Төбе тақтасын қалай желімдеу керек

4Дайындық жұмыстары

Тақтаны қалау жұмыстарын бастау алдында қаланатын беткі қабатты дайындау керек. Ол үшін ерекше мұқият болудың қажеті жоқ, тақта күй талғамайтын материал, ол ескі әктің үстіне де қалана береді. Бірақ беткі қабат алдын ала тазартылып, тегістеліп, поливинилацетатты желіммен бітелсе, төбемен тұтасу сапасы анағұрлым жоғары болмақ.

Төбені дайындау

	Ескі жабынды қалақпен тазартыңыз.
	Төбеге бітеуіштің жұқа қабатын жағыңыз.
	Төсеме бояу жағыңыз.

Аспа шамның астындағы тақтаны монтаждау

Аспа шамның төбе тақтасын монтаждауды диагональ бойынша, сондай-ақ қабырғаға параллель түрде іске асыруға болады. Өзіңіздің талғамыңызға қарай таңдайсыз. Белгіні дұрыс қойып шыққан маңызды.

Тартқыш төсеніш

Төбені белгілеу Аспа шам орнатылған нүкте арқылы бір-біріне перпендикуляр екі сызық жүргізіңіз. Оны жіптің немесе скотчтің сызықізімен жасауға болады. Тіктөртбұрыш пайда болады.

Монтажды аспа шамның белгісінен бастап төбенің шетіне дейін жалғастыру қажет.

Егер қабырғаға параллель екі сызық жүргізсеңіз, демек, тақтаны қалау параллель болмақ.

Егер тік бұрыштарды ортасынан бөліп, пайда болған нүктелердің бойымен екі диагональ жүргізетін болсаңыз, диагональ тәсілі арқылы қалайтын белгі пайда болады (квадрат бөлмелер үшін)

Егер бөлме тіктөртбұрышты болса: Төртбұрыштан диагональ бойында екі сызық жүргізіңіз. Олардың қиылысқан жерін орталық деп белгілейміз.

Белгіленген орталық арқылы екі өзара перпендикуляр (қабырғаға параллель) сызықтарды айқастап жүргіземіз.

Осылайша теңдей төрт бөлікке бөлінген беткі қабат пайда болады.

Содан кейін орталықтан жоғары жерге квадрат жасап, сол квадратқа диагональ жүргізу керек (суретте жасыл түспен берілген).

Төбеге тақтаны желімдеуді бастаңыз, бірінші бөлшектің бұрышы белгіленген орталыққа дәлдеп тиіп тұратындай желімделуі керек, әрі қарай сурет бойынша.

Бұрыштағы бөлшектерді қажетті өлшеммен кесу керек.

Монтаж

Төбе тақтасының шеттері мен ортасына желім жағыңыз (кезекпен: біреуін жағып, желімдеңіз).

Белгіге сәйкес, тура ортасына төрт төбе тақтасын қалаңыз. (Төбеге итеріп, үш минуттай күтіп, келесі тақтаға өту керек)

Шеткі төбе тақталарын маляр пышағымен қажетті көлемде кесіп алыңыз.

Төбе тақтасын монтаждау жұмыстарын жасап болғаннан кейін жіктерде саңылау пайда болса, оны акрилді герметиктің көмегімен бітеу керек.

Енді төбе бір бүтін сияқты болып тұрады.

Назар аударыңыз! Диагональ бойынша қалау үлкен бөлмелерде, ал параллель бойынша қалау шағын бөлмелерде әдемі болып көрінеді.

Негізгі бұрыштан бастап монтаждау

Төбеге белгі қою

Бөлмеге кіргенде анағұрлым жақсы көрінетін қабырға мен бұрыш негізгі қабырға және негізгі бұрыш болып табылады. Әдетте, тіктөртбұрышты бөлменің ұзын қабырғасы негізгі қабырға болып белгіленеді.

Негізгі қабырғадан перпендикуляр 51 см өлшеп алыңыз (тақтаның көлемі + саңылауға 1см). Сызықіз қойыңыз. Негізгі қабырғаның бойымен қарама-қарсы бұрышқа жүргізіп, дәл сондай 51 см өлшеп, сызықіз жүргізіңіз.

Бір сызықізден екінші сызықізге дейін жіп тартып, оны скотчпен төбеге бекітіп қойыңыз.

Жіпті төбеге бекітетін скотч салдарынан төбе тақтасын желімдеуді бұрыштан бастай алмайсыз, сондықтан да желімдеуді 2-ші және 3-ші тақтадан бастау керек.

Тақтаны монтаждауды бастаңыз.

Назар аударыңыз! Міндетті түрде белгі қою керек, өйткені қабырға тегіс болмауы мүмкін, сонда төрт-бес тақтаны желімдеп болғаннан кейін шеткісінің қабырғаға қарай жылжып бара жатқанын немесе тіпті, оған бес сантиметрдің жетпей қалғанын байқайсыз, мұндай саңылауды ештеңемен бітей алмайсыз.

Монтаж

Назар аударыңыз! Мамандар процесті екінші тақтадан бастауға кеңес береді, өйткені төбенің белгісін бұзбау керек.

Тақтаға желім жағыңыз.

Назар аударыңыз! Төбе тақтасын монтаждау үшін әмбебап желімді таңдау керек.

Тақта айтарлықтай жеңіл болғандықтан, желімді оның беткі қабатына түгел жағудың керегі жоқ, оның төрт бұрышы мен ортасына жаққан жеткілікті.

Тақтаны таңдалған жерге желімдеңіз.

Келесі тақтаны бастаңыз.

Тақтаны монтаждауды жалғастырып, қажет болған жағдайда төбенің көлеміне сәйкес соңғы қатарды кесіңіз.