Кері

Инверторлы пісіру аппаратын қалай таңдау керек

(2179 көрілім)

Қалай таңдау керек

Жалпы мәліметтер

Пісіруге арналған ток трансформатордан не болмаса инвертордан алынады.

Ток көзін трансформатордан алу бағзы заманнан бері пайдаланылып келеді, бірақ олар қаншалықты сенімді және тозуға төзімді болғанымен өте ауыр. Сонымен қатар оларды тұрмыста пайдаланған да қиын, өйткені жоғары сапалы қуат желісін қажет етеді.

Инвертор арқылы ток алу көзі желідегі кернеу 50%-ға дейін төмендесе де, істей береді, салмағы да айтарлықтай аз (классикалық трансформатордан 10 есе жеңіл) және инверторлы аспаптарға тән артықшылықтарға ие, яғни өшіру және пісіру кезінде «ыстықтай іске қосу» және «жабысуға қарсы» қызметтері бар.

Ерекшеліктері

Инверторлы ток көзі бірқатар параметрі бойынша ерекшеленеді.

Жұмыс кернеуінің диапазоны – номиналды кернеудің өзгеруінен қорғайды – желінің сапасына қойылатын талаптарды анықтайды. Тиімді көрсеткіші – 20–25%, бұл кернеу 170 В дейін төмендеген кезде инверторлы пісіру аппаратымен жұмыс істеуге болатынын білдіреді.

Назар аударыңыз!
Бұл көрсеткіштер өнеркәсіпте пайдаланылатын қымбат модельдерге тән. Тұрмыстық модельдерде мұндай шама 10–15%-дан кем болмауы керек.

Жұмыс істеу ерекшелігі

Назар аударыңыз!
Вентиляция және негізгі бөлшектерді салқындату – инвертордың жұмыс істеуінің міндетті шарты. Бірақ вентилятор сорып алатын шаң электронды тақтаға шөгіп, оларды істен шығаруы мүмкін. Қымбат модельдерде бұл мәселе туннельді вентиляция арқылы шешіледі, мұндайда электронды тақталар салқындатылған радиатордан ажыратылады. Егер инверторды тұрмыста пайдалансаңыз және оны тұрақты түрде қолмен тазалауға дайын болсаңыз, арзан модельмен де шектелуге болады.

Инвертор жұмысының температуралық диапазоны – пісіру төмен температурада жасалатын болса, бұл да маңызды сипаттама. Мұндай жұмыстарды жасау мүмкіндігі паспортта көрсетіледі немесе сатып алған кезде нақтыланады.

Жүктеме кезеңі (ЖК) – жалпы циклдегі жұмыс уақытының үлесі (%-бен). Тұрмыстық аспаптар жұмыс барысында салқындауға қажет үзілісті қажет етеді. Тұрмыстық мақсаттар үшін 50–60% ЖК көзін пайдаланған жеткілікті. Анағұрлым қымбат кәсіби модельдер үздіксіз жұмысты қамтамасыз етеді.

Тұрмыстық мақсаттарға арналған максималды ток шамасы бойынша бұл көрсеткіші 160 А тең мәні бар ток көзіне жарамды, бұл үш миллиметрлік электродтардың сенімді әрі тұрақты жұмыс істеуін қамтамасыз етеді.

Назар аударыңыз!
Пісіруге арналған инверторлы ток көзінің кемшіліктері: трансформатор аспаптарымен салыстырғанда бағасы өте қымбат (2-3 есе қымбат); электроникасы істен шыққан жағдайда жөндеу жұмысы қымбатқа түседі – бұл жаңа аппарат құнының 30-80% құрайды; сыртқы факторларға (шаң, температура) өте сезімтал.

Клиентті қолдау