Отличия сверла от бура

Металға арналған бәрбі беріктігі жоғары жылдам кесетін болаттан жасалады, кейін өңделеді немесе өңделмейді. Қорғаныс қабатымен қаптау бәрбінің кесу жылдамдығын және жарамдылық мерзімін ұлғайтады.

Бәрбілер жабын түрінен басқа, артқы ілмек түрі бойынша да өзгешеленеді, оның артқы ілмегі конус (1) немесе цилиндр (2) түрінде болып келеді. Конус түрі (Морз конусы) металл өңдейтін өндірісте пайдаланылады.

Анағұрлым мықты болып саналатын металл бәрбісі әртүрлі материалдарды бұрғылауға арналған әмбебап ретінде пайдаланылады. 

Жұмсақ металдарға қайрау ұшы 80–90° бұрышқа тең бәрбілер пайдаланылады. Шойын мен болат қайрау бұрышы 116° кем болмайтын бәрбіні қажет етеді. Шыңдалған болатпен және осыған ұқсас қатты металдармен жұмыс істеу үшін 130–140° бұрышпен ұшталған кәсіби бәрбілер қажет.

Ағаш бәрбілердің құрылымы басқаша. Жұмсақ талшықты материалмен жұмыс істеу тиімділігін арттыру үшін оларды өздігінен орталықтанатын бастиекпен жабдықтайды.

Орташа саңылауларды бұрғылау шиыршық бәрбілер арқылы іске асырылады (1), терең саңылау бұрғылау үшін шеті үшкір есілген бір шиыршықты бәрбілер пайдаланылады (2). Мұндай бәрбілердің артқы ілмектері көбіне цилиндр пішінді болып келеді.

Ағашқа терең және кең саңылау (диаметрі 10–60 см) бұрғылау үшін тиісті диаметрдегі құрал пайдаланылады.

Кірпіш, қыш, бетонды бұрғылау үшін қатты қорытпалы ендірмесі және цилиндрлі артқы ілмегі бар бәрбілер пайдаланылады.

Бұрғылау дрельдің соққы-айналу режимі арқылы іске асырылады.

Бұрғылардың бәрбілерден айырмашылығы – пішіні әртүрлі бірнеше кесетін ернеуі бар бастиегі болады. Конфигурациясы жағынан бұрғылардың ұштағышы классикалық (пластинаның айқыш-ұйқыш тегіс кесетін жалпақ алдыңғы және артқы қыры болады) және орталықтандыратын (пластинаның саңылаудың ішінде бұрғыны бастапқы қалып осінен тайып кетуіне жол бермейтін геометриясы болады) болып бөлінеді.

Бұрғының кесетін шеттері сызық пішінді ғана болмайды, сондай-ақ орталықтандыратын тиегі бар және қатты кесетін дөңестері бар толқынды болуы мүмкін: мұндай түрі қатты материалды қабаттап түсіреді, бұл перфораторға түсетін жүктемені азайту тәсілі болып табылады. Агрессивті бұрғылау жағдайында (мысалы, абразив түрі) қажет болатын дұрыс таңдалған ұштау бұрышы бар өздігінен ұшталатын қаптама да болады. Шиыршық тәрізді жырашық бұрғылау қалдықтарын тастау үшін қолданылады және шиыршық тәрізді пішінімен өзгешеленеді: өнімділігі неғұрлым жоғары болса, көбірек есіледі. Перфоратор бетон және кірпіш қабырғалар сияқты қатты материалдармен жұмыс істеген кезде пайдаланылады.

Жеңіл перфораторларға арналған SDS-plus және мықты перфораторларға арналған SDS-max бұрғылары кеңінен таралған.

Перфоратор қысқысының түрі атауы және құрылымы жағынан бұрғының белгілі бір артқы ілмегіне ұқсас. Қысқылар көлемі, артқы ілмегінің диаметрі, бекітетін ойығының саны мен көлемі, айналымды беруі, олай болса, ықтимал жүктемесімен және соққы күшімен өзгешеленеді. Перфораторларда жасалатын жұмыс жағдайына және жүктемеге немесе құрал-сайманның қуатына байланысты SDS жүйесінің бірнеше қысқы түрі қолданылады. Артқы ілмек пішіні бойынша әртүрлі бұрғылар қысқыларға сәйкес келеді.