Асүйге арналған тұсқағазды қалай таңдау керек

• Қағаз тұсқағаздар беткі қабатты дайындауды қажет етеді және төзімді емес. Мұндай тұсқағаздар асүйге қолайсыз, алайда, оны плита мен раковинадан қашықта тұрған бір ғана қабырғаға желімдейтін болсақ, қолайлы болады..

• Көпіршіктенген винилден дайындалған асүй тұсқағаздарының бір ғана винилді жұқа қабаты бар, сондықтан олар да төзімділігімен және мықтылығымен ерекшеленбейді.

• Винил тұсқағаздарының екі қабаты бар: негізі – қағаз немесе мата, беті ПВХ үлдірімен қапталған. Асүйге жоғарғы қабаты тығыз материалдан дайындалған түрін таңдауға кеңес береміз. Мұндай тұсқағаздар ұзақ уақытқа жарамды, уытты емес, ылғал, жарық және грибоктың әсеріне төзімді..

Винил тұсқағаздары 7 рет бояғанға дейін жарамды.

• Компакт-винилді тұсқағаздар ыстықтай бедерлеу арқылы дайындалған және тас, былғары, тоқыма немесе фактуралық сылақ сияқты әртүрлі құрылымды болып келеді. Олар қабырғаны дайындауды қажет етпейді, ұзақ уақытқа жарамдылығымен ерекшеленеді, қабырғадағы ақаулар мен болмашы кедір-бұдырлықты тегістеп тұрады.

• Әйнек тұсқағаздары зиянды микроорганизмдердің түзілуіне және химиялық белсенді заттардың әсеріне төзімді. Олар антистатикалық, антиаллергенді, бу өткізбейді, өртке қауіпсіз, желімдеу үшін қабырғаны дайындауды қажет етпейді. 12 рет бояғанға дейін жарамды, сондай-ақ тұтыну қасиеттерін жоғалтпайды..

• Көлемі орташа асүйде ірі суреті бар тұсқағаздарды абайлап қолдану керек: ол бөлмені кішкентай етіп көрсетуі мүмкін. Бір түсті немесе ұсақ суреті бар тұсқағаздарды қолдану қолайлы шешім болады, олар кеңістікті кең етіп көрсетеді.

• Тік сурет немесе жолақтар төбені визуалды түрде «биіктетіп», ал бөлмені «тарылтып» тұрады. Көлденең суреттер ауданды ұлғайтып, биіктікті төмендетуі мүмкін. Қабырғадағы еңіс сурет немесе сызықтар интерьерге қарқындылық береді.

• Көз тартатын реңктер (ақшыл сары, ақсары, қызғылтым, сарғыш) жайлылық, кеңістікке жарық беріп тұрады. Салқын реңктер (көгілдір, сұр, көк, жасыл) бөлмеге салтанат әрі қаталдық, балғындық әрі салқындық беріп тұрады.