Ковролин мен линолеумді қалай төсеу керек

1Линолеумді қалай дұрыс төсеу керек. Төсеу тәсілдері

2 Қажетті материал көлемін есептеу

1. Бөлменің ұзындығы мен енін өлшеңіз. 2. Алынған өлшемге 10 см-ден қосыңыз. 3. Дөңес жерлерді (қабырға шкафтарының, терезенің, есіктің артындағы кеңістік) ескеріңіз.

4. Өрнегін біріктірген кезде әр бағытта өрнектің бір раппортына қор қалатындай материал мөлшерін есептеу керек.

3 Дайындау

Еден тегіс, таза, құрғақ және шаң-тозаңнан тазартылған болуы тиіс: егер еденде кедір-бұдырлы немесе сызат жерлер болса, оны тегістеуіш қоспамен алдын ала тегістеу керек.

	1. Орамды ашып, жабынды бөлмеге төсеңіз, еденкемерге 5-10 см аралығында қор қалдырыңыз (үлкен бөлмелерге төсеген кезде ол тұрақтануы үшін жабынды 24 сағатқа қалдырыңыз). 2. Жабынды қабырғаға қарама-қарсы бағытта қолмен тегістеп, созыңыз. Оның бүкіл беткі қабатты жауып тұрғанын тексеріңіз.
	3. Жабын қабырғаға мықтап жанасып тұруы үшін бұрыштарын кесіңіз (түзулеп қиыңыз)

4Линолеумді желімсіз қалай төсеу керек

Желімсіз төсеу ауданы 12 м2 аспайтын бөлмелерге немесе адам аз жүретін бөлмелерге пайдалануға жарамды
	1. Жабынның орамын «дайындау» бөлімінде көрсетілгендей жайыңыз.  2. Жабынды кескіш пышақ арқылы еденкемердің бойымен кесіңіз
	3. Есік ойықтарындағы табалдырықты бекітіңіз

Екіжақты скотчпен желімдеу
	1. Линолеум төсер алдында бүкіл бөлменің ауданы мен периметрі бойына екіжақты скотч желімдеңіз, қорғаныс қағазын скотчтің жоғарғы беткі қабатына қалдырыңыз. 2. Жабынның орамын «дайындау» бөлімінде көрсетілгендей жайыңыз.
	3. Жабынның бір бөлігін қайырып, екінші бөлігіне қаратып бүктеңіз, еденнің жабын төселмеген бөлігіндегі екіжақты скотчтен қорғаныс қағазын алып тастап, жабынды қабырғаға қарай созып, қолыңызбен тегістеңіз. 4. Жабынның екінші жағына тура осы іс-әрекетті қайталаңыз.
	5. Кескіш пышақтың көмегімен еденкемердің бойындағы жабынды кесіңіз
	5. Есік ойықтарындағы табалдырықты бекітіңіз.

Жабынды желімдеу Ауданы 20м2 асатын бөлмелерге немесе адам көп жүретін бөлмелерге пайдалануға ұсынылады: жабынның жарамдылық мерзімін айтарлықтай арттырады. .
	1. Жабынның орамын «дайындау» бөлімінде көрсетілгендей жайыңыз.
	2. Жабынның бір бөлігін қайырып, екінші бөлігіне қаратып бүктеңіз, еденнің жабын төселмеген бөлігін желімдеңіз (жылдам желімдеуге арналған желімді пайдаланған жағдайда білікшені және кәсіби желімді пайдаланған жағдайда тісті қалақшаны пайдаланыңыз).
	3. 20 минут күте тұрыңыз да, жабынның бүктелген бөлігін қайта ашып, қабырғаға қарай созып, қолыңызбен тегістеңіз. Жабынның екінші жағына тура осы іс-әрекетті қайталаңыз. 4. Кескіш пышақтың көмегімен еденкемердің бойындағы жабынды кесіңіз.
	5. Есік ойықтарындағы табалдырықты бекітіңіз және бөлмеге ауыр жиһаз қояр алдында 24 сағат күте тұрыңыз.

5 Қосымша кеңестер

Жолақтарды түйістіру қажет болған кезде жіктерін байқалмайтындай жасау үшін:

	1. Екі жолақты бір-бірінің бетін 10 см жауып тұратындай етіп қойыңыз (егер беткі қабатта ою-өрнек болса, оны сәйкестендіруге тырысыңыз). 2. Бірінші жолақты оның енінің 2/3 бөлігіне бүктеп, желім жағып, жолақты қайта ашыңыз.
	3. Екінші жолаққа қатысты да осы іс-әрекетті қайталаңыз, екі желімделген жолақты еденкемерге қатысты бағыт бойынша желімдеп, тегістеңіз. 4. Сызғышты пайдалана отырып, жабынның екі қабатын макет пышағымен кесіп, екі жолақты да қиыстырыңыз. Қалған бөліктерін желімдеп, ортасына қарай тегістеу арқылы түзетіңіз.