Жоспардың түр-түріне арналған гардероб бөлмесі

Гардероб — бұл өте ыңғайлы дүние. Бұл сәнқойлардың еркелігі емес, өте дұрыс шешім: күртешелерді қайда саламын деп басыңызды ауыртпайсыз, лық толы шкафты ақтарып жатпайсыз. Алайда посткеңестік дәуірдегі пәтерлерде оны ұйымдастыру өте қиын, бәрі орынның тапшылығына келіп тіреледі.

Жазушының «жоқ, мен Воланд емеспін, мен басқамын» деген сөздерімен бәрі келіседі. Расында да, Булгаков кейіпкерінің билігінде кеңістік болды, қазір біздің отандастарымызға жөндеу жұмыстары кезінде ол жетіспейді. Бірақ әйтеуір, бір жолын табуға болады.

Егер «көйлек сақтайтын» жердің астына тұтас бір бөлмені арнауға мүмкіндік болса, жолыңыз болды, алайда, тіпті, өте кішкентай пәтерлердің өзінде гардеробқа арналған бір-екі шаршы метр табылары сөзсіз. Ол жер сіздің ең сүйікті жеріңізге айналады! 

Ескі-құсқы қойманы сәнқойларға арналған жұмаққа айналдырамыз

Ең керемет бөлме — қойма. Иә, егер пәтеріңізде сирек қолданылатын заттарды сақтауға арналған бөлме қарастырылса, ондағы артық заттардың бәрін лақтырып (немесе балконға/гаражға/саябаққа көшіріңіз), гардеробқа орын босатыңыз.

Шкафтың 55 см (ашық сөрелер) және 60 см (жабық) тең ең аз тереңдігін ескере отырып, олардың арасындағы арақашықтық 80 см аз болуы тиіс екендігін естен шығармаңыз, әйтпеген жағдайда ішінде әрі-бері қозғалған қиындық тудырады. Егер бөлменің ені 2 метрден кем болмаса, бәрі керемет болады: бір-біріне қарама-қарсы екі шкаф орнатуға болады. Егер аз болса, бір шкафпен және аяқкиімге арналған сөрелермен шектелуге болады. Айтпақшы, үтіктеу тақтасын да осында орналастыруға болады. Мінеки! Енді нәтижесінен рақаттаныңыз.

Оңаша бұрыш

Кейбір бөлмелерді жоспарлау кезінде көбіне бұрышта шағын қуыс қалып қалады. Оны ақылмен пайдаланыңыз. Ол жерге көлемі сәйкес келетін шкаф немесе стеллаж қоюға болады. Десе де, бәрі қуыс жердің көлеміне байланысты, егер ені 2 метр, ал тереңдігі 1 м аз болса, бір-біріне қарама-қарсы екі шкаф орнатуға болады, сонда бөлменің негізгі кеңістігі жылжымалы купе есікпен бөлініп тұрады. Ол айна түрінде немесе «ағаш» сияқты болуы мүмкін. Гардероб деген оы емес пе?

Сәнқойдың бақытты күндеріне аз қалды

Иә, дұрыс айтылған сөз, бақыт деген қалқаның артында. Немесе перденің артында. Бөлмедегі қабырғаның біреуін киім мен аяқкиімді сақтауға арналған орынға айналдыруға бола ма, осы жағын ойластырып көріңіз. Егер қауіпті болмаса, қарнақ, ашық сөрелер, жәшіктері бар сөрелер сияқты бірнеше элементтері бар сақтау жүйесін орнатыңыз. Кеңістікті қабырғаның немесе перденің түсімен түстес қалқамен бөліп қойыңыз. Айтпақшы, тік бағдарланған айна мықтап бекітіледі.

Айнасы бар есіктің арты

Егер орын мүлдем табылмаса, шағын гардеробты шкаф-купеге орнатуға болады.

Бірнеше қарапайым әрі пайдалы кеңес:

• ерлерге арналған пальто мен сулықтар үшін шкафтың биіктігі 175 см, ал әйелдер үшін 140 см кем болмауы керек
• ұқыпты күтім жасауды қажет ететін көйлектер мен блузаларды жұмсақ ілгіштерге сақтаған жөн: осылайша зақымдануға жол бермеуге болады
• сызығы бар классикалық шалбарлар қысқышы бар ілгіште сақталады (балағы жоғары қарап тұрады). Шалбарларға арналған бөліктің биіктігі 120 см кем болмауы тиіс
• денимнен тігілген джинсы мен шалбарлар сөреде жинаулы қалпында сақталады
• қысқыштары бар ілгіштер белдемшелерді сақтауға жарамды
• шкафтың ең кең әрі биік бөліктеріне төсек жаймасы мен көрпелерді сақтауға болады; төбенің астына сөмкелер мен чемодандарды сақтауға болады
• тереңдігі орташа шағын жәшіктерге шұлық, колготки және ішкиім, сондай-ақ қолғап, бөкебай және т.б. сақтауға болады
• жакеттер мен костюмдерді иығы кең ілгіштерге сақтау керек
• белдіктерді сақтауға арналған ілгектері бар арнайы ілгіштер болады

Гардероб — бұл ең алдымен, ұтымды: киімдер арнайы жерде рет-ретімен сақталып тұрса, көретін көзге де жақсы, машақат та аз. Ең бастысы — оған дұрыс жерді арнау керек.