К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Қыш тақтаны қалай бұрғымен тесуге болады

Артқа.
(838 көрілім)
1

Жалпы мәліметтер

Тақтаны әртүрлі жағдайларда бұрғымен тесу қажет болады, олар: құбыр, розетка, ажыратып-қосқыштың технологиялық саңылауларын қаптаудан бастап жиһаз және инженерлік жабдық орнатқанға дейін. Бұрғылау әдісі тақтаның орнатылғанына немесе орнатылмағанына қарай анықталады.

2

Ерекшеліктері

  • Қыш тақтаның ерекшелігі – оның беріктігі, бірақ беткі жағы өте жұқа әрі осал, оның астында салыстырмалы түрде алғанда, жеңіл материал орналасады.
  • Дюбельге арналған саңылауды бұрғылап, әрі қарай жабдықты немесе жиһазды желімделген тақтаға ілу үшін қатты қорытпалы ұшы бар арнайы бұрғыны пайдаланған жөн.

Назар аударыңыз!
Мұндай бұрғыны үнемі осындай жұмыс істесеңіз ғана сатып алған жөн, өйткені ол қымбат тұрады. Бұрғылаған кезде соққысыз режимді (1000 айналым/мин дейін) және төмен айналымды қолданған жөн.

  • Бұрғылау үшін жылтырдың жұқа қабатын абайлап сындырып немесе кесіп, саңылауды керндеу керек немесе бұрғы бұрғыланатын зат бетіне перпендикуляр бекітілуі және сырғанамауы үшін бұрғылаған жерге малярлық скотчтің бір тілімін немесе лейкопластырь желімдеп қою керек
  • Жоғарғы қабатын бұрғылау үшін аз айналымда, аздап қана басу керек. Саңылау диаметріндегі жылтырды алып тастау арқылы айналым мен басуды ұлғайтуға болады. Тақтадан өткеннен кейін бұрғыны қабырға материалымен жұмыс істеуге қажет бұрғыға ауыстырады. Диаметрін біртіндеп ұлғайтып, үлкен саңылауды бірнеше рет жасайды. Мұндай әдіс диаметрі 15 мм дейінгі саңылауды тесуге мүмкіндік береді.

Назар аударыңыз!
Тақтаның шетінен 15 мм дейінгі саңылауды бұрғылаған кезде оның жарылу қаупі шұғыл артады.


  • Орнатылған тақтаға көлемі үлкен саңылауды бұрғылап тесу тиісті диаметрі бар алмаз қаптаманың көмегімен іске асырылады. Мұндай жағдайда құралды қатты қыздырып жібермеу керек және жылтыр қабаттан өткен кезде аз айналымды қолдану керек.

3

Диаметрі үлкен саңылауларды бұрғылап тесу

Қаптау жұмыстары кезінде орнатылатын тақтаға диаметрі үлкен саңылауды бұрғылап тесу қажеттігі пайда болады. Мұндай саңылауды мынадай тәсілдермен іске асыруға болады:

  • алмаз қаптама арқылы, орнатылған тақта болған жағдайда да;
  • ұшы қатты қорытпалы болып келетін дәнекерлеушісі бар бұрғы, бұл салыстырмалы түрде алғанда, арзан және диаметрі әртүрлі саңылау жасауға мүмкіндік береді, бірақ бұрғыны бекітуге арналған штативтің болуын талап етеді. Сондай-ақ бұрғылауды көп күш түсірмей, аз айналымда жүргізеді;

Назар аударыңыз!
Бұрғылау жұмыстарын жүргізген кезде қорғаныс шараларын пайдаланған жөн (ең болмағанда, көзілдірік).