Түтіндікті қалай жинау керек

1Түтіндікті жобалау мен құрастырудың жалпы ережесі

Түтіндікті жобалау және монтаждау қолданыстағы нормативтік ережелерге сәйкес орындалады:

СНжЕ 41-01-2003; ВДПО (ЖҰМЫС ӨНДІРІСІНІҢ, ПЕШТЕР МЕН ТҮТІНДІК АРНАЛАРЫН ЖӨНДЕУ ЖҰМЫСТАРЫНЫҢ ЕРЕЖЕСІ); СЕ 7.13130.2009.

Түтіндіктің міндеті — жанған заттарды жою және жануға күш беру үшін қалыпты тартылысты қамтамасыз ету. Тарту деңгейі түтіндік арнасының биіктігі мен түтіндіктің диаметріне байланысты.

Түтіндікті орнатқан кезде мынадай ережелерді сақтау керек:

• Түтіндіктің жылытқыш құрылғыдан оның басына дейінгі биіктігі кемінде 5 м болуы тиіс.
• Түтіндіктің атшадан / жақтаудан биік болуы сызба бойынша анықталады (1-сурет).

• Түтіндіктің көрші ғимараттардың жақын жерде орналасқан шатырлардан биіктігі кемінде 1,5 метр болуы тиіс.
• Егер түтіндік шатырдан 1,5 метрге және одан да биік болса, оны кергінің көмегімен қосымша бекіту керек (2-сурет).
• Түтіндіктің құрылымында түзілген конденсатты жоюға арналған конденсатты бұрғышы бар бітеуіш және / немесе түтіндік арнасын тазалауға және қызмет көрсетуге мүмкіндік беретін ревизия болғаны дұрыс

• Шатыр жанғыш материалдармен жасалса, түтіндікке ұяшығы 5 х 5 мм аспайтын тордан жасалған ұшқын ұстағыш орнатқан жөн.
• Түтіндікті жобалау және құрастыру кезінде түтіндіктің диаметрін тарылтуға болмайды, бірақ оны кеңейтуге болады (Мысалы, түтіндіктің шығу диаметрі 115 мм болатын жылыту пешінің түтіндігін құрастыру үшін қимасы 110 мм түтіндікті пайдалануға болмайды, бірақ 115 мм-ді 120 мм-ге жалғастырғыш тетікті пайдалана отырып, 120 мм түтіндікті пайдалануға болады).
• Түтіндіктің көлденең бөлігінің ұзындығы 1 метрден аспауы керек.
• Түтіндік элементтерінің қосылған жерлері төбе және жабық өтетін жерлерге, қабырғадағы өтетін жерлерге сәйкес келмеуі мүмкін.
• Бұрғыштар мен үш тармақтарды олардың үстіне орнатылған түтіндік элементтерінің салмағын көтере алатындай орнату керек.

2Түтіндікті құрылымдау және монтаж элементтерін есептеу

ТҮТІНДІКТІҢ ДИАМЕТРІ. Түтіндіктің диаметрі жылытқыш құрылғының шығыс саңылауының диаметріне тең немесе одан үлкен болуы тиіс. Бір диаметрден басқа диаметрге өткен кезде диаметрі сәйкес келетін «Жалғастырғыш тетік» элементі пайдаланылады.

ҚҰБЫР ТҮРІН ТАҢДАУ. Қарапайым құбырды немесе жылытылған құбырды пайдалану түтіндіктің орналасқан жеріне байланысты. Қарапайым құбырлар жылытылатын бөлмелерде ғана қолданылады. Жылытылған құбырлар жылытылатын және жылытылмайтын бөлмелерде, ғимараттың сыртында пайдаланылады. Жылытылатын ғимараттарға қарапайым және жылытылған құбырды таңдау ісін тұтынушы өзі таразылайды, олардың бағасын, өрт қауіпсіздігі мен пайдалану жайлылығын салыстырады. Түтіндіктің қарапайым құбырын жылытылған құбырға жалғастыру үшін «Жылытылмағаннан жылытылғанға жалғастырғыш» пайдаланылады.

ТІРЕК АУДАН. «Консолды кронштейн» тірек ауданы пайдаланылған немесе пайдаланылмаған түтіндіктің құрылымын таңдау жылытқыш құрылғының құрылымына және түтіндіктің орналасуына қарай анықталады.

Тірек аудансыз тек қана жылытқыш құрылғыға тікелей тірелетін түзу тік түтіндікті ғана пайдалануға болады. №3 сурет.

Басқа жағдайлардың бәрінде «Консолды кронштейн» тірек ауданын пайдалану керек. 4, 5, 6-суреттер. «Консолды кронштейн» көтергіш элементінің орналасуы түтіндіктің биіктігі бойында 5 метр сайын болуы тиіс, одан сирек болмауы керек.

ТҮТІНДІКТІ БҰРУ. Түтіндіктің бағытын өзгерту үшін «Бұрғыш немесе 45 не 90 градусқа жылытылған бұрғыш» пайдаланылады

КОНДЕНСАТТЫҢ ЖИНАЛУЫ ЖӘНЕ ТҮТІНДІКТІ ТАЗАЛАУ. Түтіндіктегі конденсатты алу және түтіндікті тазалау үшін «Конденсатты бұрғышы бар бітеуіш» немесе «Бітеу бітеуіш» элементі бар «Үш тарам немесе 45 немесе 90 градустағы жылытылған үш тарам» пайдаланылады.

ТӨБЕ АРҚЫЛЫ ӨТУ. Егер түтіндік төбе арқылы өтсе, «Төбе арқылы өтетін жылытылған» элементті пайдалану керек. Ол төбенің қалыңдығынан 70 мм қалың болуы тиіс.

МАҢЫЗДЫ

• Кейбір жылу өндіретін құрылғыларда (пештерде, қазандарда) шығарылатын газдардың температурасы жоғары болуы мүмкін. Бұл құрылыс құрылымдарын қосымша оқшаулауды және өрт қауіпсіздігін қамтамасыз ету үшін төбеден өтетін торапты жеке пысықтауды қажет етеді. Түтіндікті пайдалану барысында «Төбе арқылы өтетін жылытылған» элементтің сыртқы беткі қабатындағы температураны бақылау керек, қажет болған жағдайда оқшаулау қабаты шөгіп қалса, оны толтыру керек.
• Түтіндіктің беткі қабаты пайдалану кезінде қызады. Түтіндікті жанғыш материалдардан жасалған құрылыс құрылымдарының қасынан өтсе, оларды 50°С-тан жоғары температурада қыздырмауы керек (МемСТ Р 53321-2009, 4.39.8-т.).

ШАТЫР АРҚЫЛЫ ӨТУ. Түтіндік шатыр арқылы өтсе, «Шатыр арқылы өту» немесе түзу не болмаса бұрыштық «Шатырға арналған резеңке тығыздауыш» элементін пайдалану керек. Түтіндікті шатыр арқылы монтаждау кезінде қолданыстағы құрылыс нормалары мен өрт қауіпсіздігінің ережесін сақтау қажет.

ТҮТІНДІКТІ АЯҚТАУ. Түтіндікті аяқтау үшін «Шатыр» немесе «Жылытылған шатыр» сияқты стандартты элементтер пайдаланылады.

МАҢЫЗДЫ
- Газ негізді жылытқыш құрылғыларда түтіндіктің беті ашық болуы керек!

ТҮТІНДІКТІ БЕКІТУ. Бекіткіш түтіндіктің майысуына және желден немесе салмағына байланысты жылжып кетуіне жол бермеуі керек. Ол үшін «Қабырғаға бекіткіш» элементі пайдаланылады, оны мынадай есеппен орнату керек: түтіндіктің әрбір 2 метріне 1 бекіткіш.

Қажетті элемент санын есептеу үшін жоғарыда көрсетілген ережелер мен ұсыныстарды ескере отырып, түтіндіктің сызбасын сызыңыз. Бұрғыштар мен үш тармақтардың түзу сызықты аймақтарының саны түтіндіктің орналасу сызбасы және оның құрылымы бойынша анықталады. Түтіндікті құрастырудың типтік сызбалары 3 – 6 суреттерде көрсетілген.

3Түтіндікті құрастыру

• Түтіндікті орнату төменнен, жылытқыш немесе қыздырғыш құрылғыдан жоғары басталады. Тартуды реттеу үшін түтіндікке «Шибер» элементін орнатыңыз.
• Конденсат пен шайыр қалдықтары сыртқа шықпас үшін түтіндіктің элементтерін «конденсат» бойынша жинауды ұсынамыз.
• Құбырлар мен басқа да элементтердің (бұрғыштар, үш тарамдар және т.б.) жапсарласқан жерлері термотөзімді мастика-герметикпен тығыздалуы тиіс, қондырғы келте құбырдың тереңдігінде өзара мұқият қосылып, ӘР қосылысы «Қамыт» элементімен бекітілуі тиіс.
• Монтажын жасап болғаннан кейін сынақтан өткізіп жағып көру керек, тексеру барысында жапсарлардың герметикалығын тексеру керек, жанғыш материалдардан жасалған шекаралас құрылымдарға жоғары температураның әсер етпейтінін және ол материалдардың қызып кетпейтінін тексеру керек.

Түтіндікті алғаш пайдаланған кезде иіс және аздап түтін болуы мүмкін, бұл металдың беткі қабатындағы май қалдықтарының булануы және герметикалайтын материалдардың кристалдануы нәтижесінде түзіледі.

Тоттанбайтын болаттан жасалған, оның ішінде екі қабырғалық түтіндікті қыздырған кезде оның беткі қабатының түсі құбылуы мүмкін, бұл ақаулық емес. Түтіндікке күтім жасау керек. Түтіндікті от жағу маусымында кемінде 2 рет тұрақты түрде тазартып тұру керек.