Электрлі жылы еден, таңдау ерекшеліктері және орнату

Электрлі жылы еден жүйелерінің түрлері

Электрлі жылы едендер дайындау түрі, қуаты және жылыту ауданы бойынша ерекшеленеді. Олардың үш түрі болады:

1. Қыздырғыш төсеніш.
2. Үлдірлі еден.
3. Өзекті еден.

Қыздырғыш төсеніштер (термотөсеніштер) алюминий қабығымен және поливинилхлорид үлдірімен қапталған, әйнекталшықты торға бекітілген өте жіңішке кабельден дайындалады. Мұндай құрылым кабельді зақымданудан қорғайды.

Қыздырғыш төсеніштер еденнің биік болмауын қамтамасыз етеді. Олар тақтай желімінің 3-5 мм аралығындағы жұқа қабатына тікелей орнатылады.

Үлдір типтес жылы еден – үлдірлі қыздырғыш элемент тығыз полимер (полиуретан, лавсан) мен мақта-мата емес материалдың құрылымдық қабаттары арасында болатын көп қабатты материал.

Қыздырғыш элементінің түріне қарай үлдірлі едендердің екі түрі болады: Карбонды. Көміртектен дайындалған қыздырғыш элемент лавсан үлдірінің қабаттары арасында орналасқан. ·Биметалды. Қыздырғыш элемент, яғни мыс және алюминий қорытпасының жолағы полиуретан үлдірінің ішінде орналасады.

Мұндай едендердің бағасы қолжетімді, тіпті негізгі жылыту жүйесі ретінде де пайдаланыла алады. Алайда оны көбіне паркет және паркетті тақтай, ламинат, линолеум, ковролин, қыш және керамогранит тақтасы сияқты еден жабындыларының бірнеше түрімен араластыра отырып, жылытудың қосымша көзі ретінде пайдаланады.

Өзекті еден параллель жалғанған икемді карбонды өзектерден дайындалған. Мұндай құрылым қажетті беріктік пен ұзақ уақытқа төзімділікті қамтамасыз етеді. Сонымен қатар өзекті едендер температура максимумға жеткен кезде , өшу арқылы қызу қарқындылығын реттей алады.

Кабель

Электрлі қыздырғыш едендерде (өзектіден басқа) бір немесе екі тармақты кабель қолданылады. Бірінші жағдайда жүйе термореттегішке кабельдің екі ұшы арқылы жалғанады. Екінші ұшын жалғау мүмкін болмаған кезде қосымша «суық» кабельді созу керек. Екі тармақты кабельде кабельдің бір ұшының көмегімен ғана жүйені қосуға мүмкіндік беретін электр сымы бар, бұл орнату процесін жеңілдетеді. Сонымен қатар оның электр магнитті сәулелену көрсеткіші әлдеқайда төмен, бұл жатынбөлме мен балалар бөлмесі үшін аса маңызды.

Термореттегіштер

Жабдықтың тиімділігі көбіне бақылау мен реттеудің пайдаланылатын аппаратурасы арқылы анықталады. Термореттегіштердің бірнеше түрі болады.

Электронды-механикалық реттегіштер арзан әрі қарапайым, бірақ қызудың нақты температурасын белгілеуге мүмкіндік бермейді. Бұл ретте қызу деңгейі межелді айналдыру арқылы реттеледі.

Орнатылуы бойынша термореттегіштер басқарылатын нысанмен қатар орналастырылатын және қашықта орналасатын, сондай-ақ қондырма және орнатылатын болып бөлінеді. Нақты модельді таңдаған кезде құралды ылғалдылығы жоғары бөлмеге (ваннаға) орнатуға болмайтынын, ал басқарылатын қуаты қағида бойынша, 3 кВт аспауы тиіс екендігін ескерген жөн.

Термореттегіштердің көбі құрал орналасқан жердегі ауаның температурасын өлшейтін берілгімен жабдықталған. Сыртқы берілгіні қосу өтеу температурасын бақылауға мүмкіндік береді, бұл ағаштан жасалған едендер үшін өте маңызды.

Жылы еденді әртүрлі бөлмелерге орнату

Электрлі жылы еден мынадай жағдайларда орнатылады:

• тұтастырғышты орнату кезеңінде (кабельді және өзекті);
• тұтастырғыштың үстіне, тақтайдың астына (кабельді және өзекті);
• жабындының астына (үлдірлі).

Барлық жағдайда да жүйенің астына фольгаланған беткі қабаты бар жылу оқшаулағыш қабат орнатылады.

Жылы еденді жылу берудің қосымша көзі ретінде пайдалану кезінде мынадай меншікті қуат параметрлері ұсынылады (Вт/м2):

• құрғақ бөлме (жоғарыдан және төменнен – жылытылатын) – 120 (тұрғын бөлме, дәліз);
• ылғал (жоғарыдан және төменнен – жылытылатын) – 150 (асүй, ванна);
• жоғарыдан және төменнен – жылытылмайтын – 180 (лоджия).

Жылытудың қажетті қуатын анықтаған кезде төселетін жылы еденнің жиһаздың немесе жабдықтың массивті элементтері орналасқан жерге орнатылмайтынын, мұндай элементтерге және қабырғаларға дейін орнату ауданына енбейтін, 10-15 см бос жолақ қалдыру керектігін ескерген жөн. Жылытудың жалпы қуатын ауданды бөлме түріне сәйкес келетін меншікті қуатқа көбейту арқылы анықтауға болады.

Қыздырғыш элементтердің түрі еденнің беткі қабатын дайындау деңгейіне және төсеу бойынша жүргізілетін жұмыс мүмкіндіктеріне байланысты. Кабельді және өзекті едендер тұтастырғыш жасалып жатқан кезде орнатылады және бөлменің биіктігін төмендетеді. Үлдірлі едендерді еден жабындысын ауыстырып жатқан кезде орнатуға болады, бірақ қыш немесе тас тақтасының астына төсеуге болмайды. Қажетті қуатты анықтап, еден түрін таңдағаннан кейін қыздырғыш элементтерді орналастыруды алдын ала жоспарлау керек, бұл ретте өндірушінің ұсыныстары міндетті түрде ескеріледі.

Кабельді қолданған кезде жүйелі орамдар арасындағы арақашықтық 8 см кем болмауы тиіс, термотөсемдер, өзекті және үлдірлі едендердің белгіленген геометриясы бар. Осы кезеңде термореттегіш пен берілгі орнатылатын орынды анықтау керек.

Асүй. Ванна. Дәліз

Соңғы жабынды түріне қарай орнату

Ламинаттөсеген жағдайда үлдірлі едендерді қолданған жөн, десе де бұрын орнатылған кабельді немесе өзекті едендер тұтастырғышына да орнатуға болады.

Қыш тақта, табиғи тас немесе керамогранит едендері үшін тек кабельді немесе өзекті қыздырғыштарды ғана қолдануға болады.

Линолеум, паркет, массивті және паркетті тақтай кабельді немесе өзекті, сондай-ақ үлдірлі қыздырғышы бар едендерге төселуі мүмкін. Ковролин төсеген жағдайда кабельді немесе өзекті қыздырғышы бар едендерді қолдануға болады, ал үлдірлі түрін қалыңдығы 3 мм кем болмайтын фанерадан немесе ДСП-ден жасалған қосымша қорғаныс құрылғысы болған жағдайда ғана қолдануға болады.

Жылы еденді орнату түрлері

Тұтастырғыш

ПВА желімінің аздаған мөлшерін қосып, цемент пен құмның тең пропорциясынан дайындалатын цемент-құм тұтастырғышы. Орнатудың бұл түрі қыздыру жүйесін механикалық зақымданудан жақсы қорғайды және ұзақ уақыт пайдалануға жарамды. Бұл ретте тұтас жүйе салмағының ауырлығымен өзгешеленеді, құрам қату үшін біраз уақыт қажет.

Тақта желімі

Тақта желімі төсемеге немесе өзекті электрлі еденге жағылады. Ол қатқаннан кейін гидрооқшаулағыш және желімнің екінші қабаты жағылады. Жылы еденге арналған арнайы желім қоспаларын қолдану ұсынылады, олар өте икемді.

Желімді тісті қалақшамен бірқалыпты жағу керек. Қыздыру жүйесін зақымдап алмас үшін пластик айдарды қолдану керек.

Тақтаны салып, басып, деңгей бойынша теңестіру керек.

Желімді қыздыру жүйесіне жаққан жағдайда бос ауаның түзілуіне жол бермеңіз, бұл қатты қызып, күйіп кетуге әкеп соғуы мүмкін. Желім толық кепкеннен кейін ғана пайдалануға болады.

Құрғақтай орнату

Негізге пенополистирол немесе құрғақ үгітінді түріндегі жылу оқшаулағыш қабат төселеді. Оған желімнің немесе өздігінен кескіштердің көмегімен өзара қапсырылатын гипсталшықты тақтайлар орнатылады. Жапсарларын тегістеп, өңдеу керек. Бұл әдіс өте оңай, алайда құрғақ үгітінді жәндіктер мен кеміргіштердің көбеюі үшін жақсы орта болып табылады, ал гипсталшықты тақтайлар ауыр салмақты көтере алмайды.