Тұсқағазды қалай желімдейді

1.Флизелин негізді тұсқағаздардыжелімдеу алдында бірінші жолақты дайындап алыңыз: қабырғаның биіктігін өлшеңіз (еденкемердің биіктігін есептемеңіз). Шеттерін кесуге артығымен 5-10 см қалдырып, орамнан белгіленген арақашықтықты өлшеңіз де, сызып алыңыз. Үлкен қайшыны қолданып, жолақты кесіп алыңыз.

2. Флизелин негізді тұсқағаздарды қалай желімдеу керек

Тұсқағаздардың суреті түйісуді талап етпесе, ұзындығын өлшеу үшін бірінші жолаққа беттеп, бірден бірнеше жолақты қиып алыңыз. Суреттің бағытын негізге алыңыз. Егер сурет түйісуі керек болса, жолақтарды жұмыстың орындалуына қарай қиып алуға кеңес береміз, бұл қате жібермеуге мүмкіндік береді. Әр жолақтың ұзындығына түйісуге қажет сурет қосып, суреттің бағытын бақылаңыз.

3. Тұсқағазды желімдеуді терезеден бастап, нөмірлерге сәйкес желімдеп шығыңыз (сызбаны қараңыз)

4. Тіктеуіштің көмегімен терезеден 50 см қашықтықта (жолақтың енінен 3 см алып тастаңыз) тік сызық сызыңыз. Жолақтарды суретін үстелге төмен қаратып қойыңыз. Қажетті консистенция алу үшін өндіруші көрсеткен пропорцияны сақтай отырып, желім дайындаңыз. Желімді қолданар алдында 10 минуттай ұстай тұрыңыз.

5. Щетканың көмегімен желімді жолақтың жартысына ортасынан шетіне қарай жағыңыз. Шеттерін жақсылап желімдеңіз.

6. Бүгілген жерін қатты баспай, жолақтың желімделген жартысын бүктеңіз.

7. Жолақтың екінші жартысын да осылай желімдеңіз. Жолаққа желім сіңу үшін жолақты аз уақыт солай қалдырыңыз (5-10 минут). Сіңу уақыты тұсқағаздың қалыңдығына байланысты.

1. Винилді тұсқағаздарды қалай желімдеу керек?
Жолақтың жоғарғы жағын қабырғаға желімдеңіз, төменгі бөлігін бүктеулі күйінде қалдырыңыз. Жолақтың шетін белгіленген сызық бойымен тегістеп шығыңыз, қабырғаның жоғарыға жағына 3-5 см артығымен қалдырыңыз.

2. Тұсқағазды қабырғаға басып тұрып, ауаны шығарып тастаңыз, тұсқағазды ортасынан шетіне щеткамен немесе құрғақ шүберекпен тегістеңіз.

3. Содан кейін желімделген бөлігін ұстап тұрып, жолақтың екінші жартысын ашыңыз, әйтпеген жағдайда ол төмен қарай сырғанап кетеді.

Төменгі бөлігін тегістеңіз.

ЖАПСАРЛАРЫН ӘРЛЕУ
Жолақтардың арасындағы жапсарлар білінер-білінбес болу үшін оларды білікшенің көмегімен тегістеңіз. Бедерлі тұсқағаздармен жұмыс істеген кезде оларды таза шүберекпен тегістеуге кеңес береміз, бедерлі суретке күш түсірмеуге тырысыңыз.

ШЕТТЕРІН КЕСУ
Төбенің, еденкемердің және т.б. бойында сызық түзу болу үшін тұсқағаздың шеттерін желім кеппей тұрып кесу керек. Қалақшаны шектегіш құрал ретінде қолдана отырып, тұсқағазды кескіш пышақпен абайлап кесіңіз. Пышақты көлденеңінен ұстаңыз, сонда қағаз айырылып кетпейді.

ТҰСҚАҒАЗДЫ ТӨБЕГЕ ЖЕЛІМДЕУ

Бұл жұмысты екі адам істегені жөн. Жолақты ені шамамен 40 см болатындай қатпарлап бүктеп алыңыз; оны швабраның көмегімен ұстап тұрыңыз. Бірінші жолақты бұрышынан бастап желімдеңіз де, беткі қабат бойымен қозғалта отырып тегістеңіз. Жапсарлары болмашы ғана байқалып тұруы үшін жолақтарды терезеге перпендикуляр етіп орналастыруға кеңес береміз.

ТҰСҚАҒАЗДАРДЫ РАДИАТОРДЫҢ АРТЫНА ЖЕЛІМДЕУ

Радиаторды алу мүмкін болмаса, құбырлар мен бекітілген радиатор келіп тұрған жерлердегі тұсқағаздарды қиыңыз. Тегістеу үшін ПВХ түтікшесін немесе таза шүберек оралған картон киілген швабраны қолдануға болады. Швабраны радиатордың артына түсіріп, тұсқағаз қабырғаға мықтап желімделетіндей тегістеңіз. Тұсқағаздар мен радиатордағы желімнің қалдығын сүртіңіз.

1. Жолақты тұсқағаздың шеті көрші қабырғадағы бұрышқа сәл кіріп тұратындай етіп желімдеңіз.

2. Келесі жолақты алдыңғы жолақ оны бірнеше сантиметрге жауып тұратындай етіп желімдеңіз. Бұл жолақты тегістеу үшін тіктеуішті қолданыңыз.

3. Сызғышты пайдалана отырып, макетті пышақпен желімделген тұсқағаздың екі қабатын кесіңіз. Айырылып кетуге жол бермес үшін тұсқағазды сызғышпен қатты басып, кесілген шетін алып тастаңыз.

4. Кесілген екінші шетін алып тастау үшін тұсқағаздың шетін көтеріңкіреп, жапсарын тегістеңіз. Жаңа жағылған желімнің қалдығын сүртіп алыңыз.

ТҰСҚАҒАЗДАРДЫ РОЗЕТКА МЕН АЖЫРАТҚЫШТАРДЫҢ АЙНАЛАСЫНА ЖЕЛІМДЕУ

Электрді өшіріп, розеткалар мен ажыратқыштардың қақпақтарын алып тастаңыз. Тұсқағаздың қораптың ортасына қарама-қарсы жағын айқыштап кесіңіз. Тұсқағаздың шеттерін қораптың ішіне бүгіп, қақпағын орнына қойыңыз.

ЖИЕКТЕМЕНІ ЖЕЛІМДЕУ

1. Есіктің немесе терезенің айналасына жиектемені желімдеу кезінде жолақтар бір-бірін жауып қалмайтындай етіп желімдеңіз (суреттің жапсарын сақтаңыз). Пышақ арқылы тұсқағаздың екі қабатын кесіп, қиындыларын алып тастаңыз. Жаңа жағылған желімнің қалдығын сүртіп алыңыз.

2. Жиектемені қабырғаның ортасына желімдеу кезінде тұсқағаз желімделген қабырғаға қарындашпен көлденең сызық сызыңыз (деңгейді пайдаланыңыз). Жұмыс істеген кезде осыны негізге аласыз.