К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Электр монтаждау жұмыстары кезінде жарақаттанудан қалай қорғануға болады

Артқа.
(408 көрілім)
Скачать pdf файлы
Скачать pdf файлы

Электрмен жұмыс істеген кезде қауіпсіздік техникасының талаптарын сақтаған маңызды, өйткені оларды сақтамаған жағдайда айтарлықтай салдардың пайда болу қаупі бар. Ұсыныстардың бәрін шартты түрде екі топқа бөлуге болады: қауіпсіз жұмыс кеңістігін құру және арнайы киім мен басқа да қорғаныс құралдарын пайдалану..

1

Қауіпсіз электр жұмыстарына арналған кеңістікті қалай құруға болады

  • Жұмыстар жүргізіліп жатқан нысандағы токты ажыратыңыз: бұл ретте фазалық сымдардың бәрін және бейтараптаманы өшірген маңызды. Бұл мақсаттар үшін заманауи қорғаныс автоматтары, сондай-ақ қарапайым ажыратқыш бар. Ажыратқыштар айтарлықтай қолайсыз әрі ескірген, 1000 В дейінгі кернеу кезінде қажетсіз деген пікір бар. Бұл қате пікір: ажыратқыштың болуы қауіпсіздікті арттырады, өйткені қорғаныс автоматының контактілері дәнекерленуі мүмкін. Бұл ретте ажыратқыштың болуы ақауды және оның ықтималдылығын төмендетеді, өйткені оның бір қызмет атқаратын жалғыз ажыратып-қосқышы бар.
  • Әсіресе, дәнекерлеу және пісіру жұмыстарын жүргізген кезде жұмыс орны тез тұтанатын материалдар мен құрылымдардан бос болуы тиіс.

Маңызды!
5 метрге дейінгі радиуста орналасқан заттарды алу мүмкін болмаса, оларды арнайы экрандармен қорғау қажет.

  • Егер жұмыстарға қабырғаны бұрғылау кіретін болса, электр сымдарды бөлменің ішіне орналастыру жоспарымен алдын ала танысу қажет. Егер жоспар болмаса, жасырын электр сымын анықтайтын аспаптарды пайдалану керек. Электр статикалық қағидат негізінде жұмыс істейтін аспаптар кернеуі бар сымдарды, оның ішінде ақаулы сымдарды анықтауға мүмкіндік береді. Электр магниттік аспаптар әлдеқайда дәл, бірақ олар тек ақауы жоқ сымдарды ғана анықтайды. Ең дәл аспап – аралас аспап, бірақ оның бағасы қымбат және қызметкердің білікті болуын талап етеді.
  • Жұмыс орнындағы жарық жақсы болуы тиіс. Нүктелі жарық түсіруге маңдай шамы жарайды, айналадағы кеңістікке жарық беру үшін табиғи жарық жеткілікті болады. Егер жұмыс тәуліктің қараңғы уақытында жүргізілсе, кеңістікте бағдарлану үшін күшті аккумуляторлы жарықдиодты шамды пайдаланған жеткілікті.
  • Әсіресе, жоғары кернеумен жұмыс істеген кезде жалғыз жұмыс істеуге болмайды. Серіктес адам денсаулыққа қауіп төндіретін жағдайларда алғашқы көмек көрсете алады.
2

Қандай қорғаныс құралдарын пайдаланған жөн: арнайы киім, құралдар

Жұмыстар жүргізіліп жатқан нысанды токсыздандыруға болмайтын жағдайларда қосымша құрылғылар арқылы қорғануға баса назар аудару керек. Сымның жоғары сапалы оқшаулануына сене бермеңіз.

1000 В дейінгі кернеу кезінде монтаждау үшін мыналар пайдаланылады:

  • латекстен немесе резеңкеден жасалған диэлектрлік қолғаптар, жұмыстар аязды күні жүргізілетін болса, диэлектрлік қолғаптардың астынан мақта-мата немесе жүн сияқты жылытқыш материалдан жасалған қолғап кию керек;
  • ылғал жоғары жерлерде және жерге тұйықталмаған металл тіреуіш болған жағдайда диэлектрлік кілемше;
  • диэлектрлік галош;
  • оқшаулағыш шалбар;
  • кернеу көрсеткіштері мен индикаторлары;
  • пластмасса қабықты, тұтқыштары бар құрал-саймандар; кабель тұтастырғыштары.

Кернеу 1000 В жоғары болған кезде монтаждау үшін кернеуі жоғары көрсеткіштер мен индикаторлар (КЖК) пайдаланылады; диэлектрлік бөкіс немесе тобықты етік; ток өткізетін ендірмелері бар костюм; оқшаулағыш тістеуік; кабель тұтастырғышы; оқшаулағыш қарнақ – бұлардың бәрі диэлектрлік қолғаппен бірге қолданылады.

Бұл ретте қорғаныс құралдары мен қолданылатын құралдардың іске жарамды екендігін тексерген маңызды:

  • нормативтік құжаттарда белгіленген оқшаулауды тексеру мерзімдері тексерілуі тиіс;
  • деформацияның жарық, шытынау және т.б. айқын белгілері болмауы тиіс.

Сапаға баса назар аудару керек, өйткені киім және басқа да қорғаныс құралдарын дайындаған кезде пайдаланылатын материалдар балқымауы тиіс, ал комбинезондар құрамында мақта-мақта мен полиэстер бар матадан тігілуі тиіс.

Электрмонтаждау жұмыстарына тікелей байланысты жарақат алу қаупінен басқа мынадай қауіп бар:

  • күйік алу,
  • механикалық соққы және химиялық жарақат.

Мұндай жағдайларға жол бермеу үшін мыналарды пайдаланған дұрыс:

  • қорғаныс көзілдірігі,
  • каскалар,
  • қорғаныс қалқаншалары.

Скачать pdf файлы