Интерьердегі тоқыма

(3027 көрілім)

Қалай таңдау керек

Скачать pdf файлы

1Интерьердегі тоқыма

Тюль мен перді бөлмені сәндеудегі маңызды элемент болып табылады. Бөлменің жалпы стиліне, тіпті, жыл мезгіліне байланысты бір терезені түрліше сәндеуге болады. Дұрыс безендірілген терезе интерьерге ерекшелік беріп, қайталанбас көңіл-күй қалыптастырады.

Пайдаланылатын матаға байланысты бөлмеге жылулық (мысалы, жұмсақ велюрмен) немесе жарық (мөлдір шілтердің көмегімен) беруге болады. Сонымен қатар перде практикалық қызмет те атқарады, оның көмегімен күннің жарығынан немесе көшелердегі түнгі жарықтан қорғануға болады. Визуалды әсерді күшейту үшін жиһаз қапталған матаны пайдалануға болады және сәнді жамылғы, жастық және дастарқан тігуге болады.

2Түсі

Интерьерде түс ең басты эстетикалық факторлардың бірі болып табылады. Түс адамның психикалық жай-күйі мен денсаулығына өте зор әсер етеді. Бізді қоршаған түстер, көбіне, біздің мінезімізді білдіреді. Үй барынша жайлы болу үшін тыныштандыратын түс пен неғұрлым бейнелі реңктерді үйлестеру тепе-теңдігін табу керек. Бояу гаммасын дұрыс таңдау интерьерге «бейнелілік» беріп, тартымды етеді. Жылы түстерге мыналар жатады: қызыл, сарғыш және сары, сондай-ақ осы үш түс басым болатын реңктер. Салқын түстерге көк, көгілдір, жасыл, көкшіл жасыл түстердің барлық реңкі жатады.

Жылы түстер адамды толғандырып, жүйке жүйесін қоздырады (әсіресе, қызыл түс). Мұндай түстер белсенді әрекет етуге итермелейді, сондықтан да мұндай түсті холериктің немесе сангвиниктің өмір кеңістігінде тым көп пайдаланбаған жөн. Салқындық сезімін беретін салқын түстер адамды жайландырады. Жасыл түс пен оның реңктері әсіресе, көзге жағымды, бұл ұзақ уақыт бойы жұмыс істеу қабілетін сақтауға көмектеседі.

Тұрғын бөлмедегі үйлесімді бояу түс шешіміне, перде мен шымылдықтың дизайнына ғана байланысты емес. Есіктің, қабырғаның, төбе мен еденнің түсіне, терезе арқылы түсіп тұратын табиғи жарық мөлшеріне, жиһаз, кілем, тұсқағаз, жарықтың безендірілуі сияқты жеке элементтердің түсіне де назар аудару керек. Тиісті түс пен дизайнды таңдау арқылы бөлмедегі пропорцияны өзгертуге болады.

Пәтерде бірнеше бөлме болса, олардың әрқайсысын бір-біріне ұқсамайтын, түс гаммасымен безендірген жөн.

Реңктер мен суреттердің оптикалық тұрғыдан әсер ету үлгілері:

	Төбе ақ, қабырға мен перде көлденең жолақ болса, бөлме үлкен және аласа сияқты болып көрінеді екен.
Төбе қара, қабырға ақ, ламбрекені және көлденең суретті бар перде болса, бөлме аласа болып көрінеді екен.
	Қараңғы әрі ауыр перде болса, терезе кішкентай, ал терезе жаққа қарағанда, бөлме қысқа болып көрінеді.
Пердеде және қабырғада ұсақ сурет болса, бөлме үлкенірек болып көрінеді.
	Қабырға мен перде қараңғы, төбе ақ болса, бөлме кішкентай болып көрінеді.
Перде мен қабырғада ірі суреттер болса, бөлме кішкентай болып көрінеді.

3Дайын перделер

Дайын перделер, тюль және сәнді жастықтар интерьерді оңай әрі жылдам жаңартуға мүмкіндік береді. Егер үш элементтің бәрі бір стильде немесе бірдей түс гаммасында жасалса, кез келген сәтте үйіңіздегі көңіл-күйді өзгерте аласыз.

Әдетте, дайын перденің көлемі стандартты болады. Тюльден тігілген перденің көп кездесетін өлшемі: ені – 140-150 см немесе 300 см, ұзындығы – 260 см немесе 280 см. Қалың матадан тігілген перде үшін көп кездесетін өлшем: ені – 140-150 см немесе 200 см, ұзындығы – 260 см немесе 280 см.

Дұрыс таңдау жасау үшін бөлмедегі терезелерді өлшеу керек.

Дайын перденің, тюльдің ұзындығын қалай өлшеу керек:

Текстиль в интерьере - измерение длины

Скачать pdf файлы

Клиентті қолдау