К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Асүй фартугына арналған тақтаны қалай таңдау керек

Артқа.
(870 көрілім)

Қыш тақта фартук жасау үшін және асүй еденін қаптау үшін кеңінен қолданылады. Ол өте мықты, ұзақ уақытқа жарамды, экологиялық, әдемі, күтім жасау оңай. Бірақ тақтаны таңдаған кезде осы қасиеттер (әсіресе, ұзақ уақытқа жарамдылық) маңызды және жауапты болып табылады. Сондықтан да асүйге арналған тақтаны таңдаған кезде мынадай кеңестерді ескере жүріңіз.

Тақта жабыны – асүй интерьерінің бір бөлігі. Сондықтан да ол бөлменің жалпы стилімен үйлесуі тиіс, ол асүй жиһазын, әсіресе, үстелдің үстіңгі тақтайын толықтырып немесе ерекшелеп тұруы керек, сондай-ақ қабырғаны және еденді әрлеумен үйлесім табуы тиіс. Негізінен еден тақтасын әрленген қабырға мен үстелдің үстіңгі тақтайының түсіне сәйкес таңдайды. Фартукке келер болсақ, оған арналған тақта онымен түстес болуы керек немесе керісінше, назар аударатын жарқын бөлшек болуы тиіс. Дизайнерлер ас ішетін аймағы бар асүйге байыпты әрі салмақты стилистикалық шешім таңдауға кеңес береді. Болашақ асүйді жоспарлаған кезде жоспарланатын жиһаз бен әрлеудің негізгі түстерін салыстырмалы ауқымда орналастырып көріңіз, ең дұрысы – интернеттегі бағдарламалардың көмегімен 3-d визуализациясын жасау керек.

Қажет тақта санын онлайн-калькуляторлар арқылы оп-оңай анықтап алуға болады. Бірақ өлшемдеріңіз бойынша қапталатын беткі қабаттың толық жоспарын, ернеуліктері мен түйіскен жерлерін ескере отырып, жайма сызбасын жасау керек. Мұнда жайма-сызба болашақ жабынның көрінісін көрсетіп, керек тақта санын есептеп қана қоймайды, сондай-ақ кесуді азайту үшін, олай болса, қалдықты азайту үшін бөлменің көлемін ескере отырып, оларды асүй дизайнына үйлестіруге мүмкіндік береді (үлкен формат бөлмені көзге кішірейтіп көрсетеді және үлкен асүй аймағына қолданылады, формат неғұрлым кіші болса, кеңістік соғұрлым ұлғаяды).

Оқыстан болатын шығындарды ескере отырып, алынған тақта санын 10%-ға көбейту керек. Қыш тақтаның түсі легіне байланысты өзгеріп отыратынын ескеру керек, бұл оны өндіру процесімен түсіндіріледі, сондықтан да кейінірек тақтаны толықтырып алған кезде дәл сондай түс табылмауы мүмкін. 

Сатылатын тақтаның ақаулары көбіне сызаттың және жарылған жерінің болуымен байланысты. Тақтаны қаламас бұрын қораптың бәрін ашып, ақаудың жоқтығын, түсінің сәйкестігін тексеріп алу керек. Тақтаны жерге төсеп көріп, жалпы әсерін тексеріп алу керек, содан кейін ғана қалау жұмыстарына көшу керек. Көптеген өндірушілер тақтаны қалағаннан кейінгі талап-тілектерді қабылдамайтыны есіңізде болсын. Сонымен қатар қорапқа қапталған тақталардың шет жағын қарап шығып, әр қаптамадағы бірнеше тақтаны кездейсоқ іріктеп қарап шығуға болады. 
Таңдалатын тақтаның функционалды арналымын да ескеру керек. Кез келген жылтыратылған тақта жақсы жуылады. Бірақ құрылымдалған беткі қабаттарға баса назар аудару керек, тақтаның кедір-бұдыр жерлеріне кір тұрып қалуы мүмкін. Тақтааралық жіктерді арнайы сумен және кірді кетіретін құраммен өңдеу керек, сонда жіктердің түсі өзгермейді.
Фартук ретінде тақтаны ғана емес, мозаиканы да қалауға болады, қазіргі таңда бұл дизайнерлердің арасында өте танымал.