К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Тақта декорларының түрлері

Артқа.
(1303 көрілім)
Скачать pdf файлы
Скачать pdf файлы

Қыш тақталармен қаптау екі негізгі мәселені шешеді:

  • орғаныстық-пайдалы, құрылымды сақтайды және жайлылық береді,
  • декоративті-көркемдік, интерьердің бір бөлігін құрайды.

Алуан түсті қыш тақталарын жай ғана пайдаланудың өзі, ғимараттың ішкі кеңістігін қабылдауға, оның қандай да бір сапасын жасырып немесе ерекше етіп көрсетуге елеулі ықпал етеді. Декоративті қыш элементтер кез келген жобаны іске асыруға мүмкіндік беріп, шығармашылық аяны барынша кеңейтеді. Оларды қолдану тек қана әдемілік бермейді, сонымен бірге аяқталған композициялық интерьерді қалыптастыруға мүмкіндік береді.

1

Элементтері

Қазіргі уақытта көптеген өндірушілер жай ғана тақтаны ұсынбайды, сонымен бірге, ендірме, панно, жиектемесияқты декор элементтерін қамтитын топтамаларды ұсынады. Керегеге арналған тақталар үшін декоративті-шығармашылық қызмет өте маңызды, сондықтан еденге арналған тақтаға қарағанда, мұнда декоративті элементтер спектрі айтарлықтай көп. Бір топтама шеңберіндегі декоративті элементтер бір стильде жасалғандықтан және олардың көлемі де негізгі материалмен өзара араластыруды іске асыратындай таңдалғандықтан, оларды құрастыра отырып, қайталанбас, жеке дизайн жасауға болады.

2

Түрлері

  • Жеке декоративті ендірмелер — көлемі негізгі тақталармен, геометриялық суреттерден бастап адамдар мен жануарлардың бейнелеріне дейінгі берілген суреттермен сәйкес келетін бір немесе бірнеше тақта. Декоративті ендірмелері ретті және ретсіз орналастырылады. Мұндай ендірмелер интерьерді тұтас қабылдауға әсер етіп, әртүрлі түс беріп, бір түсті зат бетін түрлендіреді. Бұндай ендірмелердің түс ерекшеліктерінен басқа, негізгі тақтадан өзге жылтыр емес, құрылымдалған немесе жылтыр фактуралары болады.

Керегеге арналған қыш тақталарға барельефті ендірме пайдаланылады. Ендірмелердің ілмек-тақта немесе сабын қойғыш сияқты қызметтік арналымы болуы да мүмкін. Ендірмелер барлық топтамада бола бермейді..

  • Декоративті панно
    Бір немесе бірнеше үлкен тақтадан тұратын қыш ендірме. Ендірмемен салыстырғанда, панноның өзіндік сюжеті болады. Панно қыш негізді немесе барельеф негізді картина түрінде болып келеді немесе жеке қыш тақталардан құрастырылады. Мұндай элементтердің белгілі бір өлшемі болуы да, болмауы да мүмкін. Болмаған жағдайда оларды фрисайз (еркін өлшем) деп атайды. Мұндай панно құрамына екі түрлі суреті бар тақталар кіреді: соңғы, аяқтаушы және ішкі, толықтырушы. Орнату кезінде аяқтаушы тақталар панно өлшемін береді, ал ішкі тақталар сол шекараны толықтырады.

Мысалы: жұлдызды аспанды құрастырған кезде жұлдызға толы тақталар (ішкі) тұтас таңдалады, ал жартылай ғана суреті бар тақталар жартылай таңдалады (соңы). Осы екі түрді құрастыра отырып, кез келген өлшемдегі және пішіндегі панноны құрауға болады.

  • Жиектеме
    Қыш декорлар жиынтығындағы маңызды элемент. Негізінен қыш тақталар топтамасын суретімен ғана емес, өлшемімен, пішінімен ерекшеленетін бірнеше жиектеме түрлері де енеді. Алайда жиектемелерді жеке сатып алуға да болады.
  • Дәстүрлі жиектеменің пішіні тіктөртбұрышты, енінің жалпақтығы 80 миллиметргедейін жетеді. Оның негізгі арналымы – түрлі типтегі кереге тақталарын бөлу немесе тік қалау кезінде кеңістікті аудандарға бөлу. Бұндай тәсіл жалпы фоннан негізгі бөлшекті бөліп көрсетуге мүмкіндік береді.
  • Қарындаш жиектемелер (молдингтер) жіңішке дөңес қыш жолақтары түрінде дайындалады. Ол не тақтаны қалауды аяқтайды, не болмаса дәстүрлі жиектемелерге қосымша ретінде пайдаланылады, сонымен қатар көлем беріп, композициялық тұтастық енгізіп, интерьердің аяқталғандығын көрсетеді. Жиектемелер мен молдингтер көркем панно немесе картинаға арналған багетті жиектеме ретінде пайдаланылады.
  • Қыш мозаика

Бұл да сол тақта, бірақ оның көлемі 1 х 1 см-ден 10 х 10 см-ге дейін. Қалыпты шаршыдан басқа, өзге де айғұлақ, ұсақ тастар және қабыршық сияқты пішіндері де бар. Қыш мозаика ванна бөлмесі, асүй, кіреберіс сияқты бөлмелерге ерекше интерьер жасауға мүмкіндік береді. Онымен үстелдерді, орындықтарды және басқа да интерьер элементтерін сәндеуге болады.

Сан алуан түс гаммасы, пішіндері мен фактураларының әртүрлілігі шексіз мүмкіндік береді, тек қолданылу саласына қатысты шектеу бар. Тақта сияқты қыш мозаика да стандартты немесе дизайнерлік топтама түрінде ұсынылады. Стандартты түрінде «базалық» түске қатысты түрлері мен фондық элементтердің бірнеше нұсқадағы өлшемдері ұсынылады.

Авторлық жиынтық элементтерін қолмен жасауға да болады және платина немесе металл шаңын қосымша бүрку, кракелюр (заттың жылтыр бетін жасанды түрде ескірту) жағу арқылы толықтыруға болады. Мұндай мозаика өте сәнді әрі қымбат.

Декоративті қыш элементтер қыш қаптама тақталарын толықтыра отырып, интерьерге қайталанбас бояу, белгілі бір тақырып, көңіл-күй мен дербестік беріп, кез келген ғимаратты түрлендіре алады.


Скачать pdf файлы