Бөлмелерді бояу

Ішкі бөлмелерге арналған бояу түрлері

    Бөлменің ішіндегі қабырғалар мен төбелерді бояу үшін су негізді бояулар пайдаланылады, сондықтан да мұндай бояулар су-дисперсиялық немесе су-эмульсиялы деп аталады. Оның негізі көбіне, акрилді және әкті дисперсия болып келеді, ал жасыру қабілеті, тозуға төзімділік сияқты қосымша қасиеттер беру үшін қосымша қоспалар пайдаланылады. Мұндай қоспалардың мөлшері мен сапасы бояудың бағасына әсер етеді.

    Көбіне, су-дисперсиялы бояулар екі-үш рет жағылады. Алайда беткі қабатты бір қабаттап толық жағатын да бояулар кездеседі. 

Жылтырлық деңгейі

    Жылтырлық деңгейі бойынша бояулар қанық жылтыр емес және жартылай жылтыр емес болып бөлінеді.
    Қанық жылтыр емес бояулар жылтырамайды және тозуға онша төзімсіз болғандықтан, негізінен төбені бояу үшін пайдаланылады.
    Алайда кейбір өндірушілер тозуға төзімділігі жоғары, қабырғаға арналған қанық жылтыр емес бояулар өндіреді.
    Жылтыр емес бояулар жылтырамайды, бұл бояулардың едәуір танымал тобы. Жартылай жылтыр бояулар – мұндай бояулардың аздаған жылтыры болады, негізінен, асүй мен ванна бөлмелерінде пайдаланылады..

Түстерді таңдау

    Қазіргі таңда сатып алған кезде бояудың кез келген түсі мен реңкін таңдай аласыз. Дайын бояу өндірушілерінің көбінде өзіндік палитра бар, оның ішінде әр түстің атауы мен коды болады. Қазір көптеген дүкендерде түстерді компьютер арқылы таңдау мен араластыру орындарын табуға болады. Онда барғанда кодты білсеңіз болғаны, қызметкерлер белгілі түсті бояудың қажетті мөлшерін дайындап береді. Сондай-ақ түсті ұсынылған үлгілер бойынша да таңдауға болады.
    Леруа Мерленде өндіруші палитрасының кез келген түсімен компьютер арқылы колерлеуге тапсырыс бере аласыз. Толық ақпарат алу үшін дүкендегі Бояу бөлімінің колерлеу бағанына барып, кеңесшілерден сұраңыз.

Қажетті құрал-сайман мен қосымша материалдар

Бояу кезінде сізге мынадай құрал-саймандар қажет болады:

Бөлмені кірден қорғау

Бояу алдында еденге тығыз полиэтилен үлдірін төсеңіз. Фрамуга мен қабырға жанындағы панельдерге маляр таспасын желімдеңіз. Сондай-ақ радиаторларды, терезе мен жиһазды полиэтиленмен жауып қою керек.

Қабырғаны бояуға дайындау (негізін дайындау)

1. Боялатын беткі қабат құрғақ және кір (әсіресе, майдан немесе газ плитасының дағынан) мен шаң-тозаңнан тазартылуы тиіс.
2. Егер қабырға жаңа болса, оны тегістеу керек (сылақтың бірнеше түрінің бітеуіш қасиетін тегістеу үшін, жабынның бояумен тұтасуын арттыру үшін, сондай-ақ бояу шығынын төмендету үшін). Бұл сылаққа да, бетон қабырғаларына немесе гипсқатырма тақталарынан жасалған аспалы төбелерге де қатысты.
3. Егер қабырға бұрын боялған болса, ескі бояудың жай-күйін бағалау керек. Негіздің тұтасуы нашар болса, тіпті, өте сапалы бояудың өзі қабыршықтануы мүмкін. Жай-күйі жақсы ескі беткі қабаттарды жуған немесе сүрткен жеткілікті. Сонымен қатар бояудың қалың немесе қабыршықтанған қабаттарын алып тастау керек (мысалы, қалақшамен немесе қырнауышпен), содан кейін тегістеу керек.
4. Әртүрлі бояуларды бірінің үстіне бірін жағуға болмайды (мысалы су-дисперсиялы бояуды әк немесе май негізді бояулардың үстіне жағуға болмайды), өйткені жағылған бояу көтеріліп кетеді. Ескі жабын жойылып, беткі қабат тазартылып, тегістелгеннен кейін ғана бояуды бастауға болады.

5. Жаншылған, сызаттары, механикалық әсер ету салдарынан болған іздері бар жерлердің бәрін тегістеп, ұсақ егеуқұм қағазымен тегістеп, шаңын сору керек, содан кейін бүкіл қабырғаны тегістеу керек. Бұл өңделген жерлерге жылтыр дақ қалдырмай, беткі қабатты біртекті етіп тегістеуге мүмкіндік берді. 6. Беткі қабат түсінің өзгеруі, дақтардың немесе түсі кетіп бара жатқан жерлердің пайда болуы – көгергендіктің немесе грибоктың бар екендігінің белгісі. Оны тексеру керек. Егер бұл беткі қабаттағы дақ болса, бояу алдында грибокқа қарсы препарат сепсеңіз болды. Ал егер өзгеріс сылаққа немесе қабырғаға тереңдеп кетсе, кеңес алу үшін маманға жүгіну керек. Бәлкім, сылақты алып тастап, қабырғаға биологиялық емдеу әдістерін пайдалану керек шығар. Беткі қабатты бояудың алдында тиісті түрде кептірген жөн.

НАЗАР АУДАРЫҢЫЗ 

Шамадан тыс ылғалдандырудың әйтеуір бір себебі болады, оны бояуға көшпес бұрын жою керек. Көгерген жердің немесе грибоктың болуы – бұл қабырғадан үнемі су ағудың салдары. Кейде бұл гидравликалық мәселенің (су ағу, оқшаулаудың болмауы немесе оқшаулаудың дұрыс болмауы) немесе бөлмеде тиісті вентиляцияның жоқтығының белгісі. Арнайы сипаттағы операциялардың бәрін маманның бақылауымен ғана жасау керек, өйткені биологиялық паразиттер де, оларға қарсы препараттар да денсаулық үшін өте қауіпті болуы мүмкін.

7. Қабырға панельдерін қайталап бояу үшін ұсақ түйіршікті егеуқұм қағазымен тегістеу керек.

8. Тоттың, никотиннің және майдың аққан жерлерін арнайы препаратпен немесе еріткіш негізді бояумен оқшаулау керек.  9. Егер қабырғаға тұсқағаз желімделсе, оны алып тастауға болады, ал егер оның жай-күйі жақсы болса (сызаттары, жыртылған жерлері болмаса және шеттері қабырғадан ажырап жатпаса), үстінен бояй беруге болады.  10. Тұсқағазды алу қиын жұмыс (пайдаланылған желімге байланысты). Алдын ала мол сумен жібітіп қоюға болады немесе тым құрығанда, қарапайым перфоратор пайдаланып, кейін ескі тұсқағазды алып тастауға арналған арнайы сұйықтық қолдануға болады. Бұл қабырғадағы тұсқағаз желімінің қалдығын да кетіруге мүмкіндік береді.

КЕҢЕС

Ескі бояудың кеткенін білу үшін шағын эксперимент жасап көрген жеткілікті. Қабырғаға өздігінен желімделетін таспаның бір кесегін желімдеп, шұғыл түрде жұлып алыңыз. Жұлынып алынған таспада бояудың қалдығы қалса, бояудың алдында қабырғадағы ескі бояуды тазарту керектігін білдіреді.

Бояуды дайындау

Кез келген бояуды пайдаланар алдында оны мұқият араластыру керек. Қабырғаға арналған бояуларды араластырғыштың және электр дрелінің көмегімен араластырған ыңғайлы.  Бояуларды сұйылту. Қабырғаға арналған бояулар қою болса, бірінші қабаттап жағар алдында оларды көбіне, таза сумен (ең көп дегенде 5 %) сұйылтып алуға болады. Бірақ кейбір бояулар бұзылып кетуі мүмкін (негізінен, жоғары сұрыпты немесе аралас бояулар). Өндіруші тиісті ақпаратты берілген бояудың қаптамасында көрсетеді.  Бояудың аздаған мөлшерін шелекке немесе маляр науасын құйыңыз. Содан кейін бояуы бар банкі құрғап қалмас үшін оның бетін мықтап жабу керек.

Төбелер мен қабырғаларды бояу

Бояр алдында қабырға құрғақ болуы керек. Бояу барысында бөлмедегі температура 5°С-тан төмен болмауы тиіс. Ауаның ылғалдылығы 80%-дан аспауы тиіс..

Қабырғаға бояуды қанша қабаттап жағу керектігі туралы ақпарат қашанда қаптаманың сыртында жазылады. Сонымен қатар онда шығыны туралы, бояудың қанша уақыт құрғайтыны туралы да ақпарат бар.

Алдымен төбені бояп алу керек. Жұмыс істеуге ыңғайлы болу үшін сатыны немесе малярлы білікше бекітілетін телескопиялық тұтқаны пайдалануға болады. Сондай-ақ мұндай тәсілмен қабырғаның биікте орналасқан фрагменттерін де бояған ыңғайлы.

Төбені жолақ түрінде бояп шығыңыз. Әрбір келесі жолақ алдыңғысына жағылып барып, басталуы керек. Жолақтар терезеден бастап, ғимараттың түпкі жағына бағытталуы керек Қабырғаны бояуды бұрыштан бастау керек. Оны бояу үшін негізінен, домалақ білікшелерді пайдаланған жөн.

КЕҢЕС

Қабырғаға бояу жағу үшін жалпақ қылқаламды немесе білікшені пайдалануға болады. Бояу терезеден басталып, есіктің маңынан аяқталады. Жалпақ қылқаламмен бояу ептілікті және күш-қайратты қажет етеді. Тамшылап ағатын бояудан қорғайтын маляр білікшемен бояған ыңғайлы. .

Егер білікшенің көмегімен бояуды тік, көлденең және диагональ түрде кезек-кезегімен жақсаңыз, қабырға жақсы боялады.
Әртүрлі түспен бояған кезде қабырғадағы жіктердің шеттері тегіс болу үшін маляр таспасын желімдеп қоюға болады.

НАЗАР АУДАРЫҢЫЗ

Шеттеріне арналған маляр таспасын сатып алған кезде қабырғада қанша уақыт жабысып тұратынына назар аударған жөн (таңдауыңызға қарай, 6 және 14 күн желімделіп тұратын таспалар ұсынылады). Таспаны өндіру үшін пайдаланылатын сапасы әртүрлі желімдер белгілі бір уақыт өткеннен кейін негізге сіңіп қалуы мүмкін, бұл таспаны алған кезде боялған беткі қабатты зақымдауы мүмкін.

Қол жетпейтін жерлер

Розеткалар Розетканың айналасындағы жерді орташа қылқаламмен мұқият бояу керек.
Радиатордың артқы жағындағы қабырға Мұндай жерлерді сабы ұзын орташа білікшемен бояған дұрыс
Терезенің жақтаулары Бояу жағар алдында жақтауға маляр таспасын мұқият желімдеу керек. Бояу үшін орташа жалпақ қылқаламды немесе орташа білікшені пайдаланыңыз.
Қабырға мен төбенің түйіскен жері Мұндай жерлерге металл пластинасы бар білікшені пайдаланған ыңғайлы. Пластина бояу жағылған білікшені боялмаған жерден бөліп тұрады. Мұндай білікшені бояуға матырған кезде бояу тиіп кетпес үшін пластинаны майыстыру керек.

Декоративті бояу

Шаблонның көмегімен сәндеу Әртүрлі сәндеу әдіс-тәсілдері біртекті бір қабат бояу жағылған қабырғаны ерекшелеп тұруға мүмкіндік береді. Ең қарапайым тәсіл – шаблоны бар таспаны пайдалану болып табылады. Боялған қабырғаға таспа желімделеді, оның үсті басқа түсті бояумен боялады. Таспаны алып тастағаннан кейін қабырғада декоративті сурет қалады.

КЕҢЕС

Шаблон сатып алған кезде оған арналған орташа арнайы қылқаламды сатып алған жөн. Мұндай қылқаламның жалпақтап кесілген түктері бөлшектерді бояуды оңайлатады.

Басқа да сәндеу тәсілдері

Сондай-ақ қалақшамен немесе үккішпен (сылақ сияқты) жағылатын сылақ бояуларын да пайдалануға болады. Мұндай бояулар қабырғада белгілі бір суреттің қалың фактурасын қалыптастырады. Қандай құрал-сайман түрін пайдаланатыныңызға байланысты, бір бояуды пайдалана отырып (дәстүрлі грек сылағы қолмен тегістеледі), беткі қабатты сәндеудің әртүрлі әсерлеріне қол жеткізе аласыз. Сондай-ақ қабырғаны сәндеу үшін екі түсті бояуды пайдалануға болады. Бөлмені бір түспен бояп шыққаннан кейін екінші түсті матаның немесе арнайы губканың көмегімен бояп шығуға болады.

КЕҢЕС

Қабырғаға арналған түссіз немесе белгілі бір түсті балауызды пайдалана отырып, қызықты әсерлерге бөленуге болады. Ол фактураға көлем беріп, суреттің ерекше сипатын көрсетеді, сонымен қатар қабырғаны ылғал мен кірден қорғайды.