Мансардты қалай жылыту керек

1Жылытқышты таңдау

Жылытқышты таңдау

Мансардты қалай жылытқан дұрыс екендігін білесіз бе? Жылытудың анағұрлым жарамды түрін таңдау үшін жұмысты бастар алдында мынадай факторларды ескеруге кеңес береміз:

А. Жылытқышты климатқа сәйкес таңдау

Құрамы мен тығыздығына қарай әр жылытқыштың жылу беретін белгілі бір коэффициенті болады. Сіздің өңіріңізге арналған нормативтің қандай екенін білу үшін сатушы-кеңесшілерімізге жүгініңіз. 

Б. Жылытқышты шатыр тіреуішінің түріне сәйкес таңдау
Оқшаулау материалын және оны бекіту тәсілін таңдау шатыр тіреуішінің арақашықтығына, олардың қалыңдығы мен орналасуына байланысты.

В. Жұқа жылытқыштардың арқасында орын көп болады
Дәстүрліге қарағанда, анағұрлым жұқа оқшаулау материалдарын пайдалана отырып, қосымша кеңістіктен ұтуға болады.

Г.  Ішкі немесе сыртқы оқшаулау
Бөлмені жөндеу кезінде негізінен, оқшаулауды классикалық тәсілмен орнатады, оқшаулау материалдарын жабынның құламасының астына бекітеді. Ғимаратты салған кезде оқшаулау панельдерін құрылым элементтеріне тікелей орналастыруға болады, оған жабынды бекітуге арналған төсемдер (жабынқыш, шифер және т.б.) салынады.

Назар аударыңыз
Оқшаулау материалдары осы буклетте берілген түрлермен шектелмейді. Ерекше жағдайларға арналған басқа, онша танымал емес жылытқыштар да бар.

2Дайындау

Ылғалға төзімсіз төсем	1. Құрылым элементтерінің жай-күйін тексеріп, қажет болған жағдайда оларды өңдеңіз, өйткені оқшаулау материалын жаққаннан кейін бұл мүмкін болмайды.
Ылғалға төзімді төсемі бар	2. Оқшаулау материалы ретінде қалыңдығы әдеттегі минералды мақта пайдаланылған жағдайда мансардты қалай жылытуға болады? Мұндай жағдайда ылғалдың талшыққа енуіне және оның жылуды оқшаулайтын қасиеттерінің өзгеруіне жол бермес үшін ылғалды-суды оқшаулайтын материалдарды немесе алюминий фольгасын пайдаланған жөн. Ылғалға төзімді төсемді үйдің жылытылатын бөлігімен қосу керек.
3. Егер минералды мақта екі қабаттап салынса, ылғалға төзімді төсемді жылытқыштың екі қабатының ортасына салмаңыз. Минералды мақта тақталары құрылым элементтеріне бекітілген жағдайда оларды кеспеңіз.
	4. Құрылым элементтерінің шіруіне және жабынқыштың зақымдануына жол бермес үшін жылытқыш пен шатырдың арасына (жабынқыш пен жылытқыштың арасына немесе жабынның негізі мен жылытқыштың арасына немесе шатыр табақтарының ішкі беткі қабаты мен жылытқыштың арасына кемінде 2 см) саңылау қалдырыңыз.
	5. Минералды мақтаны тығыздаудың қажеті жоқ, өйткені бұл оның жылу оқшаулайтын қасиетін нашарлатады. 6. Жылудың шығындалуына жол бермес үшін оқшаулайтын панельдер бір-бірімен жалғануы тиіс (панельдерді бекіту үшін жабысқақ қағаз таспаны немесе алюминий фольгасын пайдалану керек).
7. УЖылыту дегеніміз тығындап бітеу емес: жылу оқшаулау тиімді болу үшін шатырдың жоғарғы және төменгі бөліктерінің әрбір 10-15 м2 бір вентиляциялық саңылау жасау қажет. Вентиляциялық саңылаулар төмендегідей шахмат тәртібімен орналасуы тиіс:

3Бекіту

Бекіту

1. Шатыр тіреуіш әдеттегідей орналасқан жағдайда
Экструдирленген полистрол  

Бекітудің екі түрі бар:

	Шегенің көмегімен: Панельді шатыр тіреуішке 30 см сайын мырышталған немесе тот баспайтын шегелермен немесе үлкен қалпағы бар бұрама шегелермен бекітіңіз. Шатыр тіреуіштердің арақашықтығы тым үлкен болса, арасына кесек шегелеп, панельді соған бекітіп қойыңыз.
	Қапсырманың көмегімен: Қапсырманы шатыр тіреуішіне тақап, панельді қапсырмаға салыңыз да, қапсырманы мырышталған шегелермен немесе үлкен қалпағы бар бұрама шегелермен бекітіңіз. Екінші панельді біріншінің қимасына салып, қапсырманы екінші панельге бекітіп, шегелеңіз.

2. Шатыр тіреуіш бірқалыпты орналаспаған жағдайда
A) Минералды мақтадан дайындалған жылытқышты 2 қабаттап бекіту технологиясы

•1-ші қабат: шатыр тіреуіштерінің арасына орналастыру оңай болу үшін үшбұрыштарға кесілген, қабығы бар тығыз минералды мақтадан жасалған панельдер. Ені жағынан шатыр тіреуіштің арақашықтығына сәйкес келетін панельдерді таңдаңыз (вентиляция үшін 2 см саңылау қалдырыңыз). Суретте көрсетілгендей шатыр тіреуішінің арасына екі үшбұрышты панельден қойып шығыңыз. Артық бөліктерін кесіп алыңыз, оларды тастамаңыз.
•2-ші қабат: қабығы бар, тығыз минералды мақтадан жасалған панельдер
Назар аударыңыз! Таспаның көмегімен алдын ала алға шығып тұрған шатыр тіреуішін белгілеп алып, орташа ағаш төсем қойып, қалған шатыр тіреуішті сол бойынша теңестіріңіз. Шатыр тіреуіштегі қапсырмаларды бір-бірінен 59 см арақашықтықпен (гипсқатырма тақтасын орналастыруға қажет арақашықтық) бекітіңіз. Бекіткіштердің көмегімен минералды мақтадан жасалған тақтаны бірінің үстіне бірін орнатыңыз. Үйдің (бөлменің) жылытылатын жағындағы құлама биіктігінің бойымен төменнен бастап ылғалға төзімді төсем желімдеңіз. Жіктердің бәрін жабысқақ таспамен желімдеңіз.
а) Гипсқатырма тақталармен әрлеу Қаптауға арналған арнайы бекіткіштерді орнатып, тақталарды бекітіңіз       б) Қабырғаларды қаптау Кесектерге арналған арнайы бекіткіштерді орнатыңыз (27*40 мм немесе 40*40 мм).
Металл жолақтарға немесе кесектерге арналған бекіткіштер бұралып орнатылады. Содан кейін оларға металл жолақтар (1) немесе ағаш кесектері (2) бекітіледі.

Б) жұқа жылытқышты бекіту технологиясы

Қалыңдығы 25 мм жылытқыш бөлмедегі орынды үнемдеуге мүмкіндік береді.

Әрлеу материалын бекітудің 2 тәсілі:

а) Қабырғаны қаптау Қайшымен материалды ені шатыр тіреуіштің арақашықтығына сәйкес келетін жолақтарға кесіңіз, қапсырма үшін әр шетінен 3 см қосыңыз. Шатыр тіреуішке қаптауға арналған кесектерді бір-бірінен 40 немесе 60 см арақашықтықпен бекітіңіз, арасындағы саңылау вентиляцияға қажет. (Кесектерді қосар алдында шатыр тіреуіш жазықтығын ағаш төсемдермен тегістеңіз). Қаптауды бекіту ыңғайлы болу үшін бекітетін қапсырмаларды пайдалануға болады.

б) Гипсқатырма тақталармен әрлеу Әр шатыр тіреуішке шатырдың құламасынан бастап бір-бірінен арақашықтығы 1 м болатын, ұзындығы 5-6 см бекіткіш орнатыңыз. Герметикалығын сақтау үшін жылытқыш жолақтарын айқастырып орналастырыңыз (5 см). Бекіткіштерді тауып, жылытқышты олардан асырып кесіңіз. Бекіту үшін металл жолақтарды орнатыңыз, содан кейін оған гипсқатырма тақталарын бекітіңіз.

Назар аударыңыз! Мансардты жылытқан кезде оқшаулағыш материалдарды пайдалану керек. Шатыр материалдары мен жылытқыштың арасына ылғалды-буды оқшаулайтын материалдарды төсеу керек. Бөлме жағынан буды оқшаулайтын материалды пайдалану керек.

Шатырды жасаған кезде оны жылыту

Кесектерге немесе шатыр тіреуішке тікелей бекітуге болатын дайын панельдерді пайдаланудың арқасында жылу оқшаулаудың жоғары деңгейдегі бұл тәсілі мүмкін. Құрылыс барысында жылу оқшаулау және әрлеу жұмыстарын біріктіруге болады, бұл кеңістікті және жұмыс уақытын үнемдеуге мүмкіндік береді. Шатырдың астына негіз салып, шатырды (жабынқыш, шифер және т.б.) төсеу ғана қалады.