Кері

Пвх суағарын қалай орнату керек

(5510 көрілім)

Қалай істеу керек

Скачать pdf файлы

1Суағар құрылғысы

2 Суағардың тереңдігін таңдау

Суағардың тереңдігі шатыр құламасының ауданына байланысты болады..

Ауданы	^{Кемінде 35 м2}	35 до м²	^{80 м2 жоғары}
Тереңдігі	16 см	25см	33 см
Құбырдың диаметрі	50/60 мм	80 мм	100 мм

3 Бекіту тәсілдері

Суағарды бекітуді бірнеше тәсілмен іске асыруға болады. Өзіңіздің шатырыңызға жарамды түрін таңдаңыз


шатырдың карнизіне тікелей бекітуге арналған белдік карниз кронштейні	шатыр тіреуішінің жоғарғы беткі қабатына бекітуге арналған өзек + кронштейн	шатыр тіреуішінің бүйірлі беткі қабатына бекітуге арналған иілген өзек + кронштейн	жабынқышқа бекітуге арналған жабынқыш қапсырмасы + кронштейн шифер шатырға бекітуге арналған шифер қапсырмасы + кронштейн

4Шифер қапсырмасы

	1. Суағарды шатырдан аққан су оған ағатындай орналастыру керек. 2. Тіктеуіштің көмегімен ағатын судың қақпағынан жоғары тік бағыт бойынша орналасуы тиіс науаның шұңқыры орналасатын жерді белгілеп алу керек. Бұрыштарының орналасатын жерлерін белгілеп алу керек. Суағардың құрамдас бөліктері судың ағуын қамтамасыз ету үшін бір метрге 5 мм еңісті сақтай отырып (еңісті кронштейн белгілейді) бекітіледі. Бір шұңқырға ұзындығы 12 м аспайтын суағардың бөлігінен су келіп түседі.
3. Шұңқырға қатысты ең биік жерде орналасқан кронштейнді орнатыңыз. 4. Баусымның және деңгейдің көмегімен осы кронштейннен басталатын көлденең сызық сызыңыз. Еңісті есептеп, еңіс сызығын сызыңыз. 5. Ең төменгі кронштейнді орнатып, екі шеткі кронштейннің арасына баусым тартыңыз.
	6. Еңіс сызықтың бойымен орташа кронштейндерді бір-бірінен 40 см аспайтын арақашықтықта орнату керек. 40 см тең арақашықтықты сақтау мүмкін болмаса, жалғастырғыш енсіз жұқа тақтайды пайдаланыңыз.

5 Суағардың көлденең бөліктерін бекіту

	1. Жерге суағардың барлық бөлшектерін жайыңыз. 2. Профильді науаны қажетті ұзындықтағы бөліктерге бөліңіз.
	3. Суағардың бөлшектерін өзара жалғастырыңыз (арнайы жалғастырғыштар пайдаланылған жағдайда) немесе оларды ПВХ арналған арнайы желіммен желімдеңіз (егер суағар желімделген жағдайда). Екінші жағдайда желімдеу алдында желімделетін беткі қабаттарды тазарту керек. 4. Ысырманың көмегімен науаларды кронштейндерге бекітіңіз. (Алдымен кронштейнге артқы шетін бекітіңіз (а), содан кейін оған профильденген шетін итеріңіз (b)).
Кронштейндердің жалғанған жерлерге немесе шұңқырлар орналасқан жерге сәйкес келіп қалмауын тексеріңіз. 5. Науаның бітеуішін орнатыңыз.

6Суағарды орнату

1. Суағар құбырды шұңқырдың астына, тік қалпында орнатыңыз. Суағар құбырды науаға жалғау үшін S әрпі түріндегі қимаға жалғанған суағар тармағын пайдаланыңыз.

2. Құбырдың қабырға бойымен тік орналасуын сақтау үшін тіктеуіш пен бұрышты пайдаланыңыз.

3. Қамыттардың орналасуын белгілеу үшін суағар құбырларын жалғаңыз. Жоғарғы қамыт құбырлардың сырғанап кетуіне жол бермес үшін бірінші жалғанған жерде тұруы тиіс. Шамамен 1 метрдей интервалды сақтай отырып, әр жалғанған жердің астында орналасқан басқа қамыттың орналасуын белгілеңіз.

4. Қамыттарды қабырғаға дюбельдердің немесе бекіткіш табанның көмегімен бекітіңіз. Суағар құбыры қабырғадан шамамен 2 см арақашықтықта орналасуы тиіс.

5. Суағардың келте құбырын люкке жалғаңыз, бірақ оны бекітпеңіз, судың тұрақты түрде құйылуын бақылау үшін осылай қалдырыңыз. Ағатын су люкке, дренажды арыққа, науаға немесе жауын-шашын суы жиналатын жүйеге келіп түседі.

7Қосымша кеңестер

Жауын-шашын суын жинап, үнемдеңіз…

Суағар құбырын шұңқырға желімдемеңіз, бұл бітелген жағдайда (мысалы, жапырақпен немесе құстың ұясымен) жалғанған жерді оңай бөлшектеуге мүмкіндік береді.

Шатыр ағаштың маңында орналасса, құбырды жапырақ бітемес үшін жапыраққа арналған торды немесе ұстағышты орнатқан жөн. Егер үй теңіз деңгейінен 900 метрден аса биіктікте орналасса, металл суағар пайдалануды ұсынамыз, өйткені аязды күндер ұзаққа созылған жағдайда ПВХ осал болады.

Скачать pdf файлы

Клиентті қолдау