К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Кері

Перде ілгіш таңдаймыз

(10711 көрілім)
Қалай таңдау керек
Скачать pdf файлы
Скачать pdf файлы

Терезені пердемен безендірген кезде перде ілгіш керек болады, ол пердені бекітуді, сондай-ақ оның терезенің бойымен қозғалуын қамтамасыз етеді. Перде ілгіштің құрылымы тиісті элементтерге бекітілген, перденің соның бойымен қозғалуын қамтамасыз ететін бағыттауыштардан, төбеге немесе қабырғаға бекіткіштен, шектеу элементтерінен, бітеуіштер мен қақпақтардан тұрады.

Перде ілгішті таңдаған кезде мыналарды ескерген жөн:

  • интерьердің жалпы стилі, өйткені перде ілгіш — оның маңызды элементі;
  • перделерді орналастыру жүйесі (кенеп, тюль, ламбрекен қатарларының саны);
  • терезе геометриясы;
  • орнату ерекшеліктері (қабырғаға, төбеге, терезе жақтауына бекіту);
  • перденің сипаттамалары (салмағы, кенепті бекітудің қолданыстағы жүйелерін пайдалану мүмкіндігі).
1

Жалпы ережелер

  • бөлме кішкентай болса, терезені қарапайым әрі шағын безендірумен шектелген дұрыс;
  • қабырғаның бір бөлігін жауып тұратын перде перде ілгіштің айтарлықтай ұзын болуын талап етеді, бұл терезенің көлемін көзге үлкен етіп көрсетеді; терезенің көлеміне сай перде ілгіш оның көлемін көзге кішкентай етіп көрсетеді;
  • перде ілгіштің ұзындығы перде ашық тұрған кезде неғұрлым үлкен жарық саңылауын қамтамасыз етуі тиіс, бұл олардың тығыздығына қарай 60 см дейінгі қосымшаны талап етеді;
  • перде ілгішті төбеге орнату төбенің биіктігін көзге биік етіп көрсетеді.
2

Құрылымы жағынан перде ілгіштің бірнеше түрі болады.

Домалақ перде ілгіштің бағыттауышы, яғни диаметрі (1–3 см) белгілі құбыр кронштейннің көмегімен қабырғаға бекітіледі және ұштары декоративті бітеуіш домалақтармен жабдықталған. Өндірген кезде металл, ағаш, пластик қолданылады.

Қызметін кеңейту үшін мұндай перде ілгіш анағұрлым жеңіл матаны ілу үшін қосымша бағыттауышпен жабдықталуы мүмкін.

Жиһаз, еден немесе есіктердің түсіне сәйкес таңдалған ағаш перде ілгіштер дәстүрлі интерьермен жақсы үйлеседі.
Алюминийлі металл перде ілгіштер заманауи стильдерге, ал соғылған перде ілгіштер готика стиліне жарамды. Түрлі түсті пластик перде ілгіштері балалар бөлмесі мен асүйге қолданылады.

Профильді перде ілгіштерде бір, екі немесе үш жырашығы бар, металл (болат, алюминий) немесе қалыпталған пластик немесе құйма профиль бағыттауыш ретінде қолданылған.

Мұндай перде ілгіштердің құрылымы бекітудің, оның ішінде белгілі бір бұрышта бекітудің бірнеше түрін және қарапайым тұтасуды қамтиды, бұл оларды пайдалану мүмкіндігін кеңейтеді. Көлемінің арқасында білінер-білінбес бағыттауыштар төбе, жиһаз немесе есік түсіне сәйкес келетін ленталармен (блендтермен) сәнденуі мүмкін.

Шекті перде ілгіштерде ұштарындағы тіреуіштерге бекітілген арқан не болмаса сым бағыттауыш қызметін атқарады, бұл құрылымға білінер-білінбестік қасиет береді. Алайда мұндай перде ілгіш қалың матадан тігілген ауыр перделерге жарамайды.

Эркер үшін бұрын сипатталған перде ілгіштердің немесе лента тәрізді икемді пластик перде ілгіштердің бөліктерін пайдалануға болады. Эркер терезесіне арналған перде ілгіштің ұзындығын есептеген кезде жеке секцияның көлемін ғана емес, сондай-ақ олардың түйіскен бұрыштарын, эркердің құрылым ерекшеліктерін ескерген маңызды.

Матаны перде ілгішке бекіту үшін пластик және металл ілмектерді немесе қысқыштарды пайдаланады. Бірінші жағдайда перденің шетіне арнайы лента тігіледі. Екінші жағдайда лента қажет емес, бірақ қысқыш матаға із қалдыруы мүмкін.

Домалақ перде ілгіштерге матадағы домалақ саңылауларды сәндеп тұратын сақиналар – люверстер пайдаланылады.

Перде ілгішті қабырғаға бекіту кронштейндері ауыр мата ілініп тұрған перде ілгішті сенімді бекітуді қамтамасыз етуі тиіс. Кронштейннің қабырғадан бөлмеге дейінгі ұзындығы перденің терезе алды тақтайынан түсіп тұруын қамтамасыз етуі тиіс. Бір перде ілгішке есептегендегі кронштейннің жалпы саны ұзындығы 2,5 м перде ілгіште кемінде үш кронштейнді құрауы тиіс.

Қапсырып ұстайтын нәрселерді орналастыру үшін ілгектер қолданылады, бұл сәнділігі жағынан бітеуіш домалақтарға ұқсайды. Перде ілгіштің ұзындығын жалпы ережелерді ескере отырып таңдайды, бұл терезенің қарапайым геометриясы кезінде қиын емес.
Скачать pdf файлы
Клиентті қолдау