Жылытқыш түрлері

Жылу желдеткіші ауаны айдап үрлейтін қыздырғыш элементі бар, желдеткіш түрінде болып келеді..

Оның негізгі кемшілігі – жұмыс істеу кезінде оттегіні жағып тастайды. Жылытылатын бөлмеде тез арада демалатын ауа қалмай қалады.

Артықшылығы – олар бөлмені тез арада жылумен қамтамасыз етеді. Бұл құралдардың пішіні мен көлемі (тіпті, үстел үстіне қойылатын шағын түрлері де бар) әртүрлі..

Еденге қойылатын түрлері тік бұрыштыдан бастап футуристікке дейінгі әртүрлі пішінді болып келеді. Олар қажетті орынға оңай жылжытылады немесе тасымалданады (дөңгелектері бар түрлері).

Шағын тасымалды – қашанда қолға ұстап жүруге болады..

Керегелік конвекторлар орын үнемдейді, қыздырғышты қорғауды қамтамасыз ететін және жылы ауаның конвективті ағымын тиімді арттыратын корпусы бар. Қыздырғыш қорғанысы шаңды күйдірмейді, ал корпусының көпсанды арналары ауаны тиімді қыздыруды және оны бөлмелерге тез таратуды қамтамасыз етеді. Мұндай аспаптар жылудың негізгі немесе көмекші көзі ретінде пайдаланыла алады және көбінесе керегеге бекітіледі. Жылу желдеткіштермен салыстырғанда, ауаны айдау мұнда төменгі жағынан келу арқылы іске асырылады, ал қыздырылған ағындар бөлмеге өнімнің жоғарғы арналары арқылы тарайды.

Май негізді ҚЭҚ (құбырлы электр қыздырғыш) радиаторларда май қыздырылады. Одан кейін жылу бөлмедегі ауаға беріледі. Бұл құрылғылар оларды пайдалану қауіпсіздігін қамтамасыз ету үшін қызып кетпейді. Олардың ішінде қозғалыстағы айдау элементтері жоқ, сол себептен олар шуылсыз жұмыс жасайды.
Құралдың өлшемі оның қуаты мен жылынатын бөлменің параметрлерін анықтайды. Оларды көбіне қосымша жылу көзі ретінде пайдаланады. Камин типтес май негізді радиаторлардың конвекциялық ауа ағынын қамтамасыз ететін арнайы арналары бар.

Инфрақызыл жылытқыштардың басқаларынан өзгешелігі – сәулелену есебінен әрекет ету аумағында орналасқан заттарды қыздыруды қамтамасыз етеді.
Олардың ерекшелігі алдымен заттарды қыздырады, ал қыздырылған ауа дәліздерді, үлкен залдарды, тіпті, үлкен мейрамдар кезінде даланы жылытуға да пайдаланылады. Еденге аяқтары арқылы орнатуға болады, сонымен бірге керегеге немесе төбеге іліп қоюға да болады. Инфрақызыл жылытқыштардың пішіні мен өлшемдері әртүрлі. Олардың шүбәсіз артықшылығы – олар барлық жылытқыштардың ішінде энергияны тұтыну бойынша ең үнемдісі болып табылады.

Газ негізді инфрақызыл жылытқыштарды кез келген ғимараттарға қолдануға болады. Ғимараттағы адамдарды тез жылытады. Жылытқышты электр желісіне қосудың қажеті жоқ. Қала сыртындағы үйлерді, ашық терассаларды және басқа да жерлерді жылыту кезінде бұл таптырмайтын құрал. Құралдың үйлесімді дизайны интерьерді еш бұзбайды.