Үйдегі тазалық деңгейі ойыңыздың ретке келу деңгейін білдіреді деп саналады. Бүгін сіздерге қажет емес нәрселерден арылғанның қаншалықты маңызды екенін және пәтерде керемет тазалық орнату керектігі туралы әңгімелеп береміз.
Пәтеріңізде қажет емес зат жоқ десеңіз, сізге ешкім сенбейді. Балкондағы ескі-құсқы нәрсе, антресольде жатқан балалардың ескі шаңғысы, теледидардың астындағы тумбочкада жатқан жиырма жыл сақталған газет, мұндай нәрсе бәріміздің үйімізде жылдар бойы жинала береді. Кей-кейде мұндай заттардан құтылып тұру керек.
Ең бастысы – заттарды дұрыс сұрыптау
Бір жерден түрлі түсті үш қорап тауып алыңыз да, оларды заттардың қажеттілік деңгейін көрсететін әртүрлі символмен белгілеп қойыңыз: күліп тұрған смайлы бар жасыл — «қалдырған жөн», бейтарап смайлы бар сарғыш — «бірден айту қиын», көңілсіз смайлы бар сұр — «дәл қазір қоқыс багіне тастау керек». Сөйтіп, ескі-құсқы нәрседен арылуды бастаңыз!
Шкафта киім көп, бірақ киетін түк жоқ
Шкафыңызды ашып, жылдар бойы шаң басып жатқан нәрселерді мұқият қарастырыңыз. Расымен де, мына футболканы бір жерге киіп барасыз ба? 2001 жылғы жемпірді киіп сауық кешке барып, SpiceGirls өлеңдеріне билеуге болады. Ал егер бұл киімдер сізге қажет болмаса, тастаңыз.
Кигенде өзіңізді жайлы сезінетін нәрсені ғана қалдырып, қалғанын сұр қорапқа тастаңыз. Көптеген ұйымдар балалар үйіне және үйсіздерге арналған киімді жиі-жиі жинап тұрады. Керек емес киімдерді апарып тастауға ерінбеңіз, мейірімді іс жасаңыз. Мұндай киімдерді сарғыш қорапқа тастаңыз.
Кітап – білім бұлағы, бірақ ескі кітаптардың үйіндісінен арылыңыз
Кітап шкафыңызда мәңгілік классика мен сүйікті кітаптарыңыздан басқа да бірдеңелердің бар екеніне бәстесесіз бе? Бәлкім, белгілі бір бөлігі өзекті емес шығар. Ол қазір қызықты емес, оны оқымайсыз.
Артық кітап, буклет, қызықсыз әдебиетті сұр қорапқа салыңыз. Айтпақшы, бір бөлігін аудандық кітапханаға апарып тастауға болады немесе көршілерге бере салу керек: ескі роман біреулердің көңілінен шығатын шығар.
Сарғыш қорапқа күмәнданатын нәрсеңізді салыңыз: бәлкім, оны оқуға қызығушылық танытатын таныстарыңыз бар шығар. Түптеп келгенде, көптеген ескі кітаптарды орташа бағамен сатуға болады.
«Ескірген жаңалық»
Ескі газеттерді де қоқысқа тастау керек. Бұрын жаңалықтар легімен анаңыз терезе жуатын, қазір оның орны қорап. Макулатураға өткізіңіз немесе иттердің панасы сияқты мұқтаждарға апарып беріңіз.
Барынша қуат алыңыз!
Үйіңізде ескі техникаға арналған қуат бергіштер салынған жәшіктің бар екеніне сенімдіміз. Оларды Афина Олимпиадасы заманынан қалған, ешкім пайдаланбайтын телефондармен бірге сақтаудың қажеті қанша?
Әр жағдайға арналған қуат бергіштің бір-бір жұмыс істеп тұрған түрінен қалдырыңыз, ал жөндеуден гөрі лақтыра салған оңай нәрселерді сарғыш қорапқа тастаңыз, көптеген радио базарларында оларды қуана қабылдап алатын дүңгіршектер бар.
Қатырма құбыжықтар
Жаңа техника сатып алған кезде біз көбінесе қорабын қалдырамыз. Көшкен жағдайда, бірдеңелер сақтаған жағдайда немесе сатып алған нәрсені кепілдік бойынша дүкенге кері өткізу үшін ол қажет болады. Жылдар жылжып өтеді, ал қорап сол жерде тұрады. Оны ешкім пайдаланбайды.
Ол сізге керек пе, егер керек болса, не үшін керек, осы жағын ойлаңыз. Егер керек болмаса, оны макулатура қуана қабылдайды.
Ескі аяқкиім
Бір кездері бұл кеды маусымның хиті болды, оны алу үшін километрлеп кезекке тұрған шығарсыз. Көп жылдар өтті, талғам өзгерді, ал аяқкиім бекер жатыр. Киілген, бірақ сақтаулы тұр.
Келесі маусым киемін деп қойып қойған қысқы аяқкиімді түсінуге болады, ал ескі, тесік, ешкімге керек емес аяқкиімді қайтесіз? Аяушылық сезімінің қажеті жоқ деп ойлаймыз.
Артық заттардан арылу пайдалы: үйіліп тұрған, ешкімге керек емес қоқыс артық орынды алып, көзге жаман көрініп тұрады. Осы тұрғыдан алғанда, тұрақтылық – жетістіктің жартысы, өйткені уақытында қарамай, үлкен бейберекетсіздіктен арылғаннан гөрі кішкентай бейберекетсіздіктің алдын алған оңай.
Корзина была изменена, цены и остатки обновлены. Өтініш, кəрзіңкені рəсімдеуді жалғастыруыңыз!
При оформлении заказа возникла ошибка.
Уважаемый покупатель, данный email в системе уже зарегистрирован.
Войдите чтобы оформить заказ на данный почтовый ящик.
Қазіргі таңда тауар бақылануда, сіз келесі тауарлар партиясы қоймаға келгенде хабарлама аласыз
Ведутcя технические работы
Уважаемый покупатель, на сайте ведутся технические работы по улучшению сервиса.
В ближайшее время Вы сможете продолжить покупки.