Сұйық тұсқағазды қалай жағу керек
Бұл мақалада сұйық тұсқағаз желімдеу үшін беткі қабатты дұрыс дайындау, сұйық тұсқағазды дайындау және жағу, фрагменттік жөндеу жұмыстарын жасау жолдары айтылған.
Сұйық тұсқағаз немесе әдемі жібек сылақ – әдеттегі тұсқағаздарға немесе бояуға балама болып табылатын түпкілікті әрлеу материалы болып табылады. Сұйық тұсқағазбен әрлеу бірегей ерекше дизайн жасауға мүмкіндік береді.
Сұйық тұсқағаз желімделген беткі қабатты пайдаланған сенімді: жабын жіктері бойынша ажырап кетпейді, құлап қалмайды, ауа кірмейді.
Сұйық тұсқағазды жағу – оңай жұмыс, бірақ беткі қабатты дайындау кезінде және жағу кезінде өзіндік ерекшеліктері бар.
Сұйық тұсқағазды пайдалана отырып, жөндеу жұмыстарын сәтті орындау кезеңдерінің бірі – қабырғаны дұрыс дайындау.
|
Беткі қабат құрғақ, таза, біртекті, бөтен дақсыз болуы тиіс. |
|
Ең алдымен беткі қабатты ескі жабыннан тазартып, түсіп тұрған сылақтары мен бояуларын түсіру керек. Шеге мен бұрама шегелерді жай ғана алып тастау керек. |
|
Беткі қабатта кедір-бұдырлы жерлер немесе сызаттар көп болса, оны түпкілікті бітеуіштермен тегістеуге болады. |
|
Дайындаудағы келесі маңызды кезең – төсеме бояумен өңдеу. Сұйық тұсқағаздың ылғалы қабырғаға енбеуі тиіс, әйтпеген жағдайда жағылған жабында сары дақтың пайда болуына әкеп соғады. Ылғал оқшаулағыш осы мақсатта пайдаланылады. Төсеме бояудың бұл түрі беткі қабат пен тұсқағаздың арасында қорғаныс қабатын жасау үшін пайдаланылады. |
Бойлық-көлденең қозғала отырып, ылғал оқшаулағыштың екі-үш қабатын жағуды, әрқайсысын кемінде 3-4 сағаттан құрғатуды ұсынамыз.
|
Беткі қабат толық құрғағаннан кейін оған ақ (немесе болашақ тұсқағаздың түсіндей) су-эмульсиялы бояу жағуды ұсынамыз, ол адгезия (тұтасу) қосып, біркелкі фон қалыптастырады. Беткі қабат толық құрғаған кезде жұмыстың келесі кезеңіне өте беруге болады. |
Сұйық тұсқағаз құрғақ күйінде сатылады; олар жеке-жеке қалташаларға қапталған, олардың әрқайсысында жұмыс істеуге дайындық бойынша толық нұсқаулық жазылған. Әр қаптаманың ішіндегісі жеке-жеке дайындалады. Ең басты назар аударатын нәрсе:
|
- тұсқағаз сұйылтылатын су таза әрі жылы (25–35 °C) болуы тиіс; |
|
- ұйысқан және түйіршіктенген бөліктері қалмас үшін біртекті болғанша қолмен мұқият араластырыңыз (араласырғышпен араластырмаңыз, өйткені ол тұсқағаздың фактурасын өзгертіп жіберуі мүмкін); |
- алынған массаны қалташаға салып, барлық компоненттері біркелкі сіңу үшін 12 сағатқа қалдырып қою керек.
12 сағаттан кейін сұйық тұсқағазды жағу керек. Мұндай жағдайда тұсқағазды екі апта бойы сақтауға болады.
Қажет болған жағдайда сұйылтылған тұсқағазды құрғатып, қайта сұйылтуға да болады.
Жағар алдында түс айырмашылығының алдын алу үшін бір түсті сұйық тұсқағаздың бірнеше дайын қалташасының ішіндегісін өзара араластырып, жұмсалуына байланысты біртіндеп қосып, араластыруды ұсынамыз.
|
Жағу үшін мөлдір пластик үккішті пайдаланған ыңғайлы (ол арқылы материалдың беткі қабатқа қалай таралғаны бірден көрінеді). |
Жаққан кезде материал мөлдір болып көрінеді, өйткені ол қағаз негізді. Құрғағаннан кейін тұсқағаз көрінбейтін болады.
Өндірушінің қаптамада көрсеткен шығыны, негізінен, 1,5–2 мм қабаттың қалыңдығына байланысты. Материал дұрыс жағылмаса, тағы кішкене су қосуға болады. Аздаған үлесімді пайдалана отырып, сұйық тұсқағазды беткі қабатқа созу керек, осылайша жіксіз жабын қалыптасады.
Түзілген жабын екі күнге дейін құрғайды – құрғау уақыты жағылған қабатқа және бөлмедегі ылғалға байланысты. Құрғайтын кезде бөлмені желдетуді ұсынамыз. Жөндеу жұмыстарынан кейін қалған тұсқағазды құрғатып, фрагменттік жөндеу жұмыстары үшін сақтап қою керек.
|
Механикалық зақымдану немесе кетуі қиын кір болған жағдайда бүлінген жерді оп-оңай қалпына келтіруге болады. |
- Сұйық тұсқағазды асүй сияқты ылғал бөлмелерге қолдану үшін толық кепкен соң оның бетіне акрилді лак жағу керек, сонда оны жууға болады және мұндай жабын су сіңірмейді.
- Сұйық тұсқағазды шағын ванна бөлмелеріне пайдаланбай-ақ қойған жөн, өйткені тұсқағаз суды сіңіріп алады, сондықтан ол қашанда ылғал болып тұрады.
- Сұйық тұсқағазды жаққаннан кейін сары дақ пайда болса, оны әдеттегі, тұрмыстық ағартқыштың көмегімен кетіруге болады. Ағартқышты 1:2 пропорцияда сумен араластырып, даққа жағыңыз, ол үшін бүріккішті пайдаланыңыз, сонда дақ біраз уақыт өткен соң кетіп қалады.
Корзина была изменена, цены и остатки обновлены. Өтініш, кəрзіңкені рəсімдеуді жалғастыруыңыз!
При оформлении заказа возникла ошибка.
Уважаемый покупатель, данный email в системе уже зарегистрирован.
Войдите чтобы оформить заказ на данный почтовый ящик.
Қазіргі таңда тауар бақылануда, сіз келесі тауарлар партиясы қоймаға келгенде хабарлама аласыз
Ведутcя технические работы
Уважаемый покупатель, на сайте ведутся технические работы по улучшению сервиса.
В ближайшее время Вы сможете продолжить покупки.