Бояу жағар алдында алдын ала өңдеу

(8363 көрілім)

Қалай істеу керек

Скачать pdf файлы

1Төсеме бояуды дайындау

Беткі қабатқа төсеме бояу жағу – бояуды жағар алдында жасалатын іс-әрекет. Төсеме бояу негізді қорғайды, нығайтады және тұтасу қасиетін жақсартып, әрлеу материалдарын жағуға дайындайды.

Төсеме бояудың міндеті:

бояумен беткі қабаттың тұтасуын жақсартады,
негізді нығайтады,
сіңіргіш қасиеттерін бірқалыптандырады немесе төмендетеді,
негіздің жанаспаған бөліктерін байланыстырады,
шығынды азайтады және бояуды біркелкі етіп жағады,
көгеру мен грибоктан қорғайды.

Төсеме бояу жағу үшін бояулар немесе арнайы төсеме бояу препараттары пайдаланылады. Көбіне олар ағаш, сылақ жүргізілген қабырғалар, металл сияқты нақты материалға қатысты жүргізіледі. Сондай-ақ жалпы қолданыстағы препараттар мен бояулар да бар. Төсеме бояу пайдалануға дайын болуы мүмкін немесе белгілі бір пропорцияда сұйылту қажет болатын концентрат түрінде болуы мүмкін.

2Құрал-саймандар

Жұмыс істеу үшін мынадай құрал-саймандар мен қосымша материалдар керек:

Инструменты для грунтования стен

3Үйдің ішіндегі қабырғалар мен қасбеттерге төсеме бояу жағу

Қабырғаны бояу кезіндегі міндетті ереже – жағылатын маляр жабынға қарағанда негіз қашанда берік болуы керек. Бітеуіш препараттар негізінен, сылаққа немесе желім бояуынан жасалған жабынға жағылады. Оның міндеті – құрғаған бояудың немесе сылақ массасының көптеген бөлшектерін тұтастыру болып табылады, бұл бояудың тұтасуын жақсартып, негізге тегістік береді. Сондай-ақ ол жабынның сіңіру қабілетін төмендетеді, соның арқасында бояу кезінде бояу көп жұмсалмайды (әдетте, төсеме бояу жаққаннан кейін бояудың бір қабатын ғана жаққан жеткілікті). Ауаның ылғалдылығы жоғары бөлмелерде қабырғаның беткі қабатында су жұқтырмайтын кедергі түзіледі. Тегістейтін құралдарды гипсқатырма тақталарға, жалаң сыртқы қабырғаларға жағуға да болады.

Қабырғаны +5 °С-тан жоғары температурада тегістеген жөн.

Қабырғаны тегістер алдында оның құлап тұрған сылағын, үгітілген бояуын немесе тұсқағазын тазарту керек. Майдың дағын да кетіру керек. Көгерген жерлердің бәрі тиісті түрде жойылуы тиіс.

Подготовка стен под покраску

НАЗАР АУДАРЫҢЫЗ:
Жаңадан сыланған жерді 3-4 аптадан кейін ғана тегістеуге болады.

Тегістейтін бояуды мұқият араластырып, қажет болған жағдайда өндірушінің осы мақсатта ұсынған арнайы құралымен сұйылту керек.

Төсеме бояу қылқаламның немесе білікшенің көмегімен жағылады. Нәтижеге қол жеткізу үшін өндіруші қанша қабаттап жағуды көрсетсе, сонша рет бояу жағу керек (негізінен, мұндай ақпарат қаптамада беріледі). Көбіне бір ғана қабат жағылады. Сіңіру сипаттамасы жоғары беткі қабаттарға көбіне, екі қабаттап жағу ұсынылады. Екінші қабат негізге біріншісінің құрғағанын күтпей-ақ, жағыла береді.

Декоративті бояу қабатын тегістегеннен кейін 24 сағат өткен соң жағуға болады.

Как грунтовать стены

КЕҢЕС:

Арнайы бояу ма, әлде тегістегіш препарат па, осы құралдардың қайсысын таңдаймын деп сенімсіз болсаңыз, қарапайым эксперимент жасап көріңіз. Қабырғаны саусағыңызбен сүртіңіз. Содан кейін кір із қалса, бұл қабырғаға бояу жағу алдында міндетті түрде тегістеу керек екендігін білдіреді.

Қасбеттер де дәл осылай тегістеледі. Есіңізде болсын, құрғақ және күннің қызуы түскен беткі қабаттарға ғана бояу жағу керек.

4Қабырғаға арналған тегістеу препараттары

Нарықта бірмезгілде бірнеше қызмет атқара алатын және кез келген климаттық жағдайда қолданылатын препараттар ұсынылған. Оларды таңдау негіздің жай-күйіне және беткі қабатқа жағылатын бояудың түріне байланысты.

Анағұрлым танымал әрі әмбебап түрлері:

- тегістейтін-қатайтатын бітеуіштер – көбіне, бұл қосымша субстанциялары бар акрилді шайырдың су дисперсиясы. Олар негізді нығайтып, ылғалдан сақтандырады, сонымен қатар бу өткізетін үлдір түзеді. Олар сыртқы бояулардың тұтасуын жақсартумен қатар, боялған қабырғаларда түстің өзгеруі байқалатын жерлердің пайда болуының алдын алады. Сондай-ақ бітеуіштер үйдің ішіндегі қабырғаларды бітеу үшін де пайдаланылады. Гипсқатырма тақталарына, гипс, цемент-әк және әк сылақтарына қолданылады;

- тегістейтін акрилді және латексті бояулар – сыртқы жұмыстарға да, ішкі жұмыстарға да қолданылады. Қабырғаға терең сіңіп, беткі қабатты нығайтады. Оны декоративті эмульсиялы және акрилді бояуларға арналған тегістейтін қабат ретінде қолданады;

- еріткіштер негізді тегістеуіш бояулар – бұл беткі қабатқа терең сіңетін, су жұқтырмайтын, бірақ тез жанатын құралдар. Сылақтың бөлшектері мен қабырғаның беткі қабатындағы шаң-тозаңды тұтастырады. Қабырға сіңіретін және буландыратын су буларын сақтап қалмайды. Сыртқы жұмыстарға да, ішкі жұмыстарға да қолданылады. Сылақты және боялған беткі қабатты ғана емес, сондай-ақ ағаш пен асбест-цемент тақталарын да тегістеу үшін қолданылад;

- тегістеуіш акрилді лактар – қабырғаға терең сіңеді және су жұқтырмайтын деңгейі жоғары. Қабырғаның беткі қабатындағы шаң-тозаңның бөлшектерін байланыстырады және бояудың тұтасуын жақсартады. Сыртқы терезелерді бітеу үшін қолданылады;

- су негізді силикатты тегістеуіштер – – сыртқы әк, цемент-әк сылақтарын, құм-әк кірпіші мен бетонын тегістеуге арналған. Сондай-ақ онымен ескі әк, цемент-әк және силикат бояуларды тегістеуге болады. Беткі қабатта минералданған жабын түзбей, саңылауға тереңірек сіңеді;

- эпоксидті бояулар – көбіне, екі компонентті болып келеді. Екі қаптаманың да ішіндегісін пайдаланар алдында араластыру керек. Сумен ерітіледі. Бөлменің ішіндегі бетонды беткі қабаттарды тегістеу үшін пайдаланылады.

НАЗАР АУДАРЫҢЫЗ!
Әртүрлі өндірушілердің препараттарын араластырудың қажеті жоқ. Арналымының бірдей екеніне қарамастан, олардың химиялық құрамы бір-бірінен өзгеше болады. Оларды араластыру қасиетін нашарлатуы, тіпті өзгертіп жіберуі мүмкін.

5Ағашты бітеу

Ағаш оның ылғалдылығын сақтау және оның сіңіргіш қасиеттерін төмендету мақсатында тегістеледі. Тегістейтін препараттар ағаштың саңылауына сіңіп, оларды тығыздайды және ағаш деформацияланған және кеңейген жағдайда декоративті қабатты бұзылудан сақтайды. Кейбір препараттар ағашты ағартып жібереді, бұл ескі немесе бұрын бірнеше рет боялған ағаштан жасалған беткі қабаттар үшін маңызды.

Ағашты, әсіресе, балғын ағашты бояу алдында бұтанақтарын өңдеп, оның бетіне тегістейтін препарат жағу керек.

Бұтанақтарды өңдеу Қалақтың көмегімен бұтанақтардағы шайырды кетіріңіз. Бұдан кейін шайыр қайта пайда болса, оны термопистолетпен қыздырып, ағып кеткен шайырды қалақпан қайта жинау керек.
Беткі қабатты егеуқұм қағазымен мұқият ажарлау керек. Ажарлағаннан кейін түзілген шаң-тозаңды еріткіш сіңірілген шүберекпен сүртіп алған дұрыс.
Бұтанаққа арнайы оқшаулағыш препаратты немесе ағып жатқан шайырды тоқтататын шеллакты жағу керек.
Тегістейтін препараттарды жағу Өңдеу алдында ағаш құрғақ, тегіс және таза болуы тиіс. Онда майлы дақ және аққан шайырдың ізі болмауы керек. Ағаштағы майды нитро еріткішпен немесе экстракциялық бензинмен кетіру керек. Тегістейтін препаратты мұқият араластыру керек. Егер кендір май болса, бірінші қабатын экстракциялық бензинмен 1:1 пропорциямен сұйылтқаннан кейін жағуға болады.
Төсеме бояуды қылқаламмен жағу керек. Өңдеп болғаннан кейін беткі қабатқа бояуды келесі күні жағу керек.

Ағашқа арналған тегістеуіш препараттар:

- олифа – ағашқа терең сіңетін, су жұқтырмайтын құрал. Оны ішкі жұмыстарға да, сыртқы жұмыстарға да қолдануға болады;

- акрилді тегістейтін бояулар – сумен сұйылтылады, негізге біртекті түс береді. Бояу, морилка, бітеуіш немесе лак жағар алдында пайдаланылады;

- алкидті тегістейтін бояулар – ағашты латексті немесе алкидті-майлы бояумен бояр алдында оны тегістеу үшін қолданылады;

- стирольді тегістейтін бояулар – ағашта сыртқы бояудың тұтасуын жақсартатын және ағашты шіруден қорғайтын үлдір түзеді. Сыртқы жұмыстарға да, ішкі жұмыстарға да қолданылады. Алкидті және фталий эмальдарының астына жағатын керемет негіз болып табылады;

- нитроцеллюлозалы тегістейтін лактар – еденге арналған лакты жағар алдында тегістейтін қабатты жағу үшін қолданылады. Сыртқы жұмыстарға арналған лактың құрамында болатын субстанцияның арқасында паркетті қараюдан сақтайды;

- май негізді фтальді тегістейтін бояулар – ағашты және ағаш материалдарын ғана емес, сондай-ақ металл мен қабырғаны да тегістеу үшін қолданылады. Бояулардың тұтасуын жақсартады. Олифа сияқты төсеме бояумен алдын ала өңделген ағашқа жағылады.

6Металды тегістеу

Металды тегістегіш оны тоттан қорғауға, сондай-ақ беткі қабатта түзілетін ұсақ кірді байланыстыруға арналған. Сондай-ақ тегістеу беткі қабатқа жағылатын бояуды үнемді шығындауды қамтамасыз етеді. Металды тегістеу үшін тоттануға қарсы және тегістейтін бояулар пайдаланылады.

Подготовка металла перед грунтовкой

Тегістеу алдында металдың беткі қабатын тоттан, шаң-тозаң мен майдан тазарту керек. Майсыздандыру үшін детергент, еріткіш немесе этил үшхлоридін пайдалануға болады.

Как грунтовать металл

Беткі қабатта ескі бояу болса, егеуқұм қағазымен немесе беткі қабатты өңдеуге арналған арнайы препаратпен оның жылтырын кетіру (сызу) керек.

Егер ескі бояудың жай-күйі нашар болса, оны темір щетканың, электр термопистолеттің немесе ескі маляр жабындарын кетіруге арналған арнайы препараттың көмегімен кетіру керек.

Как правильно грунтовать металл

Тегістейтін бояуды араластыру керек және қажет болған жағдайда сұйылту керек.

Оны қылқаламның немесе бүріккіштің көмегімен жағу керек. Қабат санын өндіруші белгілейді. Әрбір келесі қабатты 2-4 сағаттан кейін жағу керек.

Келесі күні бояу жаға беруге болады. Егер бояу нитроцеллюлозалы бояулардың көмегімен жасалатын болса, төсеме бояуды жаққаннан кейін кемінде 72 сағат өтуі керек.

НАЗАР АУДАРЫҢЫЗ!
Беткі қабатқа арналған кейбір бояулардың негізге төсеме бояу жағуды қажет етпейтін қасиеттері болады.

МЕТАЛҒА арналған тегістейтін препараттар:

- тегістейтін алкидті эмальдар – олардың мақсаты металды тоттанудан, демек, лак-бояу қабатын зақымданудан қорғау болып табылады. Сыртқы беткі қабаттарға жағуға арналған бояудың астына төсеме бояу ретінде пайдаланылады. Көбіне металдың беткі қабатындағы тотты мұқият кетіруді қажет етпейді;

- тегістейтін поливинил-акрилді бояулар – мырышталған немесе алюминий беткі қабаттарын тегістеуге арналған. Тоттануға қарсы қасиеттері бар. Онымен тоттың аздаған мөлшері бар беткі қабаттарды бояуға болады;

-тегістейтін винилді және поливинилді бояулар – тоттануға қарсы қасиеті бар және сыртқы бояулардың тұтасуын жақсартады. Болат пен шойынға қолданылады;

- тегістейтін нитроцеллюлозалы бояулар – тоттануға қарсы құрамы жоқ, сыртқы бояулардың тұтасуын жақсартады. Сондықтан да жағар алдында металға алдын ала тоттануға қарсы бояу жағу керек. Егер ол алюминий немесе мырыштанған металл болса, мұндай эмальдар сол металдардың тотығатын бөлшектерін байланыстыратын қабат ретінде жағылады. Кейін бетіне сыртқы нитроглицеринді бояу жағуға болады;

- фталь шайыры негізді, тегістейтін, тоттануға қарсы бояулар – фталь, түрлендірілген, нитроцеллюлозалы, поливинил немесе хлор-каучук эмальдарының астына жағылатын төсеме бояу ретінде пайдаланылады. Тоттанудан сақтандырады және сыртқы бояулардың тұтасуын жақсартады;

- тегістейтін акрилді бояулар – мырыш, алюминий сияқты тұтасуы әлсіз металдарды тегістеуге арналған. Тоттануға қарсы әсері жоқ, тек қана сыртқы бояулардың тұтасуын жақсартады;

- тегістейтін хлор-каучукты бояулар – болатқа және шойынға қолданылады. Бұл төсеме бояулар жағымсыз атмосфералық әсер мен тоттанудан қорғайды. Хлор-каучуктық және алкиді эмальдардың астына жағылады;

- тотты тұрақтандырғыш – металға арналған тегістейтін бояулардың арасындағы жаңа өнім, терең сіңетін әсері бар. Тоттың үстіне тікелей жаға беруге болады, тот зақымдаған металл беткі қабаттарды оқшаулап, тұрақтандырады. Оны алкидті (глицеро-фтальді) бояулармен, лактармен немесе еріткіш негізді лазурлармен араластыруға болады, бұл тоттануға қарсы қасиетті күшейте түседі.

7Әйнек пен пластмассаны тегістеу

Әйнек пен пластмассаны тегістеудің мақсаты – сыртқы бояулардың жақсылап тұтасуын қамтамасыз ету болып табылады. Тегістейтін препараттар жоғарыда сипатталған материалдарға жағылғандай қолданылады.

Әйнек пен пластмассаны тегістеуге арналған препараттар:

- алкид негізді тегістейтін бояулар –әйнек, кафельді қыш тақталары, пластмасса және металға тегістейтін жабын жағу үшін пайдаланылады;

- екі компонентті эпоксидті тегістейтін лактар – сыртқы бояулардың сырғанақ әйнек, қыш және пластмасса сияқты беткі қабаттармен керемет тұтасуын қамтамасыз етеді.

Скачать pdf файлы

Клиентті қолдау