Қазіргі таңда нарықта ағаштан жасалған дәстүрлі, ламинацияланған немесе шпондалған МДФ еденкемерімен қатар, құрылымы әртүрлі пластик еденкемерлер де бар. Оларды таңдау белгілі бір ғимараттардағы нақты дизайнерлік жобалар арқылы түсіндіріледі. Негізінен еденкемердің түсі мен текстурасы еден немесе қабырға жабындысының стиліне сәйкес таңдалады, бұл интерьерді тұтас қабылдауға мүмкіндік береді.
1
 |
- Дәстүрлі ағаш еденкемер экологиялық және ағаштың әртүрлі түрінен дайындалады: қарағайдан бастап махагонға дейін, массивтен немесе желімделген діңгектен. Негізін қылқанды түрден дайындалған шпонмен желімдеуге болады. Қылқанды ағаш түрінен дайындалатын еденкемер салыстырмалы түрде алғанда, арзанырақ, көбіне арзан еден жабындыларымен қолданылады. Анағұрлым қымбат еденкемер – шамшат немесе емен, дара паркет немесе паркеттік тақтайдан дайындалған едендерге қолданылады.
|
 |
- МДФ-еденкемердің негізін нығыздалған ағаш тақтайы құрайды, бұл оны кеңінен пайдалану төзімділігіне және геометрияның дәлдігіне мүмкіндік береді. Құнды шпоннан басқа, ағаштың бағалы түрлерін көрсететін ламинат пайдаланылуы мүмкін. Бұның бәрі еденкемердің құнының төмендігін қамтамасыз етеді, сондай-ақ эстетикалық сапа да салыстырмалы түрде аздап төмендейді. Сонымен қатар дәстүрлі, ағаштан дайындалған еденкемермен салыстырғанда, бұны орнату әлдеқайда оңай, өйткені көптеген өндірушілер арнайы жасырын бекіткіші бар жүйелерді ұсынады. Қазіргі таңда бұл технология бойынша шығарылатын еденкемердің түсі мен текстурасы өте көп..
|
 |
- ПВХ-дан дайындалған пластик еденкемерлердің түсі мен текстурасы алуан түрлі, құны қолжетімді. Олар иілгіш, ылғалға төзімді және оларға күтім жасау оңай. Арнайы алмалы-салмалы құрылым монтажды жеңілдетіп, қатты күш жұмсамай-ақ күш және сигнал желілерін төсеуге мүмкіндік береді. Еденкемер лентасының эстетикалық жапсарсыз құрылымын жасау үшін әр өндіруші жалғастырғыштар, ішкі және сыртқы бұрыштар, бітеуіштер ұсынады. Қажет болған жағдайда еденкемердің бөліктері оңай алынып, айырбасталады. Мұндай жүйелер көбінесе ламинатпен бірге қолданылады.
|
 |
- Ковролинді қолданған кезде өздігінен желімделетін жолақтары бар арнайы профиль қолданылады, бұл қабырғаға қажетті биіктікте құрылады. Мұндай профиль линолеум төсеген кезде де пайдаланылуы мүмкін. Ол жабындының қабырғаға бірқалыпты «ауысуын» қамтамасыз етеді және тазалыққа деген талап жоғары жерлерде қолданылады.
|
 |
- Еденкемердің ерекше түрі – көбіне пластиктен дайындалатын, құбырларға арналған қоршау.
|
2
Әртүрлі жабындылар ғимаратты аймақтандыру үшін, сондай-ақ температура саңылауларын қамтамасыз ету үшін немесе жабындыға ерекшелік беру үшін (мысалы, тайғанауға қарсы) «ауыспалы кеңістік» деп аталатын дизайнерлік қағидатты жүзеге асыру кезінде жабындының жапсарласқан жерлерін жауып тұратын табалдырық пайдаланылады. Атқаратын міндетіне қарай табалдырықтар былай бөлінеді:
 |
- Бір деңгейлі, құрылымы әртүрлі. Қарапайым жағдайда бұл бұрама шегені жасырын бекітуге арналған саңылаулары бар, анодталған алюминийден жасалған тіктөртбұрышты тақтайша. Бетін жабатын тақтайшаны бекіту жасырын бұрама шегелермен, желіммен (өздігінен желімделетін табалдырықтар) немесе алдын ала белгіленетін бағыттауышпен іске асырылуы мүмкін. Иілгіш табалдырықтарға арналған, сондай-ақ пішілген жапсарларды безендіруге арналған тақтайша оның иілгіштігін қамтамасыз ететін пластиктен дайындалады.
|
 |
- Биіктігі әртүрлі еден жабындыларының (ковролин-паркет, тақтай-ковролин) жапсарласқан жеріне деңгейі әртүрлі табалдырықтар қолданылады. Олардың тереңдігі әртүрлі арнайы профилі бар. Алдыңғылар сияқты бекітіледі.
|
 |
- Тайғанауға қарсы профиль (табалдырық), мысалы, баспалдақтардың жиегіне орнатылады. Сондай-ақ ол жиекті механикалық әсерлерден қорғайды.
|
3
Заманауи еден жабындыларының құрылымы көбіне көп қабатты, мұнда әр қабаттың атқаратын белгілі бір қызметі бар. Жабындының жылу және дыбысты оқшаулау сипаттарын арттыру үшін төсем қолданылады. Қазіргі кезде төсемдердің мынадай түрлері қолданылады:
- Экструдерленген полистиролдан дайындалған, тақтай немесе рулон түріндегі төсем. Оны құрғақ әрі таза негізге, арнайы екі жақты бекітетін лентаға төсеу керек. Бұл материал экологиялық, су өткізбейді және химиялық заттардың әсеріне төзімді.
- Сығымдалған тығыннан дайындалған төсем рулон түрінде шығарылады және алдыңғысы сияқты төселеді. Материалдың жылуды және дыбысты оқшаулайтын сапалары керемет, шірімейді және көгермейді.
 |
- Қылқан ағаштары түрінің сығымдалған шаң-тозаңынан дайындалған төсем, қалыңдығы 4 мм тақтай түрінде өндіріледі. Тақтайлар негізге жабындыны төсеу бағытына 45° бұрыш аралықпен төселеді. Қылқан ағаштарының түрлері шірімейді және көгермейді, ал төсемнің қалыңдығы тек жылу мен дыбысты керемет оқшаулайды, сондай-ақ бәсеңдеткіш қасиеттері де бар..
|
4
Кез келген еден жабындысын арнайы химиялық құралдарсыз монтаждау мүмкін емес.
 |
- Олай болса, ковролин мен линолеум негізге арнайы желімдермен желімделеді. Оларды дұрыс таңдау жабындыны ұзақ уақыт пайдалануды қамтамасыз етеді және пайдалану жағдайына (ылғалдылық, температура) ғана емес, жабынды түріне (төсем және негіз материалы) және жабынды беттің сипатына (ылғалды сіңіреді немесе сіңірмейді) байланысты. Бұл мәліметтердің бәрі міндетті қорғаныс шаралары бойынша ұсыныстармен қатар өндірушінің қаптамасындағы нұсқаулығында беріледі.
|
 |
- Еденге қолданылатын химия еден жабындысының сапасын сақтауға көмектеседі; сондай-ақ ұзақ жылдар бойы еден жаңа сияқты болып тұрады.
|
 |
- Линолеумді немесе ПВХ-дан дайындалған жабындыны төсеген кезде суықтай дәнекерлеу қолданылады: ол беткі қабатты тұтас жапсарсыз кеңістік ретінде қабылдауды қамтамасыз етеді және өндірушінің нұсқаулығы бойынша қатаң орындалуы тиіс.
|
 |
- Ағаштан және ағаш негізді материалдардан жасалған еден үшін ылғал өте қауіпті: ол жапсарласқан жерін ісіндіреді, әрі қарай көлемі үлкейіп, еденнің сыртқы түрін бұзады. Сондықтан да ылғалдан қорғау өте маңызды. Бұл мәселе жабындыны жапсарласқан беттерге төсеу кезінде жағылатын арнайы құралдардың көмегімен шешіледі. Мұндай құралдар жапсарлас жерлерді тек герметикаландырмайды, сондай-ақ сықырдың пайда болуының алдын алады. Сіңдіргіш, гель, герметик түріндегі арнайы (материалдар немесе байланыстыру әдістері бойынша), сондай-ақ әмбебап құралдар бар.
|
 |
- Жабындыны төсеу үшін арнайы қондырғылар мен құралдар қолданылады. Осылайша, ламинатты төсеуге арналған жиынтықтар жабындыны қолданудың температуралық режимін дұрыс есептеуге мүмкіндік береді. Ковролинді кесуге немесе линолеумді тегістеуге арналған арнайы құралдар сапалы жұмысты қамтамасыз етеді. Сондай-ақ материалдарды бекітуді және құрылымды қорғауды қамтамасыз ететін желімделетін және маляр ленталарын айта кеткен жөн.
|
5
- Дұрыс пайдалану қорғаныс шараларын ғана емес, сондай-ақ жабындыға дұрыс күтім жасауды көздейді. Мұнда жуу құралдарын дұрыс таңдау өте маңызды. Өндірушінің белгілі бір жабындыға ұсынған құралын пайдаланған жөн, ал жұмыстар берілген нұсқаулыққа сәйкес көрсетілген мерзіммен жүргізілуі тиіс. Арнайы құралдар пайдаланылған жағдайда жақсы нәтижеге қол жеткізіледі.
- Және де паркет пен ламинаттың аздаған ақауларын қажетті түс алу үшін түстерді таңдау немесе араластыру арқылы балауыз борларымен немесе түзету маркерлерімен оп-оңай түзетуге болады.
