Қаптау тақтасы арқылы қалай әрлеуге болады

1 Материалдарды таңдау

Қаптайтын тақталарды таңдауға эстетикалық талаптар (түсі, түрі, көлемі) ғана емес, қаптауға арналған қабырғалардың орналасқан жері де әсер етеді.

Сондай-ақ жіктерді бітеуіштерді таңдау қабырғаның орналасқан жеріне байланысты болады. Сыртқы қабырғаларға ылғал өткізбейтін бітеуіштерді пайдалану керек.

2 Қаптау тәсілін таңдау

	Онша қалың емес және салмағы аз тақтамен әрлеуді қабырғаның жоғарғы бөлігінен бастау керек. Бұл төбенің астына тек бүтін тақталарды пайдалануға мүмкіндік береді.
	Қабырғаны қалың және ауыр тақталармен әрлеуді қабырғаның төменгі жағынан бастау керек. Төменгі жіктерді түзу үшін сыналарды пайдаланыңыз.

Тақталарды бекер кеспейтіндей етіп орналастыруға да болады. Тақталарды қабырғаның биіктігі бойына қойып, өлшеп көруге болады, оларды әрі-бері ауыстырып, жігінің қажетті жалпақтығын таңдап алыңыз.

Тақталарды кесу

Клинкерлік тақталар бұрыштық ажарлау машиналарының көмегімен кесіледі.
Бетон тақталарды кесу үшін циркулярлы араны немесе бұрыштық ажарлау машинасын пайдалануға болады.
Гипс тақталарын қол арасымен кесу керек.

3 Негізді дайындау

	Қаптауға арналғана негіз тегіс әрі таза болуы тиіс. Егер қабырға гипс блоктарынан немесе гипсқатырма табақтарынан жасалса, қаптау тақталарының негізбен тұтасуын күшейту үшін жырашық жасау керек.
	Егер бетон қабырғаларын ыстық ауа райында қаптайтын болсаңыз, тақта мен негіз жақсылап тұтасу үшін қабырғаны сулауға кеңес береміз.

Бетон блоктарынан жасалған қабырғаларды қаптау алдында беткі қабаттың сапасын тексеруге кеңес береміз, қажет болған жағдайда қабырғаны тегістейтін материалмен тегістеңіз. Сондай-ақ қабырғаны сылап тастасаңыз (негізді гидрооқшаулау) да болады.

4Қажетті өлшеулер

	1. Қабырғаның беткі қабатына реперлік көлденең сызық сызыңыз, олардың арақашықтығы жіктердің енін (1-2 см) ескергенде, үш қатар тақтаның биіктігіне сәйкес келуі тиіс.
Қабырғаның аздаған аймағын қаптау үшін деңгей мен сызғышты пайдаланған жеткілікті. Ауқымды беткі қабаттарды қаптау кезінде сызық белгілеу үшін құрылыс баусымын пайдаланыңыз.
2. Жеңіл тақтамен қаптауды жоғарғы жақтан бастаңыз, ал ауыр тақталармен қаптауды төменнен жоғарыға қарай жасаңыз.
3. Егер қабырғада қаптау тақталарын (есіктер, терезелер және т.б.) ерекше орналастыруды қажет ететін құрылымдық элементтер болса, жұмысты бастамас бұрын жұмыс нобайын сызып алыңыз.
Қаптау нобайы нұсқаларының бір түрі	Нобайдың басқа түрі
Тақталардың арасындағы жік терезенің немесе есіктің оң және сол жағынан бір деңгейде болуын бақылаңыз.

5 Қаптау

Жеңіл тақтамен қаптау плитками

	1. Тісті қалақтың көмегімен желімді негізге жағыңыз. Бетоннан басқа кез келген негіз түріне арналған паста тәрізді желімді пайдаланыңыз.
	2. Желімді тақтаның 3-4 қатарына сәйкес келетін беткі қабатқа біркелкі етіп жағыңыз (беткі қабаттың ауданы 0,5 м2 аспауы тиіс).
Қабырғаның кедір-бұдыр жерлерін желім қабатын көбейту арқылы түзетуге болады, бірақ желім қабатының қалыңдығы 10 мм аспауы тиіс.
	3. Тақтаны қатар-қатар орнатыңыз (А).  Ығыстырылған қатар түрінде қалау үшін әрбір екінші қатарды жартылай кесілген тақтадан бастаңыз (В). Әр тақтаны қабырғаға мықтап бекітіңіз, негізбен жақсылап тұтасу үшін оны аздап жоғары-төмен қозғалтыңыз. Жұмыс жасалған сайын, жаңа реперлік сызықтар сызыңыз. Жұмысты осылай жалғастыра отырып, қаптауды қабырғаның төменгі шетімен аяқтаңыз. 4. Өлшемнің көмегімен тік жіктердің, деңгейдің көмегімен көлденең жіктердің тегістігін үнемі тексеріп тұрыңыз, желімнің орташа құрғау уақыты шамамен 30 мин екендігін есіңізден шығармаңыз.
	5. Бұрыштарды қаптау кезінде бұрыштық тақталардан бастаңыз.
	6. Жұқа тақталармен қаптаған кезде жіктерді әрлеп бітеу міндетті емес. Қаптаған кезде жіктерді саусағыңызбен, қылқаламмен тегістеген немесе тақталардың арасындағы желімнің артығымен бітеген жеткілікті. Ал егер жіктерге арналған бітеуіштерді пайдалануды жоспарласаңыз, жұмыс барысында тақталардың арасындағы артық желімді алып тастаңыз.

Ауыр тақтамен қаптау

	1. Негіздің беткі қабатына, содан кейін тақтаның артқы жағына арнайы цемент қоспасын жағыңыз.  2. Қаптауды қабырғаның төменгі жағынан бастаңыз. Тақтаны қабырғаға мықтап итеріңіз.
	3. Тақталардың арасындағы саңылауларға қалыңдығы шамамен 2 см тең ағаш қазықша толтырыңыз, бұл тақталардың сырғанап кетуінің алдын алады және жіктерді тегістеуге көмектеседі.

4. Цемент қоспасын құрғатуға қажет 24 сағат өткеннен кейін қазықшаны алып тастап, жіктерді бітеуді бастаңыз. Жіктерді тегістеуге арналған бір қап қоспаны бір литр суға араластырып, біртекті, айтарлықтай қою масса алыңыз.

	5. Алынған қоспаны шеті кесілген қалташаға салып, тақталардың арасындағы жіктерді толтыру үшін оны сығыңыз. Егер қоспа тақтаға тиіп кетсе, оны бірден сүртіңіз (трафаретті пайдалану ластану қаупін арттырады). Артық желімді және қалақшаны пайдалана отырып, жіктер толған сайын оның жігін тегістеңіз.
	6. Шамамен 30 метрді өңдегеннен кейін жікті артық желіммен немесе қылқаламның кері жағымен түзетіңіз, қоспаның артығын алып тастаңыз (жікті бітеуге арналған қоспаны жаққаннан кейін екі сағат өткен соң ол қатып қалады, оны өңдеу мүмкін болмайды).

7. Егер "рустик" стилінде қаптағыңыз келсе, жікті аздап дымқыл қылқаламмен тегістеңіз.

Кеңестер
Беткі қабаттың түсі біртекті болу үшін бірмезгілде әр қаптамадағы тақталарды пайдаланыңыз.
Қаптағаннан кейін тақтаның беткі қабатын су жұқпайтын қоспамен өңдеңіз.
Розеткаға немесе ажыратып-қосқышқа саңылау жасауға арналған белгі жасауды ұмытпаңыз. Бұл саңылауды іші қуыс бәрбіні (қатты зат беттеріне) немесе электрмонтажды қаптаманы пайдалана отырып, тесе аласыз.

6 Бірегей өрнекті қалай жасауға болады

Ерекше қаптау өрнегін жасау үшін алдымен үлкен табаққа тақталарды пайдалана отырып, ерекше өрнек жасаңыз, содан кейін контур жүргізіп, көшірме қағаздың көмегімен суретті қабырғаға ауыстырыңыз.	Бір тақтаны пайдалана отырып, жіктің түсін ауыстырып, әртүрлі өрнек жасауға болады.

Кеңес
Гипсқатырма панельге тас желімдеген кезде дайын қоспаларды пайдаланыңыз.
Кеңес алу үшін біздің сатушыларымызға жүгініңіз.