Электр доғалы пісіруді қалай жасау керек

(5790 көрілім)

Қалай істеу керек

Скачать pdf файлы

Электр доғалы пісірудің түрлері

Электр доғалы пісіруге арналған пісіруші аппарат

Электр доғалы пісіру электр доғасының бөлетін өте жоғары температурасы (3000°C және одан да жоғары) кезінде құрамындағы бірдей металдардың балқуының арқасында пісіруді іске асыруға мүмкіндік береді. Доға электрод пен пісірілетін бөлшектердің арасында электр тогының өтуі нәтижесінде пайда болады.

Электрод – бұл арнайы жабыны бар металл өзек. Электродтың ұшында (шетінен шамамен 15 мм) жабын болмайды, бұл электр контактісін орнатуға мүмкіндік береді.

РУТИЛ	НЕГІЗГІ
ұсақ-түйек жөндеу жұмыстарына арналған	жоғары механикалық беріктікті қажет ететін қосылыстарға арналған (мысалы, шатырдың көтергіш металл құрылымы)

Жоғары температура электрод металы мен қосылыс бөлшектерінің шеттерін балқытады. Балқудың нәтижесінде пісірілетін жік пайда болады.

Электр доғалы пісіру мынадай жұмыс түрлері үшін қолданылады:

ірі металл құрылымдарын дайындау,
слесарь ісі,
ірі металл бөлшектердің немесе қалыңдығы 1,5 мм асатын металл бөлшектердің қосылысы

Оның мынадай артықшылықтары бар:

үнемділік,
пісіру жіктері барынша мықты,
жай, тот баспайтын болатты және алюминийді пісіру мүмкіндігі,
шойын бұйымдарын жөндеу мүмкіндігі.

Ұсыныстар

1. Біріктірілетін бөлшектерді металл щетканың көмегімен жақсылап тазартып, дайындап қойыңыз.

2. Бөлшектердің шеттерін тегіс жерге қойып, біріктіріңіз, пісіру барысында олар қозғалып кетпес үшін қол қысқыштарының көмегімен ұстап тұрыңыз.

3. Ультракүлгін сәуледен қорғану үшін қорғаныс киімін (қолғап, жұмыс киімі, қорғаныс маскасы) киіңіз.

4. Жұмыс түріне қарай диаметрі жарамды электродты таңдаңыз (төменде берілген кестені қараңыз). Электродтың жалаңаш бөлігін ұстағышқа қойып, оны бекітіңіз. Электродтың диаметріне қарай пісіруші аппараттың ток күшін теңшеңіз (төменде берілген кестені қараңыз).

5. Электродтың диаметріне қарай пісіруші аппараттың ток күшін теңшеңіз (төменде берілген кестені қараңыз).

Қауіпсіздік
Пісіру жұмысын түйіспелі линза киіп тұрғанда жасамаңыз және көзіңізді қорғайтын құрал болмаса, ешқашан электр доғасына қарамаңыз. Улы будың булануына жол бермес үшін ЕШҚАШАН үшхлорэтилен сақталған жерге жақын маңда пісіру жұмысын іске асырмаңыз.

Пісірілетін X металдар:	Металдың қалыңдығы (мм):	Қажетті ток күші (Ампермен):	Электродтың диаметрі (мм):
Жұмсақ болат	1,5 2 және 3 2 - 5 3 - 10 5 және одан жоғары	40-60 60-70 80-100 100-130 130-160	1,6 2 2,5 3,2 4
Тот баспайтын болат	1,5 және одан жоғары	80-100	2,5
Шойын	3 және одан жоғары	80-100	2,5

Электр доғасын жасау

1. Пісіретін аппаратты жерге тұйықталған розеткаға қосып, кернеуді тексеріңіз.

	2. Тістеуікті пісіретін екі бөлшектің біреуіне бекітіп қойыңыз.
	3. Электродтың шетін пісірілетін жерге аздап үйкеңіз. Осындай үйкелістің нәтижесінде доға пайда болады, оны ұшқыннан-ақ айқын көруге болады.
	4. Доға пайда болғаннан кейін электродты бөлшектің шетіне, 2 немесе 3 мм арақашықтыққа тақаңыз да, пісіруді бастаңыз. Доғаның ұзындығы (яғни, электрод пен пісірілетін бөлшектің арасындағы арақашықтық) тұрақты болуы тиіс және электродтың диаметріне шамамен тең болуы тиіс.
	5. Электродты 60° еңкейтіп, өзіңізге қарай бағыттап қозғалта отырып, пісіруді бастаңыз. 2 - 3 мм тұрақты саңылауды ұстап отырып, тұрақты жылдамдықты сақтаңыз. Электродтың ұзындығын теңелтіп отыру үшін ол балқыған сайын қолыңызды тартыңыз.
	6. Пайда болған пісірілген жік (S мәні) электродтың диаметрінен (Е мәні) 1,5-2 есе жоғары болатындай жылжу жылдамдығын таңдаңыз

7. Пісірілген жікті салқындатыңыз

Металл балқыған кезде металл қож қоспасының агломераты түзіледі, бұл салқындаған кезде пісірілген жікті қорғайды.

8. Қож қоспасының қатып қалған агломератын қайтара ұру және металл щеткамен тазарту арқылы тазалау керек. Оны балғамен ұрып, сынықтарын металл щетканың көмегімен алып тастаңыз. Сынықтардан көзіңізді қорғайтын қорғаныс көзілдірігін пайдаланыңыз.

Қауіпсіздік
Пісірілген бөлшектерді жалаң қолыңызбен ұстамаңыз, пісірілгеннен кейін олар жоғары температурада қызып тұрады. Электр тогымен зақымдануға жол бермес үшін дымқыл немесе сулы киім киіп жұмыс істемеңіз.

Ерекше жағдайлар

Бөлшектерді бұрышқа келтіріп пісіру

1. Түпкілікті пісіруді бастамас бұрын бөлшектерді бекітіп алу үшін бірнеше жерін алдын ала пісіріп алыңыз.

	2. Электродты берілген сызбада көрсетілгендей бағыттаңыз.
	3. Пісіруді іске асырыңыз.

Жуан бөлшектерді пісіру

	1. Өте жуан бөлшектерді (6 мм жоғары) пісірмес бұрын егеудің немесе ажарлаушы машинаның көмегімен олардың жүзін қайрау керек, сонда олардың арасында саңылау түзіледі.
	2. Бөлшектердің арасындағы саңылауды толтыру үшін пісіруді бірнеше кезеңмен жасау керек.

Пайдалы кеңестер Электродтарды құрғақ жерде сақтаңыз. Пісіру кезінде бөлшектердің саңылаулары балқыса, пісіруші аппараттағы ток күшін төмендету керек. Қауіпсіздік үшін қарапайым түрлі түсті әйнекті ЕШҚАШАН пайдаланбаңыз, тек қана АРНАЙЫ СҮЗГІЛЕЙТІН ӘЙНЕКТЕРДІ пайдаланыңыз.

Скачать pdf файлы

Клиентті қолдау