Төбені қалай бояу керек

(3607 көрілім)

Қалай істеу керек

Скачать pdf файлы

1 Төбенің жағдайын бағалау

Төбеге су-эмульсиялы бояу жағар алдындабеткі қабаттың жағдайын бағалаңыз. Төбенің беткі қабатын дұрыс дайындау бояудың бірқалыпты етіп жағылуына және сапалы нәтижеге қол жеткізуге кепілдік береді. Біздің берген кеңестеріміздің көмегімен бояу жағуды бастар алдында төбеңіздің жай-күйін бағалаңыз.

Төбенің жай-күйі	Қандай бояуды пайдалануға болады?	Неге бұл бояу түрін таңдау керек?
Жаңа, боялмаған немесе жақсылап боялған	Төбеге арналған акрилатты бояу	мінсіз аппақ иісі жоқ уақыт өткен сайын сарғаймайды 30 минутта құрғайды тұрмыстық жуу құралдарымен жууға болады үнемді
Боялған, бірақ шаң-тозаңның дағы бар немесе боялған, кір дақтары бар	Төбеге арналған бояу	дақтарды жасырады қатты дақтың (судың, темекі түтінінің, асүйдің дақтары) үстіне бояу жағуға жарамды ылғалға төзімді жылдам құрғайды және барынша бірқалыпты жағылады
Жарылған жерлері бар төбе	Төбеге арналған бояу	ұсақ-түйек сызаттарды тегістейді (2/10 мм) иісі жоқ уақыт өткен сайын сарғаймайды 20 минутта құрғайды тұрмыстық жуу құралдарымен жууға болады

2 Беткі қабатты дайындау

Төбені бояудың сапасы оның беткі қабатын қаншалықты мұқият дайындайтыныңызға байланысты болады.

Төбе жаңа немесе бұрын боялған, жағдайы жақсы
НЕ?	ҚАЛАЙ?
Төбе боялған, тегіс, шаң-тозаңы мен кірі жоқ	Бояуды төбенің беткі қабатына тікелей жағыңыз.
Жаңа төбе	Төбеге оның жасалған материалына сәйкес келетін төсеме бояу жағыңыз (гипсқатырмаға немесе бетонға арналған төсеме бояу). Төсеме бояу беткі қабатты нығайтып, бояудың төбемен қосымша тұтасуын қамтамасыз етеді.
Боялған, жылтыр төбе	Төбені жуу құралы қосылған жылы сумен жуып шығыңыз. Содан кейін егеуқұм қағазымен (түйіршігі №80) өңдеңіз. Беткі қабатты сулы шүберекпен шаң-тозаңнан тазартыңыз.

Боялған, кірленген немесе шаң-тозаңданған төбе
НЕ?	ҚАЛАЙ?
Шаң-тозаңданған төбе	Төбені шаң-тозаңнан алдын ала тазартып, бояуды төбенің беткі қабатына жағыңыз.
Кірленген, майлы және өте қатты кір дақтары (темекінің түтіні, асүй дақтары және т.б.) бар төбе	Бояу жағардан 24 сағат бұрын кір дақтарды білікшенің көмегімен бояңыз. Толық құрғағаннан кейін төбені толығымен бояуға кірісіңіз.

Сызаттары бар төбе
НЕ?	ҚАЛАЙ?
Қабыршықтанған жабыны бар төбе	Ең алдымен, төбедегі қабыршықтанып жатқан бөлшектерді түсіріп, содан кейін оны шаң-тозаңнан тазарту керек. Ұсақ-түйек сызаттарды тегістеу үшін бітеуіш пен төсеме бояуды жағыңыз, бұл бояудың беткі қабатпен жақсылап тұтасуын қамтамасыз етеді.
Аздаған сызаттары бар төбе	сызаттар < 2/10 мм: бояуды төбенің беткі қабатына тікелей жағыңыз сызаттар > 2/10 мм: сызаттарды ашыңыз. Астына алдын ала серпянка салып, бітеуішті 2 қабаттап жағыңыз. Тегістеп, шаң-тозаңнан тазартыңыз. Содан кейін қажет болса, бітеуіштің бір қабатын немесе төсеме бояу жағыңыз. Беткі қабат толық құрғағаннан кейін төбені толық бояуға кірісуге болады.

Білгенге – маржан
Төбеге бояу жағуға кіріспес бұрын респиратор киіп алуды ұмытпаңыз. Ол сізді құрылыс шаң-тозаңынан және төбеден ұшатын бояудың тамшыларынан қорғайды.

3 Төбенің жай-күйін бағалау. Бағытты ескере отырып, су-эмульсиялы бояуды қалай жағуға болады

Төбенің беткі қабатын дұрыс дайындау бояудың бірқалыпты етіп жағылуына және сапалы нәтижеге қол жеткізуге кепілдік береді. Біздің берген кеңестеріміздің көмегімен бояу жағуды бастар алдында төбеңіздің жай-күйін бағалаңыз.

Төбені бояуды бұрыштарды және қабырғамен түйіскен жерлерді өңдеуден бастаңыз. Ол үшін арнайы қылқаламды пайдаланыңыз.

Төбедегі беткі қабаттың бәрін білікшенің көмегімен бояңыз, әрдайым бір бағытта ғана қозғалыңыз.

Бояудың әрбір келесі қабатын алдыңғы қабатқа перпендикуляр бағытта бояңыз.

Бояудың соңғы қабатын жарықтың бағыты бойынша жағыңыз.

Скачать pdf файлы

Клиентті қолдау

	Төбені бояуды бұрыштарды және қабырғамен түйіскен жерлерді өңдеуден бастаңыз. Ол үшін арнайы қылқаламды пайдаланыңыз.
	Төбедегі беткі қабаттың бәрін білікшенің көмегімен бояңыз, әрдайым бір бағытта ғана қозғалыңыз.
	Бояудың әрбір келесі қабатын алдыңғы қабатқа перпендикуляр бағытта бояңыз.
	Бояудың соңғы қабатын жарықтың бағыты бойынша жағыңыз.