К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Кері

Перфораторды қалай таңдау керек

(4561 көріп шығу)
Қалай таңдау керек

Перфоратор – бұл қатты материалдарды (бетон, тас және т.б.) ұзақ уақыт бұрғылауға арналған, екпінді түрде әсер ететін құрал.

Перфораторлар кәсіби электр құралдарының қатарына жатады, техникалық сипаттамалары жағынан әдеттегі тұрмыстық бұрғылардан бірнеше есе артық болып келеді, демек, бағасы да қымбат.
Өйткені бұрғының екпінді қызметі қосымша, ал перфоратордікі негізгі болып табылады. Екпінді бұрғының негізгі арналымы – бұрғылау болса, перфоратордың арналымы – ұңғылау. Бұрғының екпінді қызметі электрмеханикалық болса, перфоратордікі – электрпневматикалық. Құралдардың қуаты бірдей болғанда тесілген саңылаудың диаметрі – екпінді бұрғымен тесілген саңылаумен салыстырғанда перфоратор арқылы тесілген саңылау шамамен 1,5 есеге үлкенірек болады екен.

1

Перфораторлардың ерекшеліктері

Таңдалатын перфоратордың қуаты және басқа да техникалық сипаттамалары оны сатып алу мақсатына байланысты.

Қазіргі толық функционалды перфораторлардың үш жұмыс істеу режимі бар:

  • айналдырмай соғу (шойбалға режимінде жұмыс істейді),
  • соққысыз айналдыру,
  • соққымен айналдыру.

Перфораторды әртүрлі материалдарды бұрғылау үшін ғана емес, сондай-ақ тас қабырғалардағы қуысты немесе кемерді ұңғылау, артық материалды уату және т.б. сияқты жұмыстар үшін қолданады.

Таңдаған кезде төмендегілерді ескеру қажет:

  • Айналу жылдамдығын реттеу. Құралдың ең жоғарғы жылдамдықты бекітетін түймешесі болғаны дұрыс.
  • Ажыратқыштың тоқтатқышы. Бұл функция ажыратқышты өзіңіз таңдаған қалыпта белгілеуге мүмкіндік береді.
  • Перфоратордың екпінді қызметін өшіру.. Егер мұндай қызметі болмаса, перфораторды бұрғы ретінде қолдануға болмайды, кейде жұмыс барысында дәл осы қызмет керек болып қалады. Бұрғы режимінде жұмыс істейтін перфоратор сатып алуға болса, бірден екі құралды алудың қажеті не?
  • Электр қозғалтқыштың қордағы щеткалары.. Жеке сатылатын щеткалардың бағасы қымбат, одан да щеткаларының қосымша жиынтығы бар құрал сатып алған дұрыс. Әсіресе, ұзақ уақыт жұмыс істеуге жарамды кәсіби перфоратор таңдасаңыз, бұл маңызды.
  • Бұрғының бұрандасын орнатуға арналған жалғастырғыш тетік.. Екпінді қызметті өшіру керек болса, мұндай тетіктің болғаны дұрыс. Егер жиынтықта мұндай жалғастырғыш тетік болмаса, оны бұл модельге орнатуға бола ма деген мәселені қарастыру керек.
  • Бұрғылар жиынтығы. Перфоратор жиынтығында бұрғылардың базалық жинағы болса, саудаңыз тиімді болар еді: жеке сатылатын бұрғылар әлдеқайда қымбат тұрады.
2

Маңызды көрсеткіштер:

  • Ауыр перфораторлар мықты бұрғылармен жұмыс істейді, бірақ мұндай жұмыс көп күшті қажет етеді.
  • Перфоратор таңдаған кезде іске асыратын міндеттеріңіз бен құралға жұмсайтын сомаңызды ескере отырып, бел ортасын іздеңіз.
  • Перфораторлардың жабдықталымдары әртүрлі. Базалық жабдықталымында сізге қажет қызметтер болмай қалуы мүмкін. Әрбір нақты модель үлгісінің сипаттамасын мұқият қарастырыңыз.
  • Жабдықтама жиынтығы бар құрал сатып алған тиімді. Қажетті бөлшектерді жеке-жеке сатып алғанға қарағанда, бұл өте арзанға түседі.
  • Перфораторды таңдаған кезде бір санаттағы құралдарды салыстыру керек. Кәсіби және тұрмыстық перфораторларды салыстыруға болмайды, олардың міндеттері әртүрлі, тиісінше, қызмет жиынтығы да әртүрлі..
  • Мүмкіндігінше танымал, маркалар нарығында беделі бар перфораторларға басымдылық берген жөн.
Клиентті қолдау