтін және енді көңіл-күйіңізді көтермейтін нәрселерді тастаңыз, сонда пәтеріңізде бос орын көбейіп қана қоймайды, сондай-ақ ойыңыз да тазарып қалады. Бір таңданарлығы, ешқандай пайдасы болмаса да, біршама заттар бізбен бірге өмір сүруін жалғасырады екен! Жылдың басында олардан құтылып, орнына қандай да бір жаңа нәрсе алыңыз.

Әлбетте, сапарға барған кезде алып келген кәдесый және маңызды сыйлықтар құтылуға тұрарлық заттардың қатарына жатпайды. Бірақ оларға сөре немесе тіпті, стеллаж сияқты бөлек орын арнаған дұрыс, сонда бөлме қоқысқа толмай, көңіліңіз көтеріліп тұрады.

Кітап, статуэтка және декордың басқа да ұсақ-түйек элементтерін сүртуді естен шығармаңыз, өйткені олар интерьерге ерекшелік беріп тұрады, бірақ таза болмаса, әсерді бұзуы мүмкін.

Тоқымаға қатысты да осыны айтамыз: жиһаз бен жастықтың қаптарын, перде мен гардинді үнемі жуып, шаңсорғышпен тазалап тұру керек. Сондай-ақ матасының тозып, ескіріп кетпеуін тексеру керек, көп жыл пайдаланылған заттарды өңдеген немесе тастаған дұрыс.

Терезе мен айнаны ұқыптап сүртіңіз. Пәтерге тап-таза әрі мөлдір әйнектен артық ештеңе сергектік бере алмайды! Әлбетте, мынадай климатта терезені жиі жуу мүмкін емес, бірақ осылай екен деп, оны мүлдем ұмытуға болмайды.

Үйді тазалау қатып қалған және уақыт пен күшіңізді алатын жағымсыз іс болмауы керек! Біздің кеңестерімізге құлақ түре отырып, күнделікті өмірдегі тазалықты сақтау процесін әдеттегі әрі рақатқа бөлейтін жұмысқа айналдыра аласыз. Ал тазалық пен жайлылық орын алған үйде туған-туыстар мен жақындарыңыз қуана-қуана бас қосады! Пәтерде тазалықты сақтаңыз, ал Леруа Мерленнен оған керек нәрсенің бәрін таба аласыз.