Бақша ұнтақтағышын қалай таңдау керек

1Ұнтақтағыштардың арналымы

Бақша ұнтақтағыштары үй жанындағы жерге жиналған өсімдік қалдықтарын (орташа бұталар, ағаштар, ескі жапырақтар, шөп) айтарлықтай сапалы әрі бағалы тыңайтқышқа жылдам әрі оңай өңдеуге мүмкіндік береді. Ұнтақтау нәтижесінде алынған жаңқаны жылытуға арналған отын ретінде пайдалануға болады. Бұл машиналарды пайдаланған айтарлықтай оңай және бұл бақша өсіруші адам үшін керемет көмекші.

Ұнтақтағыштардың бақшаның қалдықтары салынатын жүктеу бункері және пышақты қозғалысқа келтіретін қозғалтқышы бар. Бензин қозғалтқышы бар құрылғының қуаты жоғары және айтарлықтай қалың әрі мықты қалдықтарды өңдеуге қабілетті. Электр ұнтақтағыштар – экологиялық, шуылы аз және оған техникалық қызмет көрсеткен оңай. 

Ұнтақтағышты таңдауға жер телімінің сипаты да әсер етеді, өйткені әртүрлі агрегат тұрмыстық қалдықтың нақты бір түрін өңдеуге арналған әртүрлі кесетін тетіктермен жабдықталған. Олай болса, жуан бұталар немесе тікен бұталарға қарағанда жас, жұмсақ және ұсақ өсімдіктерді кесу үшін пышаққа, қозғалтқыш пен тетікке мүлдем басқа материал пайдаланылады.

2Жер телімінің сипаты: тың, аралас, үлкен

	ТЫҢ АУМАҚ Тың аумақта жерге түскен жұмсақ бұталар, көпжылдық өсімдіктердің қалдықтары, жаңа отырғызылған табиғи қоршаулар, гүлдер, көкөністер, шырмауық өсімдіктер мен бұталар болады.
Мұндай жер теліміне кесетін пышақ тетігі бар ұнтақтағыштар өте тиімді. Бұтаның қалыңдығының диаметрі 3 см аспауы тиіс. Ұнтақтағыштардың ең қарапайым модельдері 2 пышақпен жабдықталған.

АРАЛАС ЖЕР ТЕЛІМІ 

Аралас жер телімінде орташа өсімдіктерден басқа, бұталар мен кішкентай ағаштар өседі. Жерге жұмсақ, сондай-ақ қатты бөлшектер түседі, мысалы, қалыңдығы орташа бұталар, көпжылдық өсімдіктер, раушангүлдің, басқа да тікен бұталардың жапырақтары мен бұталары, сондай-ақ табиғи қоршауды қиғаннан кейін қалған қалдықтар. Ұнтақтағыштың міндеті – жер телімінің иесі үшін де, оның көршілері үшін де жағымсыз шуыл шығармай, жұмысты жылдамырақ жасау. 

Бұл аумаққа бұрамдықты беріліс тетігі немесе тісті, айналмалы қапсырма сақиналары бар ұнтақтағыш жақсы қызмет көрсете алады. Өңделетін бұталардың қалыңдығы 4 см аспауы тиіс.

ЕСКІ ЖЕР ТЕЛІМІ Ескі жер телімінде ескі өсімдіктердің саны көп болады. Сондықтан да ұнтақтағыштардың міндеті өте күрделі болмақ. Мұндай жер телімінің иегерлері жеміс ағаштарын, табиғи қоршауларды, тікен бұталарды кескеннен кейін қалған бұталар мен жапырақтарды, сондай-ақ жерге түскен қылқан жапырақты ағаштардың бұталарын, бүршіктерін өңдеуге мәжбүр. Ұнтақтағыш шуыл деңгейін төмендете отырып, қатты материалды жылдам ұнтақтауы тиіс.

Жоғарыда сипатталған жер телімі үшін кесетін білігі бар ұнтақтағыштарды пайдаланған жөн. Мұндай жағдайда материал ұнтақтағышқа өздігінен салынады да, ондағы бұталар ұнтақталып, кесіледі. Бұл құрылғы 5 см дейінгі бұталарды өңдей алады.

3Отын жарғыш

Тік, сондай-ақ көлденең түрлері болатын электр-гидравликалық отын жарғыштар анағұрлым танымал болып келеді. Бұл отын жаруға арналған станоктар десе де болады. Олар екі іс-әрекетті орындайды – бөренелерді шөркелерге бөледі және оларды отын қылып жарады. 

Отын жарғыштар күшейтетін жақтаудан, электр немесе бензин қозғалтқышынан, сорғы, цилиндр, жаратын пышақ және жұмыс істеген кезде барынша қауіпсіздікті қамтамасыз ететін бақылау элементтерінен тұрады. 

Тік отын жарғыштың көмегімен көлемі жағынан каминдерге және үлкен бойлерлерге жарамды отын жарасыз. Есіңізде болсын, шөркені құрылғыға салған кезде бақылау иінтірегін екі қолмен ұстап тұру керек. Бұл жарақаттануыңызға жол бермейді. 

Көлденең отын жарғыш ұстағыштармен қосымша жабдықталған, оның арасына шөрке салынады, осылайша жарақат алу қаупі төмендейді. Көлденең отын жарғыштың көлемі орташа болады, ол шағын әрі өте қуатты. Тік отын жарғышқа қарағанда ол дөңгелекпен жабдықталған, соның арқасында оны бір жерден екінші жерге қозғалтуға болады.