К сожалению, ваша версия браузера устарела и сайт может содержать ошибки.

Пожалуйста установите последнюю версию одного из следующих браузеров:

Ламинатты қалай таңдау керек

Артқа.
(1338 көрілім)
Скачать pdf файлы
Скачать pdf файлы

Ламинат – бұл HDF (тығыздығы жоғары ағаш-талшықты тақтай) тақтайы негізді, бетіне қорғаныс үлдірі төселген, көп қабатты еден жабындысы. "Ламинациялау" деген сөз немістің «laminieren» деген сөзінен шыққан екен, бұл зат бетіне мөлдір қорғаныс үлдірін жабу дегенді білдіреді.

Жабынды көлемі шамамен 200 х 1500 мм, қалыңдығы 6-12 мм болатын тақтай түрінде дайындалады. Мұндай жабындының қолданылу мерзімі 5-30 жыл.

1

Ламинаттың құрылымы

  • Жоғарғы қабат – қатты заттар құлаған кезде тақтайды майдаланудан және сынудан қорғауды қамтамасыз ететін қорғаныс үлдірі. Ламинаттың беріктігі және пайдалану санаты, оның майдалану, сызат түсу, ластану, сулану сияқты механикалық зақымдануларға, сондай-ақ күн сәулесінің әсеріне төзімділігі жоғарғы қабатының сапасы мен қалыңдығына байланысты. Қазіргі таңда ламинатты табиғи ағаштың суретін елестететін кедір-бұдырлар жасау сияқты жабындымен әрлеу сәнге айналған.
  • Декоративті қабат эстетикалық мақсатқа арналған. Бұл ағаш текстурасы, тас, тақтай және т.б. елестететін суреті бар қағаз қабаты.
  • Тасымалдау қабаты – HDF тақтайынан жасалған ламинат негізі. Тақтайдың осы бөлігі аса маңызды қызметтер атқарады – ламинаттың тақтайларын өзара бекітеді, сондай-ақ жылуды сақтап, шуылды сіңіреді. Тақтайдың бұл бөлігінің тығыздығы ламинаттың жүктемесіне әсер етіп, оның санатын (32, 33…) анықтайды. MDF-пен салыстырғанда, HDF-тің беріктілігі және су жұқтырмайтын қабілеті едәуір жоғары. HDF соққы, сызат түсу, ұсақталу сияқты механикалық әсерлерге анағұрлым тұрақты. Ламинаттың бұл қабатының қалыңдығы шамамен 6-8 мм.
  • Төменгі тұрақтандырғыш қабат арнайы тұрақтандырғыш үлдірі бар тығыз меламин қағазы түрінде болып келеді және ламинатты деформация мен ылғалдан қорғауға арналған, ол тақтайға қаттылық беріп тұрады және бөлмені шуылдан оқшаулауды күшейтеді. Жаңа өндіріс технологиялары төменгі қабатқа пластмассаның немесе металдың қосымша қабатын қосуға мүмкіндік берді, нәтижесінде төсемені пайдалану қажет болмай қалды.
2

Артықшылықтары

  • Дақтар мен бояуға (төгіліп кеткен кетчуптен қалған дақ ацетонның көмегімен оңай кетіреді), судың аз уақытта тигізетін әсеріне (33, 32, 31 сияқты жоғары сапалы ламинат төселген едендерге 3-6 сағат бойы су тиіп тұрған жағдайда да ешқандай салдар тумайды) төзімді; механикалық әсерлерге де тұрақты.
  • Шаң-тозаң жұқтырмайтын қасиеті бар, антистатикалығының есебінен ламинат шаң-тозаңды «қондырмайды», сондықтан да гипоаллергенді жабынды болып саналады.
  • Экологиялық таза, өйткені адам организміне зиянды әсер ететін заттарды ауаға бөлмейді. Сондықтан да тіпті, аллергиялық ауруларға бейім адамдар ламинат төселген бөлмелерде өздерін жайлы сезінеді.
  • Күтім жасау оңай, ламинатты сулы шүберекпен сүртіп алсаңыз жеткілікті.
  • Салу оңай, жеңіл әрі жылдам құралады, тіпті, бөлшектеп, қайта жинап қоюға да болады. Жалпақ кесіндісін түрлі пішінде кесуге болатындықтан пішіні әртүрлі бөлмелерге төсеуге де жарай береді. Бірінші төселген әртүрлі еден беттері ламинатты төсеуге негіз бола алады.
  • Декоры мен түсінің мол түрі бар.
3

Кемшіліктері

Ламинаттың барлық түрі ылғал және жылытылмайтын бөлмелерге төсеуге арналмаған, жапсарласқан жерлеріне көп мөлшердегі су тиген жағдайда немесе дымқыл не болмаса жылытылмайтын бөлмелерде пайдаланылған жағдайда ламинаттың беріктігі жойылады, майысып, қисайып, шытынап, үгітіледі. Сондықтан ламинатты асүй, ванна бөлмесі мен еденге үнемі су тиіп тұратын ылғалдылығы жоғары бөлмелерде еден жабындысы ретінде пайдаланған орынсыз.

4

Беріктігін тексеретін тайбер-тест

Тайбер-тесттің маңызды сипаттамаларының бірі – еден жабындысын жарамсыз күйге келтіретін арнайы дискінің айналым саны. Қазіргі еден жабындылары үшін бұл көрсеткіш 6000-24000 аралығында айналымды құрайды.

5

Пайдалану санаттары

6

Бекітіп жалғастыру түрлері

Қазіргі ламинат желімсіз тәсілмен, бекіткіш жүйелер арқылы төселеді. Жалғастыру принципі бойынша мынадай негізгі топтарды бөліп көрсетуге болады:

«Click» – сырт етіп бекітілетін бекіткіштер. Ламинат панельдерінің бұрыштары тиектің және қиманың көмегімен өзара сырт етіп бекітіледі.

«Lock» – жалғанған. Панельдер алдымен біріктіріледі де, содан кейін ені бойынша жалғанады. Мұндай түрі Ресейде пайдаланылмайды.

7

Декоративті жүз

Ламинаттың кейбір түрлерінің жүзі, яғни тақтайдың қиғашталған аймағы бар. Жүз екі жақты (панельдің ұзындығы бойымен) немесе төрт жақты болуы мүмкін. Оның тереңдігі де әртүрлі болуы мүмкін, олар: V-тәрізді жүздің тереңдігі 2 мм, микрожүз – небәрі 1 мм.

Жүзі бар ламинат өткізгіштігі жоғары бөлмелерге арналған. Екі тақтайдың арасындағы жапсар – еден жабындысының ең «осал жері», өйткені ерте ме, кеш пе, олардың арасында көзге көрінетін саңылау пайда болады. Ал жүзі бар тақтайдың шеті қиылған, сондықтан да тіпті, ламинатты өте көп уақыт бойы пайдаланған жағдайда да саңылаулар онша білінбейді.

8

Ылғалға төзімділік

Салыстырмалы түрде алғанда, тұрақты ылғал жағдайларында еден жабындысы ылғалға төзімді. Кез келген ламинатты арнайы сұйықтықтарды қолдану арқылы шүберекпен сүртуге болады. Ылғалға төзімді ламинаттың балауызбен немесе суға төзімді шайырмен өңделген бекіткіштері бар, панельдің төменгі қабаты суға төзімді шайырмен қосымша өңделген. Қаптамасында қосымша таңбалау бар. Сапалы әрі суға төзімді ламинат 3 сағатқа дейін тікелей тиіп тұрған суға төзеді.

9

Қосымша ақпарат

Панельдер бірнеше данадан қорапқа қапталған. Панельдер саны мен жалпы ауданы қаптамада көрсетіледі.


Маңызды!
Бөлменің ауданын есептеп алу керек. Әдетте, ламинатты төсеу үшін арнайы үшкілдер мен тетіктер пайдаланылады. Арнайы үшкілдер мен тетіктер жиынтығын ламинатпен бірге бірден сатып алған жөн.

  • Ламинаттан материал сапасының төмендігін көрсететін өткір иіс шықпауы керек.
  • Қаптамасында тауар туралы толық ақпарат болуы тиіс, өндіруші зауыт нақты көрсетілуі керек.
10

Ламинаттың бағасына не әсер етеді?

  • Қалыңдығы – ламинат (HDF-тақтай) неғұрлым қалың болса, бағасы да қымбат болады.
  • Санаты – санаты қорғаныс қабатының қалыңдығы мен құрамына байланысты.
  • Қосымша өңдеу – бедерлеу, өңдеу, жүзінің болуы және т.б. Олар ламинаттың құнын айтарлықтай арттырады.
  • Бренд: ең танымалдары – Таркет, Классен, Кроно және т.б.
  • Өндіретін мемлекет және бағалары – негізінен, Еуропа өндірушілері (Франция, Бельгия, Германия, Швейцария) отандық және Қытай өндірушілерінен қымбатырақ болады.

Скачать pdf файлы